Agriculture news in marathiDharwadi of ‘Jalayukta’ work, Inspection by the Inquiry Committee in Chichondi | Page 2 ||| Agrowon

‘जलयुक्त’च्या कामाची धारवाडी, चिचोंडीत चौकशी समितीकडून पाहणी 

टीम अॅग्रोवन
शनिवार, 6 मार्च 2021

जलयुक्त शिवार अभियानातील तक्रारी असलेल्या कामाची चौकशी समितीने बुधवारी (ता. ४) तालुक्यातील धारवाडी व नगर तालुक्यातील चिचोंडी पाटील येथील कामाची पाहणी केली. समितीने पाहणी करून मोजमाप घेतले.

नगर : जलयुक्त शिवार अभियानातील तक्रारी असलेल्या कामाची चौकशी समितीने बुधवारी (ता. ४) तालुक्यातील धारवाडी व नगर तालुक्यातील चिचोंडी पाटील येथील कामाची पाहणी केली. समितीने पाहणी करून मोजमाप घेतले. समितीची पाहणी माध्यमातून अंदाजपत्रकानुसार कामे झाली नसल्याची चौकशी समितीला दिसले असल्याची खात्रीलायक माहिती आहे. त्यामुळे आता कारवाई काय होतेय याकडे लक्ष लागले आहे. 

नगर जिल्ह्यामध्ये जलयुक्त शिवार अभियानातून करण्यात आलेल्या कामाबाबतच्या तक्रारीची चौकशी करण्यासाठी राज्याचे सेवानिवृत्त अप्पर मुख्य सचिव विजयकुमार यांच्या अध्यक्षतेखालील समितीने मंगळवारी जिल्हा नियोजन समितीच्या सभागृहात आढावा घेतला. त्या वेळी समितीला कृषी विभागाने सहकार्य न केल्यामुळे विजयकुमार यांनी संताप व्यक्त केला होता. आढावा घेताना तक्रारदार हजर नसले तरी सर्व तक्रारीची चौकशी करणार असल्याचे विजयकुमार यांनी सांगितले.

त्यानुसार बुधवारी (ता.३) विजय कुमार यांच्यासह जलसंपदा विभागाचे मुख्य अभियंता संजय बेलसरे, मृदसंधारण विभागाचे संचालक बी. एन. शिसोदे यांनी पाथर्डी तालुक्यातील धारवाडी येथील लघुपाटबंधारे विभागाने केलेल्या बंधाऱ्याची पाहणी करून प्रत्यक्ष मोजमाप घेतले. पाथर्डी तालुक्यात सोमठाणे, सातवड, मांडवे, त्रिभुवनवाडी निंबोडी भोसे आदी ठिकाणच्या बंधाऱ्याच्या कामाबाबत तक्रारी आहेत. 

मिळालेल्या माहितीनुसार एका बंधाऱ्यावर तब्बल २७ लाख रुपयांचा खर्च करूनही निकृष्ट कामामुळे काहीही फायदा झाला नसल्याची तक्रार आहे. तरीही पाच वर्ष या तक्रारीकडे दुर्लक्ष केले. आता चौकशी समितीने मात्र त्याच कामाची पाहणी करून मोजमाप घेतल्यानंतर संबंधित काम अंदाजपत्रकानुसार झाले नसल्याचे तसेच निकृष्ट झाले असल्याची खात्री झाली असल्याची माहिती मिळाली. त्यामुळे लघुपाटबंधारे विभागाच्या या कामाबाबत काय कारवाई होते याकडे लक्ष लागले आहे.

नगर तालुक्यातील चिचोंडी पाटील येथील कामाची ही चौकशी समितीने बुधवारी पाहणी केली. पुन्हा दोन दिवसांनी चौकशी समिती नगर जिल्ह्यात येत असून, अन्य कामाची ही पाहणी करणार आहे. चौकशी समितीचा दौरा प्रसार माध्यमाला कळू नये याची कृषी विभागाने पुरेपूर काळजी घेतली असल्याचे दिसून आले. 


इतर ताज्या घडामोडी
खरीप हंगामाच्या तोंडावर ...यवतमाळ : गेल्या दशकात जिल्ह्यातील शेतकरी कधी...
अमरावतीत शासकीय दूध योजनेच्या संकलनात ...अमरावती : कोरोनामुळे हॉटेल आणि दुग्धजन्य पदार्थ...
‘आंबेओहोळ’ची घळभरणी अंतिम टप्यात उत्तूर, जि. कोल्हापूर : आरदाळ-उत्तूर (ता. आजरा)...
म्हैसाळ योजनेतून सांगोल्यासाठी पाणी...सांगोला, जि. सोलापूर : सांगोला वितरिका क्रमांक...
सहा कारखान्यांनी उरकले गाळप; ९७ लाख ३८... सातारा : जिल्ह्यातील साखर हंगाम अंतिम टप्प्यात...
खरिपासाठी नगरमध्ये साडेसहा लाख हेक्टर...पुणे नगर : नगर जिल्ह्यात यंदा खरिपासाठी यंदा ६...
परभणीतील शेतकऱ्यांना ८३ कोटींचा विमा...परभणी : पंतप्रधान पीकविमा योजनेअंतर्गंत सन...
ग्रामसभा करणार तेंदुपत्याची विक्री गडचिरोली : पेसा (पंचायत एक्स्टेंशन टू शेडूल...
ग्रामीण रुग्णांसाठी जिल्हा परिषद...सोलापूर ः जिल्ह्याच्या ग्रामीण भागामध्ये कोरोनाचा...
कृषी पणन मंडळाकडून आॅनालाइन आंबा...पुणे ः कोरोना संकटातही आंबा उत्पादक शेतकऱ्यांच्या...
अखेर मोसंबी उत्पादकांना विमा परतावा...जालना : जिल्ह्यातील सहा हजारांवर मोसंबी...
राहीबाई पोपेरे यांची वनस्पती संरक्षण...नाशिक : भारत सरकारच्या कृषी व शेतकरी कल्याण...
डाळिंब अंबिया बहरातील कीड- रोग...डाळिंब बागेत विविध कीड-रोगांचा प्रादुर्भाव मोठ्या...
कोरोनाबाबत डाॅ. सिंग यांनी सूचवलेला...नांदेड : कोरोनाविरूद्ध लढण्यासाठी माजी पंतप्रधान...
कोरोना व्हॅक्सिनसाठी वयाची अट शिथिल...कोल्हापूर : भाजीपाला, दूध उत्पादक तसेच...
पुणे बाजार समितीत गर्दीला बसणार लगामपुणे : शहरात कोरोना संसर्गामुळे लावण्यात आलेल्या...
गोसीखुर्द धरणाच्या पाण्याचे ...चंद्रपूर : प्रकल्पाच्या पाणलोट क्षेत्रात झालेल्या...
पुणे जिल्ह्यातील धरणांत ७८ टीएमसी...पुणे : गेल्या दीड महिन्यापासून उन्हाच्या झळा...
कोट्यवधींच्या कर्जवसुलीसाठी स्थापन...नांदेड : जिल्हा मध्यवर्ती बँकेची आर्थिक परिस्थिती...
पालखेडच्या आवर्तनाने शेतीसह पिण्याच्या...येवला, जि. नाशिक : पालखेड डाव्या कालव्यातून...