agriculture news in marathi,fall army warm attacks on maize, buldhana, maharashtra | Agrowon

बुलडाण्यातील मका उत्पादकांसमोर संकट अमेरिकन लष्करी अळीचे

टीम अॅग्रोवन
मंगळवार, 2 एप्रिल 2019

वऱ्हाडात बुलडाणा जिल्ह्यात खरीप; तसेच रब्बीत हजारो हेक्टरवर मक्याचे पीक घेतले जाते. या शेतकऱ्यांना अमेरिकन लष्करी अळीमुळे हे पीक पेरावे की नाही, असा पेच निर्माण झाला आहे. रब्बीत आमच्या धाड भागातील अनेक शेतकऱ्यांना मक्यावरील लष्करी अळीमुळे नुकसान सहन करावे लागले. काहींसमोर पीक उपटून टाकण्याची स्थिती निर्माण झाली होती.
- राजू बैरागी, शेतकरी, धाड, जि. बुलडाणा. 

बुलडाणा  ः यंदाच्या रब्बीत मका उत्पादकांना अमेरिकन लष्करी अळीने (स्पोडोप्टेरा फ्रुगीपर्डा) फटका दिला आहे. यामुळे आगामी काळात बुलडाणा जिल्ह्यात घाटावरील तालुक्यांमधील शेतकऱ्यांपुढे मक्याचे पीक पेरावे की नाही, असा पेच उभा ठाकला आहे; तर दुसरीकडे सध्या उन्हाळी लागवड असलेल्या काही शेतांमध्ये ही अळी आढळून आलेली आहे. बुलडाणा जिल्ह्यात रब्बीत प्रामुख्याने मराठवाडा, खानदेशला लागून असलेल्या सीमावर्ती गावांमध्ये मका पिकावर या अळीचा प्रादुर्भाव दिसून आला होता. 

बुलडाणा तालुक्यातील धाड, जामठी या परिसरात दरवर्षी हजारो हेक्टरवर रब्बीत मका पेरला जातो. या वर्षातही शेतकऱ्यांनी रब्बीत मका पेरणी केली होती. मात्र पहिल्यांदाच अमेरिकन लष्करी अळीचा सामना या शेतकऱ्यांना करावा लागला. अळीच्या प्रादुर्भावामुळे अनेक शेतकऱ्यांचा लागवड खर्चही निघाला नसल्याचे आता समोर आले आहे. प्रशासनाने या अळीच्या अनुषंगाने कृषी विद्यापीठाच्या तज्ज्ञांची प्रक्षेत्रांना भेट घडवून आणली होती. अळी नियंत्रणासाठी उपाययोजना सांगण्यात आल्या; परंतु शेतकऱ्यांनी प्रयत्न करूनही फारसा फायदा झाला नव्हता.

आता उन्हाळ्यातील लागवडीवर या अळीचा प्रादुर्भाव; तसेच दुष्काळी परिस्थितीचा परिणाम झाला आहे. यंदा केवळ २७५ हेक्टरवर उन्हाळी मक्याची लागवड झाली. आता उन्हाळी मक्याची लागवड झालेल्या क्षेत्रावर या अळीचा प्रादुर्भाव तितकासा नसल्याचा दावा यंत्रणा करीत आहेत. 

बुलडाणा जिल्ह्यात धाड व इतर भागातील मका पिकावर मोठ्या प्रमाणात या अळीचा प्रादुर्भाव झाल्याचे रब्बीत दिसून आले होते. या प्रादुर्भावानंतर तातडीने विद्यापीठाच्या तज्ज्ञांनी पाहणी करीत मार्गदर्शन केले. या अळीचा प्रथमच मोठ्या प्रमाणावर प्रादुर्भाव झाल्याचे शेतकरी सांगत होते, असे कृषी संशोधन केंद्रातील शास्त्रज्ञ  डॉ. सी. पी. जायभाये यांनी सांगितले.

