त्या कीटकनाशकांचे नमुने घेण्याचे कृषी विभागाचे निर्देश

त्या कीटकनाशकांचे नमुने घेण्याचे कृषी विभागाचे निर्देश
त्या कीटकनाशकांचे नमुने घेण्याचे कृषी विभागाचे निर्देश

वाशीम : फवारणीमुळे विषबाधा झालेल्या रुग्णांच्या नातेवाइकांना कृषी विभागाच्या अधिकाऱ्यांनी भेटी देऊन त्यांच्या प्रकृतीबाबत चौकशी केली आहे. या रुग्णांची प्रकृती स्थिर असल्याबाबत त्यांच्या कुटुंबीयांनी सांगितले आहे. बाधित व्यक्तींच्या कुटुंबीयांकडून कृषी अधिकाऱ्यांनी कीटकनाशकांच्या वापराबद्दल माहिती घेतली आहे. विषबाधा झालेल्या शेतकऱ्यांनी वापरलेल्या कीटकनाशकांचे नमुने घेण्याबाबत संबंधित कीटकनाशक निरीक्षकांना सूचना देण्यात आल्या आहेत, अशी माहिती कृषी विभागाकडून देण्यात आली.  कीटकनाशकांच्या फवारणीमुळे शेतकऱ्यांना विषबाधा झाल्याची प्रकरणे समोर येऊ लागली आहे. ही प्रकरणे कीटकनाशकांच्या वापराशी संबंधित आहेत अथवा नाही, याची शहनिशा करण्याचे काम कृषी विभागातर्फे सुरू आहे. जिल्हा प्रशासन बाधित शेतकरी व त्यांच्या कुटुंबीयांना सर्वतोपरी मदत करीत आहे. कीटकनाशक फवारणी करताना विषबाधा होऊ नये, यासाठी शेतकरी व शेतमजुरांनी काळजी घ्यावी, असे आवाहनही कृषी विभागामार्फत करण्यात आले आहे. सध्या जिल्ह्यात सोयाबीन पिकांमध्ये तणनाशकांची फवारणी सुरू आहे. शिवाय नजीकच्या काळात कीटकनाशकांची फवारणीही सुरू होईल. फवारणी करताना विषबाधा होऊ नये, याकरीता कृषी विभागातर्फे मोठ्या प्रमाणात प्रचार-प्रसार मोहीम राबवून जनजागृती करण्यात येत असल्याचे जिल्हा अधीक्षक कृषी अधिकाऱ्यांनी कळविले आहे.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com