Agriculture news in marathi;Demand for increased expansion in Washim district | Agrowon

वाशीम जिल्ह्यात पीकविम्याची मुदत वाढून देण्याची मागणी

टीम अॅग्रोवन
बुधवार, 24 जुलै 2019

वाशीम ः जिल्ह्यातील शेतकरी गेले वर्षभर विविध अडचणींनी त्रस्त आहेत. अनेकांना मागील वर्षाचा पीकविमाही मिळाला नाही. त्यामुळे आगामी पीकविम्याची मुदत तरी आता वाढवून द्यावी, अशी मागणी शेतकऱ्यांमधून केली जात आहे. या वर्षी पीकविमा भरण्यासाठी बुधवार (ता.२४) पर्यंत मुदत देण्यात आलेली होती. 

वाशीम ः जिल्ह्यातील शेतकरी गेले वर्षभर विविध अडचणींनी त्रस्त आहेत. अनेकांना मागील वर्षाचा पीकविमाही मिळाला नाही. त्यामुळे आगामी पीकविम्याची मुदत तरी आता वाढवून द्यावी, अशी मागणी शेतकऱ्यांमधून केली जात आहे. या वर्षी पीकविमा भरण्यासाठी बुधवार (ता.२४) पर्यंत मुदत देण्यात आलेली होती. 

नैसर्गिक आपत्तीत पीक नुकसान झाले तर शेतकऱ्यांना भरपाई मिळावी, यासाठी पंतप्रधान पीकविमा योजना राबवली जात आहे. कर्जदार तसेच बिगर कर्जदार सभासदांना या तारखेच्या आत आपला विमा हप्ता भरायचा आहे. या योजनेत सहभागी होण्यासाठी फक्त दोन दिवस उरले आहेत. असंख्य शेतकऱ्यांना कागदपत्रांची पूर्तता करताना विलंब लागलेला आहे. काही ठिकाणी तांत्रिक अडचणींमुळे विमा हप्ता भरता आलेला नाही. अशा परिस्थितीत पीकविम्याचा हप्ता भरू न शकलेले शेतकरी योजनेपासून वंचित राहू शकतात. 

नैसर्गिक आपत्ती तसेच इतर कारणांमुळे नुकसान झाले तर शेतकऱ्यांना दिलासा देण्यासाठी ही योजना फायदेशीर ठरू शकते, अशी भावना शेतकऱ्यांमध्ये आहे. त्यामुळेच शेतकरी पीकविमा भरण्यासाठी धडपड करीत आहेत. पीकविमा भरण्याची प्रक्रिया आनलाइन असल्यामुळे त्यामध्ये दोन ते तीन तास जात आहेत. सातबारा उतारा ऑनलाइन काढला तरी तलाठ्याच्या स्वाक्षरीसाठी दोन तीन चकरा माराव्या लागतात. शिवाय, पीकविमा भरण्यासाठी ऑनलाइन अर्ज भरावे लागत असल्याने सेतू केंद्रावर गर्दी होत आहे. त्यासाठी ही मुदत किमान १५ दिवसांनी वाढविण्याची मागणी समोर आली आहे. 
 

गेल्या वर्षात पीकविम्याची तारीख ३१ जुलै होती. मात्र या वर्षी ही तारीख सात दिवस कमी आहे.  ही तारीख किमान पंधरा दिवस वाढवून मिळावी.
- गजानन गोरले, 
शेतकरी, विठोली, जि. वाशीम

या वर्षी  पीकविमा मिळेल असे 
शासनाने जाहीर करूनही व शेतकऱ्यांनी आंदोलन केलेले असताना मदत मिळालेली नाही. तरीही शेतकरी या वर्षी पीकविमा भरण्यासाठी पुढे येत आहेत. मात्र, पीकविमा भरण्याच्या प्रक्रियेत अडचणी येत असल्याने ही मुदत वाढविण्याची गरज आहे. 
- अभिजित राऊत, शेतकरी, विठोली, जि. वाशीम

टॅग्स

इतर ताज्या घडामोडी
पुणे विभागात गव्हाचा १ लाख ६८ हजार...पुणे  ः पुणे विभागात गव्हाच्या पेरण्या...
खासदार औद्योगिक महोत्सवाच्या माध्यमातून...नागपूर  ः खासदार औद्योगिक महोत्सवाच्या...
अकोला कृषी विद्यापीठात विद्यार्थ्यांचे...अकोला  : ‘कृषी’चे पदव्युत्तर शिक्षण हे...
तीन जिल्ह्यांत तूर विक्रीसाठी २९...नांदेड  ः मराठवाड्यातील नांदेड, परभणी,...
आळसंद येथील पशुवैद्यकीय दवाखाना उद्‌...आळसंद, जि. सांगली : आळसंद (ता. खानापूर) येथे...
तीन जिल्ह्यांत सतरा लाख ४१ हजार क्विंटल...नांदेड  ः नांदेड, परभणी, हिंगोली जिल्ह्यांत...
जावळी तालुक्यात वन्यप्राण्यांकडून... मेढा, जि. सातारा : जावळी तालुक्‍यात...
कातळावरील गोड्या पाण्यातील मत्स्यशेतीचा...सिंधुदुर्ग : जिल्ह्यातील कांदळगाव (ता. मालवण)...
सुरक्षित प्रवासासाठी प्रवाशांना सुविधा...नाशिक : प्रवाशांना अधिकाधिक सुविधा देऊन त्यांचा...
महाशिवरात्रीनिमित्त पुण्यात रताळी,...पुणे  ः गुलटेकडी येथील पुणे कृषी उत्पन्न...
बदलत्या हवामानात कृषी जैवविविधतेचे...संयुक्त राष्ट्रसंघाच्या कृषी जैवविविधता आणि अन्न...
हरितगृह वायू कोणते?मागील लेखामध्ये हरितगृह परिणाम म्हणजे काय, ते आपण...
जागतिक तापमानवाढीवर हरितगृह वायूंचा...सध्या सर्वत्र तापमानवाढीची चर्चा असली, तरी...
गिरणा परिसरात कांदा लागवडीकडे कलमेहुणबारे, जि. जळगाव  ः चाळीसगाव तालुक्‍यात...
घराघरांत पोचणार नळ कनेक्‍शन, बसणार मीटर...जळगाव  : जिल्ह्यात ग्रामीण भागातील जनतेला...
जळगाव जिल्ह्यात कर्जमुक्ती योजनेतून...जळगाव : राज्यातील महाविकास आघाडी शासनाने महात्मा...
शेतकऱ्यांना सन्मानपूर्वक कर्जमुक्तीचा...अकोला ः शेतकरी कर्जदार नसून तो भूमीचा राजा आहे....
केंद्राच्या पथकाकडून लासलगावला कांदा...नाशिक  : कांद्याचे घसरते बाजार भाव पाहता...
`रेशीम प्रकल्पाच्या मंजुरीसाठी...औरंगाबाद : राज्यातील रेशीम उद्योगाच्या एकूणच...
अमरावती येथे जिल्हा परिषद अधिकाऱ्यांना...अमरावती ः जिल्हा परिषदेत आठवड्यातील दोन दिवस...