रब्बीत लागवड झालेल्या मक्याच्या २०० हेक्टर क्षेत्रात तुरळक ठिकाणी अमेरिकन अळीचा प्रादुर्भाव दिसून आला होता. तेव्हा डॉ. पंजाबराव देशमुख कृषी विद्यापीठाच्या तज्ज्ञांनी भेटही दिली. त्यानंतर ही अळी नियंत्रणातही आली होती. सध्या जिल्ह्यात मक्याचे पीक फारसे पेरले गेलेले नाही, अशी माहिती बुलडाणा जिल्हा अधिक्षक कृषी अधिकारी  नरेंद्र नाईक यांनी दिली.
 


इतर ताज्या घडामोडी
नगर : पीकविमा योजनेत शेतकऱ्यांचा सहभाग...नगर : नैसर्गिक संकटाने तसेच अन्य कारणाने...
`दहिगाव उपसा सिंचन योजना सौरऊर्जेवर...सोलापूर ः करमाळा तालुक्यातील दहिगाव उपसा सिंचन...
पुणे बाजार समिती चक्राकार पद्धतीने सुरू...पुणे : कोरोना विषाणू बाधित रुग्णाच्या झपाट्याने...
देशी सीताफळाच्या बियाण्याची चोरीसोलापूर ः देशी सीताफळाच्या बियाण्याची चोरी...
पाण्याच्या उपलब्धतेमुळे उन्हाळी...पुणे : गेल्या वर्षी झालेल्या चांगल्या पावसामुळे...
हिंगोली ः सोयाबीनची अडीच लाख हेक्टरवर...हिंगोली ः जिल्ह्यात यंदा खरीप हंगामात ३ लाख ५८...
अमरावतीत खरिपाचे ७ लाख हेक्टर क्षेत्र...अमरावती : कृषी विभागाच्या खरीप हंगाम २०२१...
नाशिक बाजार समितीच्या ‘त्या’ याचिका...नाशिक : नाशिक कृषी उत्पन्न बाजार समितीच्या सभापती...
बियाणे, खते, कीटकनाशक नियंत्रणासाठी...नाशिक : खरीप हंगामात बियाणे पेरणीचा कालावधी...
औरंगाबाद जिल्हाभरात फळे, भाजीपाला थेट...औरंगाबाद : शहरासह जिल्हाभरात राबविल्या जात...
लातूर जिल्ह्यात त्रेचाळीस हजार क्विंटल...लातूर: जिल्ह्यात कार्यान्वित १६ केंद्रांवरून २७५९...
अवैध दारू विक्रेत्यांना शासकीय योजनांचा...चंद्रपूर : अवैध दारू विक्रीमुळे सामाजिक स्वास्थ्य...
ऑक्सिजन प्रकल्प उभारणीचा अधिकार...मुंबई : कोरोना रुग्णांची वाढती संख्या व ऑक्सिजनची...
फळाचे ‘प्रमोशन’, मूल्यवर्धन होण्याची...चिकू बागायतदार संघाच्या वतीने राज्यातील चिकू...
अकोला जिल्हा परिषदेत खांदेपालटाची चर्चा अकोला : जिल्हा परिषदेत सत्तारूढ असलेल्या वंचित...
प्रक्रिया उद्योगाला चालना देणारनारळ लागवडीचे क्षेत्र वाढविताना शेतकऱ्यांच्या...
सामूहिक प्रयत्नातून काजू उत्पादकांची...जागतिक बाजारपेठेत वैशिष्ट्यपूर्ण चव असलेल्या...
क्षेत्र वाढ, प्रक्रियेसाठी सरकारी...देशात पेरू लागवडीचे सुमारे तीन लाख हेक्टर आणि...
दुर्लक्षित पिकांनाही येत्या काळात संधीद्राक्ष, डाळिंब, आंबा, केळी, संत्रा ही राज्याच्या...
आधुनिक फुलशेती संशोधन, निर्यात...गेल्या काही वर्षांत व्यावसायिक आणि उद्योगाचा...