agriculture news in Marathi,grapes orchid stuck in disease in Sangali Districts,Maharashtra | Page 2 ||| Agrowon

सांगली जिल्ह्यात द्राक्षबागांना आता रोगांचा विळखा

टीम अॅग्रोवन
बुधवार, 13 नोव्हेंबर 2019

सांगली ः गेल्या पंधरा ते वीस दिवसांपूर्वी मॉन्सूनोत्तर पावसाने यंदा जिल्ह्याला अक्षरक्ष: झोडपून काढले. खरीप पिकांची मोठी हानी झाली. कृषी विभागाकडे नोंद असलेल्या ६१ हजार ८३२ एकर द्राक्षबागांपैकी अंदाजे ४५ हजार ५३७ एकर द्राक्षबागा अतिपाऊस आणि रोगाला बळी पडल्या आहेत. परिणामी एकरी नुकसानीचा आकडा वाढून चार लाखांचे नुकसान होणार असल्याचे शेतकऱ्यांनी सांगितले. त्यामुळे द्राक्ष उत्पादकांना १ हजार ८०० कोटींहून अधिक फटका बसला असल्याचा अंदाज व्यक्त होत आहे. 

सांगली ः गेल्या पंधरा ते वीस दिवसांपूर्वी मॉन्सूनोत्तर पावसाने यंदा जिल्ह्याला अक्षरक्ष: झोडपून काढले. खरीप पिकांची मोठी हानी झाली. कृषी विभागाकडे नोंद असलेल्या ६१ हजार ८३२ एकर द्राक्षबागांपैकी अंदाजे ४५ हजार ५३७ एकर द्राक्षबागा अतिपाऊस आणि रोगाला बळी पडल्या आहेत. परिणामी एकरी नुकसानीचा आकडा वाढून चार लाखांचे नुकसान होणार असल्याचे शेतकऱ्यांनी सांगितले. त्यामुळे द्राक्ष उत्पादकांना १ हजार ८०० कोटींहून अधिक फटका बसला असल्याचा अंदाज व्यक्त होत आहे. 

दरम्यान, बदलत्या वातावरणामुळे आणि कीड-रोगांमुळे नुकसानीचा आकडा आणखी वाढेल, असे द्राक्ष उत्पादक शेतकऱ्यांनी सांगितले आहे.

जिल्ह्यात गेल्या २० वर्षातील उच्चांकी तब्बल ८ हजार ९८७ मिलिमीटर पाऊस झाला. वार्षिक सरासरीच्या तब्बल १७६ टक्के हा पाऊस ठरला. पावसाचा सर्वाधिक फटका द्राक्षबागांना बसला. मुसळधार पावसामुळे अनेक ठिकाणी द्राक्षबागांमध्ये गुडघाभर तर काही ठिकाणी कमरेपर्यंत पाणी साचले होते. मात्र अशाही स्थितीत द्राक्षबागा रोगाला बळी पडू नयेत म्हणून शेतकऱ्यांनी दिवसातून चार-चार वेळा बुरशीनाशकांच्या फवारण्या केल्या. पण शेतकऱ्यांना बागा वाचविण्यात यश आले नाही.

ऐन छाटणी हंगामात पावसाने झोडपून काढल्याने केलेली मेहनत, सारा खर्च पावसाच्या पाण्यासोबतच वाहून गेला. फुलोऱ्‍यातील बागांमध्ये घडकूज झाली. तयार झालेल्या बागांची मणीगळ सुरू झाली आहे. अनेक बागांत विक्रीसाठी तयार झालेल्या मण्यांना तडे जात आहेत. त्यामुळे शेतकरी मोठ्या संकटात सापडला आहे. शेतकऱ्यांना तातडीने आर्थिक मदत करावी, अशी मागणी सातत्याने होत आहे. परंतू या मागणीकडे सराकारने दुर्लक्ष केले असल्याचे चित्र आहे. 

