Agriculture news in marathi;Dakbar sowing crisis in Akola district | Agrowon

अकोला जिल्ह्यात दुबार पेरणीचे संकट
टीम अॅग्रोवन
शनिवार, 20 जुलै 2019

अकोला ः पावसाचा खंड आणि त्यातच दिवसाचे तापमानसुद्धा वाढल्याने जिल्ह्यात पेरणी झालेले बहुतांश क्षेत्र अडचणीत आले आहे. काही भागांत दुबार पेरणीचे संकट ओढवण्याची भीती आहे. जिल्ह्यात आतापर्यंत ३ लाख ५० हजार हेक्टरपेक्षा अधिक क्षेत्रावर पेरणी झाली आहे. तर, पावसाअभावी एक लाख हेक्टरपेक्षा अधिक क्षेत्रावरील पेरणी रखडली आहे. शेतकरी पावसासाठी आकाशाकडे डोळे लावून बसला आहे. 

अकोला ः पावसाचा खंड आणि त्यातच दिवसाचे तापमानसुद्धा वाढल्याने जिल्ह्यात पेरणी झालेले बहुतांश क्षेत्र अडचणीत आले आहे. काही भागांत दुबार पेरणीचे संकट ओढवण्याची भीती आहे. जिल्ह्यात आतापर्यंत ३ लाख ५० हजार हेक्टरपेक्षा अधिक क्षेत्रावर पेरणी झाली आहे. तर, पावसाअभावी एक लाख हेक्टरपेक्षा अधिक क्षेत्रावरील पेरणी रखडली आहे. शेतकरी पावसासाठी आकाशाकडे डोळे लावून बसला आहे. 

कृषी विभागाने खरीप हंगामासाठी ४ लाख ८० हजार हेक्टरवर पेरणीचे नियोजन केलेले आहे. पावसाचे आगमन उशिरा झाल्याने  शेतकऱ्यांनी कमी-जास्त प्रमाणात पेरण्यांना सुरवात केली होती. दरम्यानच्या काळात अधूनमधून पाऊस झाल्याने पिके तरारलीसुद्धा. जिल्ह्यात आतापर्यंत ७५ टक्के क्षेत्र लागवडीखाली आले. 

दरम्यान, लागवड झालेल्या क्षेत्रात सोमवारअखेरीस (ता. १५) कापूस १ लाख २२ हजार ५६, सोयाबीन १ लाख ४३ हजार ३६२, तूर ४४ हजार ८९१, उडीद १० हजार ६८८, मूग १४ हजार १५३, ज्वारी ८ हजार २०६ व बाजरी २१२ हेक्टरवरील पेरणी झालेली आहे. मात्र, आता पावसाने दडी मारल्यामुळे अंकुरलेले पीक जळण्यास सुरवात झाली आहे. अनेक ठिकाणी हलक्या जमिनीवरील पेरणी उलटलीसुद्धा आहे. काही शेतकऱ्यांनी दुबार पेरणी केली. या आठवड्यात पाऊस न आल्यास सर्वत्र दुबार पेरणीचे संकट वाढणार आहे. या संकटात शेतकऱ्यांना आर्थिक मदत दिली जावी, अशी मागणी शेतकरी व विविध संघटना करू लागल्या आहेत. 

मूर्तिजापूर तालुका पिछाडीवर
या हंगामात जिल्ह्यात मूर्तिजापूर तालुका सर्वांत पिछाडीवर पडला आहे. गेल्या वर्षी या तालुक्यात जूनमध्येच जोरदार पाऊस होऊन पेरण्या आटोपल्या होत्या. यंदा अर्धा जुलै लोटूनही केवळ २६ हजार ४७६ हेक्टरवर म्हणजेच ३६ टक्के क्षेत्रावर पेरणी झाली. अनेक शेतकऱ्यांनी पीक मोडून काढले आहे. आता दुबार पेरणी करायची म्हटले, तरी जमिनीत ओल नसल्याने पेच बनलेला आहे.

