agriculture news in marathi,dam storage status, marathwada, maharashtra | Agrowon

मराठवाड्यातील लघू प्रकल्पांत १४ टक्के उपयुक्त पाणीसाठा

टीम अॅग्रोवन
बुधवार, 18 एप्रिल 2018
औरंगाबाद  : एकीकडे उष्णतेचे प्रमाण वाढत असताना मराठवाड्यातील प्रकल्पांमधील पाणीसाठा झपाट्याने कमी होत आहे. ७४६ लघू प्रकल्पांतील उपयुक्‍त पाणीसाठा १४ टक्‍क्‍यांवर आला आहे. मराठवाड्यातील एकूण ८६७ प्रकल्पांमधील उपयुक्‍त पाणीसाठ्याचा टक्‍का २४ वर आला असून, झपाट्याने आटणारे पाणीसाठे चिंतेत भर घालत आहेत. 
 
औरंगाबाद  : एकीकडे उष्णतेचे प्रमाण वाढत असताना मराठवाड्यातील प्रकल्पांमधील पाणीसाठा झपाट्याने कमी होत आहे. ७४६ लघू प्रकल्पांतील उपयुक्‍त पाणीसाठा १४ टक्‍क्‍यांवर आला आहे. मराठवाड्यातील एकूण ८६७ प्रकल्पांमधील उपयुक्‍त पाणीसाठ्याचा टक्‍का २४ वर आला असून, झपाट्याने आटणारे पाणीसाठे चिंतेत भर घालत आहेत. 
 
मराठवाड्यातील ११ मोठ्या प्रकल्पांमधील उपयुक्‍त पाणीसाठा २८ टक्‍क्‍यांवर आला आहे. ७५ मध्यम प्रकल्पातही केवळ २४ टक्‍के उपयुक्‍त पाणीसाठा शिल्लक आहे. गोदावरी नदीवरील ११ बंधाऱ्यांमध्ये २९ तर तेरणा, मांजरा, रेणा नदीवरील चोवीस बंधाऱ्यांमध्ये केवळ ३२ टक्‍केच उपयुक्‍त पाणीसाठा शिल्लक आहे.
 
मोठ्या प्रकल्पांपैकी एक असलेल्या परभणी जिल्ह्यातील येलदरी प्रकल्पात उपयुक्‍त पाणीसाठा संपुष्टात आला आहे. नांदेड जिल्ह्यातील निम्न मनार प्रकल्पातील पाणीसाठाही झपाट्याने कमी होतो आहे. गत आठवड्यात या प्रकल्पात १४ टक्‍के उपयुक्‍त पाणीसाठा होता. सध्या या प्रकल्पात ९ टक्‍केच उपयुक्‍त पाणीसाठा शिल्लक आहे.  विष्णूपुरी प्रकल्पात १२ तर हिंगोली जिल्ह्यातील सिद्धेश्‍वर प्रकल्पातही केवळ १४ टक्‍केच उपयुक्‍त पाणीसाठा शिल्लक आहे. जायकवाडी प्रकल्पातील उपयुक्‍त पाणीसाठा आता ४८ टक्‍क्‍यांवर आला आहे.
 
औरंगाबाद जिल्ह्यातील १६ मध्यम प्रकल्पांमधील पाणीसाठ्याची अवस्था बिकट आहे. या प्रकल्पांमध्ये केवळ ४ टक्‍केच उपयुक्‍त पाणीसाठा शिल्लक आहे. परभणी जिल्ह्यातील दोन मध्यम प्रकल्पात केवळ दहा टक्‍के उपयुक्‍त पाणीसाठा शिल्लक आहे. हिंगोली जिल्ह्यातील २७ लघू प्रकल्पातील पाणीसाठ्यात लक्षणीय घट होत असून, सध्या या प्रकल्पांमध्ये केवळ चार टक्‍के उपयुक्‍त पाणीसाठा आहे.
 
परभणी जिल्ह्यातील २२ लघू प्रकल्पांत ८, जालना जिल्ह्यातील ५७ लघू प्रकल्पात ९, औरंगाबाद जिल्ह्यातील ९३ लघू प्रकल्पांत १०, बीडमधील १२६, लातूरमधील १३२, उस्मानाबादमधील २०१ लघू प्रकल्पांमध्ये  प्रत्येकी १७ टक्‍केच उपयुक्‍त पाणीसाठा शिल्लक आहे. नांदेड जिल्ह्यातील ८८ लघू प्रकल्पांत १३ टक्‍के उपयुक्‍त पाणीसाठा शिल्लक असल्याची माहिती जलसंपदा विभागाच्या सूत्रांनी दिली. 

