शेतकऱ्यांकडून सक्तीने वीजबिलाची थकबाकी वसूल करताच कशी : मुंडे

मागील काळातील पीक नुकसानीचे अनुदान अद्याप मिळालेले नाही, फसवी कर्जमाफी केली, पीकविमा मिळत नाही, महागाईमुळे शेतकरी त्रस्त आहेत, शेतीमालाला हमीभाव मिळत नाही. चोहोबाजूने शेतकरी संकटात सापडले असतांना महावितरणची ही जुलमी वसुली सुरु आहे. हे पत्रक तातडीने मागे घ्यावे, शेतकऱ्यांकडील सक्तीची वीजबिल वसुली थांबवावी. इतकेच नाही तर त्यांचे वीजबील माफ करून त्यांना दिलासा द्यावा. - धनंजय मुंडे, विरोधी पक्ष नेते, विधान परिषद.
धनंजय मुंडे
धनंजय मुंडे

मुंबई : राज्यातील शेतकरी दुष्काळामुळे संकटात असताना त्यांना आधार देण्याऐवजी, मदत करण्याऐवजी शेतकऱ्यांकडील वीज बिलाची थकबाकी सक्तीने वसूल करण्याचे आदेश कसे काय देता? असा सवाल विधान परिषदेचे विरोधी पक्षनेते धनंजय मुंडे यांनी ऊर्जामंत्री चंद्रशेखर बावनकुळे यांना केला आहे.

राज्यात पावसाअभावी दुष्काळी परिस्थिती निर्माण झाली आहे. पावसाअभावी शेतकऱ्यांची पिके पूर्णपणे गेली आहेत. अशावेळी शेतातील उपलब्ध थोड्याशा पाण्यावर पिके जगवण्याची शेतकऱ्यांना शेवटची आशा उरली आहे. शेतकरी ही पिके जगवण्याचा प्रयत्न करत असतानाच महावितरणने एक पत्रक काढून त्यांच्याकडील कृषी पंपाची, विजेची थकबाकी ३ हजार रुपये, ५ हजार रुपये याप्रमाणे वसूल करण्याचे आदेश काढले असल्याने शेतकरी वर्गात संतापाची लाट उसळली आहे.

महावितरणच्या संचालकांनी १९ सप्टेंबरला राज्यातील सर्व मुख्य अभियंता, अधीक्षक अभियंत्यांना पत्र पाठवून शेतकऱ्यांकडील वीजबिलाची वसुली करण्याचे सक्त आदेश दिले आहेत. हे आदेश ऊर्जामंत्री चंद्रशेखर बावनकुळे यांच्यासोबत १८ ऑगस्टला झालेल्या एका बैठकीनुसार काढण्यात आल्याचेही या पत्रात म्हटले आहे. शासनाच्या या सक्तीच्या वीज बिल वसुलीबाबत धनंजय मुंडे यांनी संतप्त प्रतिक्रिया व्यक्त केली आहे.    

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com