agriculture news in Marathi,farm visit started of dr. panjabrav deshmukh agricultural University, Maharashtra | Agrowon

डॉ. पंजाबराव देशमुख कृषी विद्यापीठाच्या शिवारफेरीला प्रारंभ
टीम अॅग्रोवन
बुधवार, 6 नोव्हेंबर 2019

विद्यापीठात सुरू असलेले नवनवीन संशोधन, वाण, तंत्र, यंत्राची माहिती घेण्यासाठी शेतकऱ्यांना ही सुवर्णसंधी चालून आलेली आहे. सामान्य शेतकरी डोळ्यांसमोर ठेवत विद्यापीठाचे संशोधन होत असते. ते प्रत्यक्ष बघण्यास या ठिकाणी मिळू शकते. विदर्भातील शेतकऱ्यांनी मोठ्या संख्येने या शिवारफेरीत सहभागी झाले तर त्याचा फायदा निश्चित होऊ शकेल.
- डॉ. व्ही. एम. भाले, कुलगुरू, डॉ. पंजाबराव देशमुख कृषी विद्यापीठ, अकोला

अकोला  ः डॉ. पंजाबराव देशमुख कृषी विद्यापीठात दरवर्षी होणाऱ्या तीनदिवसीय शिवारफेरीला मंगळवारी (ता. ५) सुरवात झाली. कुलगुरू डॉ. विलास भाले आणि शिवारफेरीसाठी प्रथम नोंदणी करणारे शेतकरी वासुदेव राऊत (रा. कौलखेड) व महिला शेतकरी दुर्गाताई टावरी( तेल्हारा) यांच्या हस्ते फीत कापून उद्‍घाटन झाले. 

विदर्भातील शेतकऱ्यांसाठी ही शिवारफेरी नवीन तंत्र, यंत्र, वाण, संशोधनाची माहिती देणारी असते. विधानसभा निवडणूक आचारसंहितेच्या कारणामुळे  ऑक्टोबरमध्ये घेतली जाणारी ही शिवारफेरी या वर्षी आता ५ ते ७ नोव्हेंबरदरम्यान होत आहे. दररोज सकाळी शिवारफेरीमध्ये प्रक्षेत्र भेट आणि दुपारी ४ ते ५ दरम्यान कृषी महाविद्यालयाच्या डॉ. के. आर. ठाकरे सभागृहात चर्चासत्र असे कार्यक्रमाचे स्वरूप आहे. 

शिवारफेरीच्या उद्‍घाटन कार्यक्रमाला विद्यापीठ कार्यकारी परिषदेचे सदस्य गणेश कंडारकर, प्रगतिशील शेतकरी अप्पाजी गुंजकर, शेतकरी कीर्तनकार महादेवराव भुईभार, मोहन जगताप, नामदेवराव अढाऊ, विद्यापीठाचे कुलसचिव डॉ. प्रकाश कडू, संशोधन संचालक डॉ. विलास खर्चे, शिक्षण विस्तार संचालक डॉ. दिलीप मानकर, कृषी अभियांत्रिकी अधिष्ठाता डॉ. महेंद्रे नागदेवे, उद्यानविद्या अधिष्ठाता डॉ. प्रकाश नागरे, सहयोगी अधिष्ठाता डॉ. डी. बी. उंदीरवाडे, डॉ. ययाती तायडे यांच्यासह विभागप्रमुख, प्राध्यापक उपस्थित होते. शिवारफेरीच्या पहिल्या दिवशी अकोल्यासह बुलडाणा, वाशीम आणि अमरावती जिल्ह्यातील शेतकऱ्यांचा समावेश होता. 

शिवारफेरीच्या वाहनाला हिरवी झेंडी दर्शविल्यानंतर कुलगुरूंसह शेतकऱ्यांनी उद्यानविद्या विभागाला भेट देऊन सुरवात केली. या ठिकाणी फळे, रोपे, भाजीपाला या संदर्भात माहिती घेतली. प्रामुख्याने फळझाड रोपांचे कलमीकरण, नवनवीन जाती, फळांवरील प्रक्रिया आदींबाबत माहिती घेतली.

