औरंगाबादेत फ्लाॅवर १००० ते २५०० रुपये प्रतिक्विंटल
औरंगाबाद : येथील कृषी उत्पन्न बाजार समितीमध्ये शनिवारी (ता. १) फ्लॉवरची ९७ क्विंटल आवक झाली. त्यास १००० ते २५०० रुपये प्रतिक्विंटलचा दर मिळाल्याची माहिती बाजार समितीच्या सूत्रांनी दिली.
औरंगाबाद बाजार समितीमध्ये शनिवारी हिरव्या मिरचीची १६३ क्विंटल आवक झाली. तिला ४००० ते ५००० रुपये प्रतिक्विंटलचा दर मिळाला. ३८५ क्विंटल आवक झालेल्या कांद्याचे दर ३०० ते ११०० रुपये प्रतिक्विंटल राहिले. १५० क्विंटल आवक झालेल्या टोमॅटोला १००० ते २८०० रुपये प्रतिक्विंटलचा दर मिळाला. ३५ क्विंटल आवक झालेल्या वांग्याचे दर ७०० ते १३०० रुपये प्रतिक्विंटल राहिले.
गवारची २१ क्विंटल आवक, तर दर १५०० ते ४००० रुपये, काकडीची ७८ क्विंटल आवक, तर दर ४०० ते १००० रुपये, भेंडीची ६३ क्विंटल आवक, तर दर १००० ते २५०० रुपये, पत्ताकोबीची आवक १४७ क्विंटल, तर दर ७०० ते १२०० रुपये प्रतिक्विंटल राहिले. १४ क्विंटल आवक झालेल्या लिंबूला २५०० ते ३५०० रुपये प्रतिक्विंटलचा दर मिळाला.
शेवग्याची ३७ क्विंटल आवक झाली. त्यास १००० ते २५०० रुपये प्रतिक्विंटल दर राहिला. ४ क्विंटल आवक झालेल्या दुधी भोपळ्याला ६०० ते ८०० रुपये प्रतिक्विंटलचा दर मिळाला. ढोबळ्या मिरचीची आवक ७५ क्विंटल, तर दर १००० ते १५०० रुपये प्रतिक्विंटल राहिला. ३ क्विंटल आवक झालेल्या चवळीला ४००० ते ५००० रुपये प्रतिक्विंटलचा दर मिळाला. कारल्याची आवक ६ क्विंटल, तर दर २००० ते २५०० रुपये, मेथीची १५०० जुड्यांची आवक, तर दर ८०० ते १२०० रुपये प्रतिशेकडा राहिला. ६९०० जुड्यांची आवक झालेल्या पालकचे दर ६०० ते ८०० रुपये प्रतिशेकडा राहिले.
कोथिंबिरीची १८ हजार जुड्यांची आवक, तर दर ५०० ते ७०० रुपये, आंब्याची १७३ क्विंटल आवक, तर दर २००० ते ७००० रुपये प्रतिक्विंटल राहिले. ९ क्विंटल आवक झालेल्या मोसंबीला १५०० ते ४५०० रुपये प्रतिक्विंटलचा दर मिळाला. डाळिंबाची आवक २० क्विंटल, तर दर ६०० ते १२०० रुपये प्रतिक्विंटल राहिले.
२७७ क्विंटल आवक झालेल्या कैरीला १००० ते १६०० रुपये प्रतिक्विंटलचा दर मिळाला. ६०० क्विंटल आवक झालेल्या बटाट्याचे दर ९०० ते १००० रुपये प्रतिक्विंटल राहिले. ३९ क्विंटल आवक झालेल्या खरबूजला १००० ते १८०० रुपये प्रतिक्विंटलचा दर मिळाला. १४० क्विंटल आवक झालेल्या टरबूजचे दर ८०० ते ९५० रुपये प्रतिक्विंटल राहिल्याची माहिती बाजार समितीच्या सूत्रांनी दिली.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.