औरंगाबाद जिल्ह्यातील सोळापैकी नऊ, बीड व नांदेडमधील प्रत्येकी एका मध्यम प्रकल्पासह घनसरगाव बंधाऱ्यातील उपयुक्‍त पाणीसाठा शून्यावर आला आहे. यात औरंगाबाद जिल्ह्यातील लाहूकी, गिरीजा, वाकोद, खेळणा, अंजना पळशी, शिवना टाकळी, टेंभापूरी, नारंगी बोरदहेगाव, बीड जिल्ह्यातील वाघेबाभूळगाव, तर नांदेड जिल्ह्यातील महालिंगी प्रकल्पाचा समावेश आहे. 


इतर ताज्या घडामोडी
पुणे विद्यापीठात पश्चिम विभागीय औषधी...पुणे  ः केंद्र सरकारच्या आयुष...
शिर्डीतील सामुदायिक विवाह सोहळ्यासाठीची...शिर्डी, जि. नगर  : साई सिद्धी चॅरिटेबल...
माळेगाव कारखान्यात सत्तापरिवर्तन;...माळेगाव, जि. पुणे  ः राज्यात लक्षवेधी...
नगर जिल्ह्यातील सहा केंद्रांवर तूर...नगर  ः जिल्ह्यात हमीभावाने तूर खरेदीसाठी आठ...
कर्जमाफीवरून विरोधक दुसऱ्या दिवशीही...मुंबई  ः भाजपने शेतकरी कर्जमाफी आणि महिला...
सातारा जिल्ह्यात ९० टक्के क्षेत्रावर...सातारा  ः जिल्ह्यात पोषक वातावरणामुळे रब्बी...
मसाला, सुगंधी वनस्पतीवर्गीय पिकांची...अकोला  ः ‘‘आपल्याकडील हवामान, जमीन हे मसाला...
मराठवाड्यात यंदा तुती लागवडीसाठी...औरंगाबाद : मराठवाड्यात गतवर्षी दुष्काळाचा...
संपूर्ण कर्जमुक्तीसाठी भाजपचे आंदोलन अकोला  : राज्यातील महाविकास आघाडी सरकारने...
`म्हैसाळ`च्या उन्हाळी आवर्तनाकडे...सलगरे, जि. सांगली : म्हैसाळ पाणी योजनेचे कालवे...
अकोला झेडपी देणार आत्महत्याग्रस्त...अकोला  ः नापिकी, कर्जबाजारीपणामुळे जिल्ह्यात...
लातूर विभागात १४ लाख हेक्‍टरवर रब्बी...लातूर : विभागीय कृषी सहसंचालक कार्यालयांतर्गत...
अमरावती जिल्ह्यात निवडणुकांचा बिगुलअमरावती  ः जिल्ह्यात एप्रिल ते जून या...
वऱ्हाडातील चार लाख शेतकरी...अकोला  ः राज्य शासनाने जाहीर केलेल्या...
मराठवाडा, खानदेशातील नऊ कारखान्यांची...औरंगाबाद  : येथील साखर सहसंचालक...
नांदेड, परभणी, हिंगोली जिल्ह्यात ३३११...नांदेड : महात्मा जोतिराव फुले शेतकरी कर्जमुक्ती...
जळगाव : कर्जमाफीसाठी ११३ शेतकऱ्यांचे...जळगाव  : महात्मा ज्योतिराव फुले शेतकरी...
कराडी येथे रेंजअभावी कर्जमाफी लाभार्थी...पारोळा, जि. जळगाव ः राज्य सरकारच्या महात्मा...
पुष्पोत्सव अधिक मोठ्या स्वरूपात साजरा...नाशिक : ‘नाशिक महापालिका राबवत असलेला...
नाशिक जिल्ह्यात गव्हाच्या पेऱ्यात वाढनाशिक : जिल्ह्यात रब्बीच्या एकूण १ लाख १३ हजार...