शेतकरी या प्रक्षेत्रांना देत आहेत भेटी
उद्यानविद्या विभाग, सेंद्रिय शेती, कापूस संशोधन केंद्र, संशोधन प्रकल्प (फळे), ज्वारी संशोधन केंद्र, कोरडवाहू शेती संशोधन केंद्र, कडधान्य संशोधन केंद्र, तेलबीया संशोधन केंद्र, डॉ. पंजाबराव देशमुख स्मृती केंद्र, कृषी अभियांत्रिकी आणि तंत्रज्ञान महाविद्यालय येथे अवजारे प्रदर्शन, नागार्जुन वनौषधी उद्यान व दुग्धशास्त्र विभाग येथे देशी गायींचे दालन.

शिवारफेरीत आज आणि उद्या सहभागी होणारे जिल्हे
बुधवार (ता. ६)ः   
 चंद्रपूर, नागपूर, भंडारा, गोंदिया 
गुरुवार (ता. ७)ः     यवतमाळ, वर्धा व गडचिरोली 
 

इतर ताज्या घडामोडी
अकोल्याचा रब्बी हंगाम दीड लाख हेक्टरवर...अकोला  ः खरिपात पिकांचे नुकसान झाल्याने काही...
सोलापूर जिल्ह्यात नुकसानभरपाईसाठी २०४...सोलापूर : यंदा ऑक्‍टोबर महिन्यात झालेल्या...
पुणे : नुकसानग्रस्त भाजीपाला पिकांचे...पुणे ः मॉन्सुनोत्तर पावसामुळे पुणे विभागात नऊ...
अमरावती जिल्ह्यात ज्वारी ठरेल रब्बीत...अमरावती  ः मध्यम जमीन व सिंचनाच्या सोयी...
साहेब, संत्रा उत्पादकांचे प्रश्‍न सोडवा...नागपूर ः ‘‘दुचाकी, कार आणि घर घेण्यासाठी कर्जाचे...
परभणी : दूधातील घट ऑक्टोबरमध्येही कायमपरभणी : शासकीय दूध योजनेतंर्गंत येथील दुग्ध...
सातारा जिल्ह्यात भूजल पातळीत वाढसातारा ः जिल्ह्यात यंदा झालेल्या अतिवृष्टी,...
नगर जिल्ह्यात सव्वाचार लाख हेक्‍टर...नगर ः मागील महिन्यात झालेल्या अतिवृष्टीमुळे खरीप...
कोल्हापूरच्या पूर्वेकडच्या भागात...कोल्हापूर : एकेकाळी सोयाबीनच्या उत्पादनात अग्रेसर...
ओला दुष्काळ जाहीर करा; बच्चू कडूंचे...मुंबई : राज्यात ओला दुष्काळ जाहीर करून...
गुलटेकडीत कांद्याच्या आवकेत घटपुणे ः गुलटेकडी येथील कृषी उत्पन्न बाजार...
दक्षिण आफ्रिकेतील हापूस आंबा सांगलीतसांगली : आंब्याचा हंगाम सुरू होण्यास अद्याप...
परभणीत शेतकरी संघर्ष समितीचे रास्ता...परभणी ः जिल्ह्यात मॉन्सुनोत्तर पाऊस आणि...
पीकविम्यासाठी शेतकऱ्यांचा कंपनीसमोर...पुणे ः मागील २०१८ या वर्षातील बीड जिल्ह्यातील...
पंतप्रधान मोदी आणि शिवसेनेत दरी निर्माण...मुंबई ः पंतप्रधान नरेंद्र मोदी आणि शिवसेना...
राज्यात लसूण ४२०० ते २० हजार रूपये...सांगलीत ४२०० ते १५००० रुपये सांगली : येथील...
राजकीय अस्थिरतेमुळे पूरग्रस्तांना मदतीस...कोल्हापूर: महापुरात नुकसानग्रस्त शेतकऱ्यांना...
नवनवीन प्रपत्र, जिओ टॅगिंगच्या...बुलडाणा  ः अवकाळी पावसामुळे झालेल्या...
दुष्काळग्रस्त शेतकऱ्यांच्या प्रश्नी ‘...अकोला ः राज्यातील दुष्काळग्रस्त शेतकऱ्यांना एकरी...
शरद पवार करणार विदर्भातील पीक नुकसानीची...नागपूर ः राज्यात सत्तास्थापनेचे गुऱ्हाळ सुरू...