agriculture news in marathi,cultivation starts in kharip crop, varhad, maharashtra | Agrowon

वऱ्हाडात पावसाचा जोर अोसरताच मशागतीची कामे वेगात

टीम अॅग्रोवन
सोमवार, 30 जुलै 2018

या वर्षी अातापर्यंत पीक परिस्थिती समाधानकारक असून, मोठ्या पावसाची अावश्यकता अाहे. सध्या सोयाबीनवर कीडीचा प्रादुर्भाव झाल्याने चिंता वाढली अाहे.

- राजू घोडे, शेतकरी, उंबर्डा बाजार, ता. कारंजा, जि. वाशीम.

अकोला   : गेल्या तीन दिवसांपासून पावसाचा जोर अोसरल्याने अाता शेतीतील मशागतीच्या कामांना पुन्हा एकदा जोमाने सुरुवात झाली अाहे. पिके सर्वत्र वाढीच्या अवस्थेत अाहेत. वऱ्हाडातील जिल्ह्यांमध्ये या वर्षीदेखील पावसाच्या अनियमितपणामुळे एकाच वेळी पेरण्या होऊ शकलेल्या नाहीत. परिणामी, शेतांमध्ये विविध प्रकारची कामे सुरू अाहेत.

मृगात पाऊस सुरू झाल्यानंतर ज्या शेतकऱ्यांनी पेरणी केली; त्यांची पिके अाता दीड महिन्यापेक्षा अधिक कालावधीची झाली अाहेत. तर, काही भागातील पिके अवघी दहा ते पंधरा दिवसांची अाहेत. अद्याप अकोला, बुलडाणा जिल्ह्यात काही क्षेत्रांवर पेरणीसुद्धा व्हायची अाहे. अशा स्थितीत शेतीतील मशागतीची कामे वेगवेगळ्या टप्प्यांवर अाहेत.

असंख्य शेतातील पिकांमध्ये सध्या डवरणीची कामे अधिक प्रमाणात होत अाहेत. मागील अाठवड्यांत संततधार पाऊस झाल्याने पिकांमध्ये तण वाढले असून, हे तण नष्ट करण्यासाठी असंख्य शेतकरी तणनाशकाचा वापर करीत अाहेत. कुठे निंदण, डवरणीच्या माध्यमातून तण नष्ट केले जात अाहे. तणाची वाढ अधिक झालेली असल्याने तणनाशकाचा तितकासा उपयोग होताना दिसत नाही. परिणामी, पर्यायी उपाययोजना केल्या जात अाहेत.

डवरणीची दिवसाची मजुरी १६०० रुपयांपर्यंत पोचली अाहे. यात बैलजोडी व एक व्यक्तीला १२०० रुपये व इतर दोन डवरे धरण्यासाठी दोन मजुरांना एकूण ४०० रुपये मजुरी द्यावी लागत अाहे. निंदणासाठी दिवसभराची मजुरी १२५ ते १७५ रुपयांपर्यंत द्यावी लागत अाहे.

या विभागातील तीनही जिल्ह्यांमध्ये प्रामुख्याने सोयाबीनची लागवड सर्वाधिक झालेली असून, पिकावर पाने खाणारी, पाने गुंडाळणाऱ्या अळीचा प्रादुर्भाव झालेला दिसून येत असल्याने शेतकरी कीड नियंत्रणासाठीच्या उपाययोजनांमध्ये व्यस्त अाहेत.महिना, दीड महिना कालावधीची पिके झालेल्या शेतांमध्ये रासायनिक खतांची मात्रा शेतकरी देत अाहेत.

पावसाने उघडीप दिल्याने शेतीतील कामांसाठी मजुरांची मागणी वाढली अाहे. डवरणी, निंदण, फवारणीच्या कामांसाठी मजुरांची मागणी वाढल्याने मजुरीत २५ ते ४० रुपयांपर्यंत वाढ झाली अाहे. मागणीच्या तुलनेत अपेक्षित मजूर मिळत नसल्याने मानवचलीत, ट्रॅक्ट्ररचलीत यंत्राद्वारेही कामे करून घेतली जात अाहेत.
 


इतर ताज्या घडामोडी
पुणे जिल्ह्यात `कृषी, उद्योग, ऊर्जा’...पुणे : जिल्ह्याच्या २०२०-२१ च्या प्रारूप वार्षिक...
‘टेंभू’चे आवर्तन पुढील आठवड्यात...सांगली : टेंभू उपसा सिंचन योजनेचे आवर्तन सुरू करा...
भंडारा : केवळ खरेदी केंद्रांवरच मिळतोय...भंडारा : महाविकास आघाडीकडून ५०० रुपयांचे बोनस आणि...
जळगाव जिल्ह्यात शासकीय धान्य खरेदीला...जळगाव : जिल्ह्यातील तीन केंद्रांमध्ये सोयाबीनची व...
सातारा जिल्ह्यात दहा हजार हेक्‍टरवर...सातारा : जिल्ह्यात रब्बी हंगामातील कांद्याची...
लातूर विभागात रब्बीत बारा लाख हेक्‍टरवर...लातूर : लातूर कृषी विभागांतर्गत लातूर,...
उद्योगांच्या दबावाने कापूस निर्यात बंदी...पुणे ः कापसाला आंतरराष्ट्रीय पातळीवर चांगले दर...
गोंदिया : सौरकृषिपंप उभारणीचे कार्यादेश...गोंदिया  ः राज्य शासनाची ‘मुख्यमंत्री...
जाणून घ्या बहुगुणी पळसाबद्दल..!शास्त्रीय नावः ब्युटीया मोनोस्पर्मा वनस्पतीचे...
औरंगाबादेत कांदा १००० ते ४४०० रुपये...औरंगाबाद : येथील कृषी उत्पन्न बाजार समितीमध्ये...
तापावर गुणकारी गुळवेलजळजळ होणे, बारीक ताप येणे, उष्णता वाढणे या...
सुधारित पद्धतीने करा हळद काढणीसर्वसाधारणपणे जातीपरत्वे हळद काढण्यास ७ ते ९...
अंजीर-सिताफळ संशोधन केंद्राचे प्रमुख डॉ...पुणे : महात्मा फुले कृषी विद्यापिठाच्या ...
तोलाई मजुरीसाठी सांगली बाजार समितीच्या...सांगली : कृषी उत्पन्न बाजार समितीमध्ये तोलाई...
परभणी जिल्ह्यात सिंचनाची ५० कोटींवर...परभणी : जिल्ह्यातील लघू, मध्यम, मोठ्या...
खानदेशात रब्बी ज्वारी, मक्यावर लष्करी...जळगाव : खानदेशात खरिपात शेतकऱ्यांना फटका बसलेला...
परभणीत गाजर ८०० ते १५०० रुपये...परभणी  : येथील पाथरी रस्त्यावरील फळे...
औरंगाबाद, जालना, बीड जिल्ह्यांत साडेआठ...औरंगाबाद : औरंगाबाद, जालना, बीड या तीन...
अमरावती विभागात सहा लाख ८३ हजार शेतकरी...अमरावती ः महात्मा जोतिराव फुले शेतकरी कर्जमुक्ती...
एम्प्रेस गार्डनच्या पुष्पप्रदर्शनाला...पुणे ः एम्प्रेस बोटॅनिकल गार्डनच्या वतीने आयोजित...