तालुकानिहाय झालेली पेरणी (हेक्टरमध्ये) 

तालुका पेरणी क्षेत्र टक्केवारी
अकोला ७३८९६ ७०
पातूर ४०८६० ७८
बाळापूर ४८२०९ ८०
अकोट ५८२६१ ८५
बार्शीटाकळी ५१३५७ ८२
मूर्तिजापूर २६४७६ ३६
तेल्हारा ४३७८७ ७७

मी ३५ एकरांतील पीक वखरले आहे. २० एकरांतील तूर व मुगाचे पीक काढून झाले. आता २० एकरांतील सोयाबीन वखरणीचे काम सुरू आहे. या पेरणीसाठी अडीच लाखांवर खर्च झालेला आहे. ३० जूनला पेरणी केली होती. पीक उगवलेही होते. मात्र, नंतर पाऊस न आल्याने पेरणी उलटली. 
- हितेश प्रल्हाद बावनेर (जांभा खुर्द, ता. मूर्तिजापूर)

इतर ताज्या घडामोडी
महाजनादेश यात्रेला बुधवारपासून नंदूरबार...नंदुरबार ः राज्यातील पूरस्थितीमुळे स्थगित झालेली...
पुणे बाजार समिती प्रशासकपदी वर्णी...पुणे  : पुणे कृषी उत्पन्न बाजार समितीचे...
प्रतिकूल हवामानामुळे जुन्नर तालुक्यातील...नारायणगाव, जि. पुणे  : दोन महिन्यांपासून...
नगर जिल्ह्यातील दहा ते अकरा तालुक्यांवर...नगर  ः राज्याच्या काही भागांत जोरदार पावसाने...
पीक नुकसानीबाबत शेतकऱ्याने मांडली कृषी... कऱ्हाड, जि. सातारा ः घरात हुतं नव्हतं...
खानदेशात कापूस पिकात मर रोग, मूळकूजजळगाव ः खानदेशात जळगाव, धुळे व नंदुरबार...
...अन् नारायण राणे काँग्रेसमध्ये गेले...मुंबई  ः कोणताही अन्याय सहन करायचा नाही, या...
सिंधुदुर्ग जिल्ह्यात केळी, नारळ, सुपारी... सिंधुदुर्ग  ः कुणी तीन लाख तर कुणी दोन...
राष्ट्रपतींनी घेतला सूतकताईचा अनुभववर्धा  ः राष्ट्रपती रामनाथ कोविंद यांनी...
पीएच.डी.साठी गुरुवारी सामाईक प्रवेश...पुणे ः  राज्यातील चारही कृषी विद्यापीठांतील...
विधानसभा निवडणुकीसाठी काँग्रेस-... भंडारा  ः विधानसभा निवडणुकीत कॉंग्रेस...
कोयना धरणातून ६७ टीएमसी पाण्याचा विसर्गसातारा : या महिन्याच्या सुरवातीपासून मुसळधार...
मराठवाड्यात पाणीसाठ्याची स्थिती विदारकऔरंगाबाद : अर्धा पावसाळा लोटला तरीही मराठवाड्यात...
बुलडाणा जिल्ह्यात निर्माण झाली १३२५...बुलडाणाः जिल्हा प्रशासन व भारतीय जैन संघटना...
कोकणात नुकसानभरपाईचे वेगळे निकष लावा :...रत्नागिरी : ‘‘सांगली, कोल्हापूरप्रमाणेच कोकणातील...
सिंधुदुर्गात अतिवृष्टीने महावितरणचे चार...सिंधुदुर्ग : जिल्ह्यात झालेल्या अतिवृष्टी आणि...
शेतीमध्ये रासायनिक खतांचा वापर...जालना : सेंद्रिय शेतीमध्ये रासायनिक खतांचा...
परभणी जिल्ह्यात पाण्याअभावी फळबाग...परभणी : जिल्ह्यात गतवर्षीची दुष्काळी स्थिती आणि...
औरंगाबादेत कांदे १००० ते १६०० रुपये...औरंगाबाद : येथील कृषी उत्पन्न बाजार समितीमध्ये...
जळगावच्या पश्‍चिम भागातील प्रकल्प कोरडेचजळगाव ः खानदेशात अनेक भागांत पाऊसमान चांगले असले...