agriculture news in Marathi,crop insurance representative not available for farmers, Maharashtra | Agrowon

विमा प्रतिनिधी शोधताना शेतकऱ्यांची दमछाक

टीम अॅग्रोवन
बुधवार, 13 नोव्हेंबर 2019

विमा कंपनीकडे कर्मचाऱ्यांची उपलब्धता कमी असल्याने शुक्रवार (ता. १५) पर्यंत त्यांच्याव्दारे पंचनाम्याचे काम होईल, अशी अपेक्षा आहे. 
- विजय मुखाडे, तालुका कृषी अधिकारी, महागाव, जि. यवतमाळ

यवतमाळ ः मॉन्सूनोत्तर पावसाने झालेल्या नुकसानीचा विमा परतावा मिळावा, यासाठी शेतकऱ्यांनी ७२ तासांत दस्तऐवजांसह क्‍लेम दाखल केले. आता मात्र पंचनाम्यांसाठी कंपनीचे प्रतिनिधी ‘नॉटरिचेबल’ असल्याने शेतकऱ्यांच्या अडचणीत वाढ झाली आहे.

 महागाव तालुक्‍यात ६८ हजार ४९८ हेक्‍टरवर विविध खरीप पिकांची पेरणी झाली आहे. त्यामध्ये २१ हजार १७५ हेक्‍टर सोयाबीन, २५ हजार २०० हेक्‍टरवर कपाशी व उर्वरित क्षेत्रावर तूर, हळदीसह इतर पिकांचा समावेश आहे. सप्टेंबर तसेच ऑक्‍टोबर महिन्यात झालेल्या पावसाने बहुतांश क्षेत्रावरील पिकांना फटका बसला. त्या पार्श्‍वभूमीवर भरपाईची मागणी शेतकऱ्यांमधून होत होती. त्याची दखल घेत राज्य शासनाच्या आदेशानुसार प्रत्यक्ष पंचनाम्यांस सुरवात झाली. 

प्रशासनाने केलेल्या प्राथमिक सर्व्हेक्षणानुसार महागाव तालुक्‍यातील ३५ हजार हेक्‍टर क्षेत्रावरील पिकांचे नुकसान झाल्याचा अंदाज आहे. परंतु, प्रत्यक्षात ४८ हजार हेक्‍टवरील पिकांचे नुकसान झाल्याचे सांगितले जाते. सध्या महसूल, ग्रामविकास व कृषी विभागाच्या कर्मचाऱ्यांकडून गावपातळीवर पंचनामे करण्याचे काम सुरू आहे. परंतु, अधुनमधून येणाऱ्या पावसामुळे पंचनाम्यांचे काम प्रभावीत होत आहे. या आठवड्यात ते पूर्णत्वास जाईल, असा अंदाज प्रशासनाकडून व्यक्‍त केला जात आहे. असे असले तरी पंचनाम्यांची गती मंदावल्याचे चित्र सर्वदूर अनुभवता येते. 

सुरुवातीला हे काम अवघ्या तीन दिवसांत पूर्ण करण्यात येईल, असा दावा करण्यात आला होता. परंतू, आठवडा लोटल्यानंतरही ते झाले नाही. पीकविमा काढलेल्या शेतकऱ्यांची स्थिती तर अधिकच वाईट आहे. नुकसानभरपाईसाठी आधी ऑनलाइन पध्दतीत कमालीचा त्रास सहन करावा लागत आहे. त्यानंतर पंचनाम्यांसाठी विमा कंपनीचा प्रतिनिधी शोधताना देखील शेतकऱ्यांची पुरती दमछाक होत आहे. रब्बी हंगामाची तयारी करण्याऐवजी पंचनामे करण्यासाठी महसूल व विमा कंपनीच्या कर्मचाऱ्यांमागे धावाधाव करण्याची वेळ शेतकऱ्यांवर आली आहे. 

 


इतर ताज्या घडामोडी
मक्यापासून निर्मित जैवप्लॅस्टिकचा...मक्यातील स्टार्च आणि अन्य नैसर्गिक घटकांचा वापर...
जुन्या बागेमध्ये घडाच्या विकासाकडे लक्ष...द्राक्ष बागेमध्ये सध्या वातावरण चांगले असले, तरी...
औरंगाबाद विभागात उसाचे तीन लाख मेट्रिक...औरंगाबाद : या गाळप हंगामात ९ डिसेंबर अखेरपर्यंत...
औरंगाबाद जिल्ह्यात गव्हावर आढळला...औरंगाबाद : जिल्ह्यातील गव्हाच्या पिकावर खोडमाशीचा...
नावातील त्रुटी दुरुस्तीसाठी...वाशीम : पंतप्रधान शेतकरी सन्मान निधी योजनेअंतर्गत...
रत्नागिरी जिल्ह्यात खरिपाच्या विमा...रत्नागिरी : शेतकऱ्यांना नुकसानभरपाई मिळावी,...
शिरोळ, हातकणंगले तालुक्यांत ऊस...कोल्हापूर : ऊस वाहतूकदारांना नऊ टक्के वाढ...
‘नासाका’ सुरू करण्यासाठी शरद पवारांना...नाशिक : ‘नासाका’ पुन्हा सुरू व्हावा यासाठी दिल्ली...
कृषिपंपांना कॅपॅसिटर बसवा, ऑटो स्विचचा...नाशिक : वीजपुरवठा सुरू झाल्यानंतर कृषिपंप तत्काळ...
नांदेड, परभणी, हिंगोली जिल्ह्यांत दोन...नांदेड : नांदेड, परभणी, हिंगोली जिल्ह्यांत...
पीकविम्याच्या भरपाईसाठी प्रस्ताव पाठवा...सोलापूर : उत्तर सोलापूर, नरखेड, मार्डी, शेळगी,...
पुणे विभागातील १७०० गावांमधील भूजल...पुणे  ः यंदा मुबलक प्रमाणात पाऊस झाला असला,...
नगर जिल्ह्यातील कारखान्यांकडून पावणेसात...नगर  ः जिल्ह्यात १४ सहकारी व नऊ खासगी असे...
नवीन लाल कांद्याच्या दरात चढ-उतारनाशिक: अतिवृष्टीमुळे अनेक खरीप कांदा लागवडी बाधित...
कांदा दरवाढीनंतर कोबीला आले ‘अच्छे दिन’कोल्हापूर : कांद्याचे दर वाढल्याने हॉटेल...
भंडारा : शेतकऱ्यांना आज होणार विमा...मुंबई : भंडारा जिल्ह्यातील शेतकऱ्यांना खरीप २०१९...
...म्हणून सहा एकरांवरील द्राक्षबागेवर...नाशिक  : निफाड तालुक्यातील सोनेवाडी येथे...
राज्याला केंद्राकडून १५ हजार कोटी येणे...मुंबई  :  वस्तू व सेवा कर (जीएसटी)...
शिवनेरीवरून कर्जमाफीची घोषणा होण्याची...पुणे  ः मुख्यमंत्री उद्धव ठाकरे आज (गुरुवारी...
पंकजा मुंडे यांच्या स्वाभिमान...बीड  : लोकनेते गोपीनाथ मुंडे यांच्या...