आगळगावमध्ये द्राक्ष घड फेकण्याची वेळ
आगळगाव (ता. कवठेमहांकाळ) येथील बागेत पावसाचे पाणी साचून राहिल्याने कुजवा व दावण्या रोगाच्या प्रादुर्भावाने सर्व द्राक्ष घड ओढापात्रात फेकण्याची वेळ आली आहे. कवठेमहांकाळ तालुक्‍यात दुष्काळ नेहमीच पाचवीला पुजलेला असतो. तरीही शेतकऱ्यांनी स्वतःच्या जिद्दीवर द्राक्षबागांचे मळे फुलवले, प्रसंगी टॅंकरने पाणी आणून बागा जगवल्या. मात्र, येथील शेतकऱ्यांवरही रोगग्रस्त सर्व द्राक्षे वाहत्या ओढ्यात फेकून द्यावी लागली. 

तालुकानिहाय द्राक्षबागांचे झालेले नुकसान (एकरमध्ये)

तालुका  क्षेत्र   नुकसानग्रस्त क्षेत्र    नुकसान (कोटींत)
मिरज    १८१७५  १२७२२   ५०९
वाळवा  २२८०  १७१०  ६९
आटपाडी   ४९१    १४७    ६  
तासगाव  १९८००   १६८३० ६७३
कडेगाव  ३१६   १५८  ६
खानापूर   १९५५   १७६०   ७०
पलूस ३०८५ २१६० ८६
क. महांकाळ ४१००  ३०७५   १२३
जत    ११६३०   ६९७५ २७९
एकूण   ६१८३२   ४५५३७ १८२१

      


इतर अॅग्रो विशेष
प्रक्रिया उद्योगातून सोयाबीनचे...शहरी बाजारपेठेची गरज लक्षात घेऊन पिंपरी-चिंचवड...
शेवतींच्या फुलांनी जिंकले मन !...मांजरी, पुणे : विविधरंगी शेवंतीच्या फुलांनी...
कमी पाण्यामध्ये सीताफळाचे किफायतशीर...सिंचनासाठी पाण्याच्या कमतरतेसह प्रतिकूल...
दर्जेदार वांगी उत्पादनात मानेंचा हातखंडाकसबे डिग्रज (ता. मिरज, जि. सांगली) येथील युवा...
देशी कपाशीतील संशोधनाची शंभरीपरभणी येथील कापूस संशोधन केंद्र, मेहबूब बागची...
जैवविविधता संवर्धनासाठी सामूहिक...नाशिक: पर्यावरणाची योग्य ती काळजी न घेतल्याने...
देशी कापसाचा ब्रॅंड आवश्‍यकपरभणी ः आंतरराष्ट्रीय बाजारपेठेत लांब धाग्याच्या...
...'या' बॅंकांचे थकले चौदा हजार कोटी...पुणे : कोरड्या दुष्काळानंतर ओला दुष्काळ आणि त्यात...
तागाच्या पिशव्यांकडे साखर कारखान्यांची...कोल्हापूर : ताग उत्पादकांना चालना देण्यासाठी...
नागपूरात १०.६ अंश तापमान पुणे ः मुंबईजवळील अरबी समुद्रातील चक्रावाताची...
उपयुक्त मधुमक्षिकापालन दुर्लक्षितच! मधमाशी हा निसर्गाने निर्माण केलेला अत्यंत हुशार,...
दर्जानुसारच हवा दरराज्यातील जिरायती शेतीतील कापूस हे एकमेक नगदी पीक...
मध ठरू पाहतेय साखरेला पर्याय...खरंच ‘...नागपूर : साखरेमुळे वाढत चाललेल्या आरोग्याच्या...
भविष्यातील आहारामध्ये असतील फुलेहीसामान्यपणे फुलांचे उत्पादन हे व्यावसायिकरीत्या...
खासगी डेअरी उद्योगाला अनुदानाच्या...पुणे  : देशातील दुग्ध व्यवसायाला चालना...
तब्बल 'एवढे' पीकविमा अर्ज दाबून ठेवलेपुणे : पंतप्रधान पीकविमा योजनेत कंपन्या...
शेतकरी म्हणतात...तोपर्यंत बँकांच्या...मुंबई: राज्यातील शेतकऱ्यांचा सात बारा उतारा...
बदलत्या वातावरणामुळे आंबेमोहराला विलंबरत्नागिरी ः सोबा चक्रीवादळामुळे कोकणातील वातावरण...
कष्ट, अनुभवातून साकारली भाजीपाला पिकाची...मूळचे सावत्रा (ता. मेहकर, जि. बुलडाणा) गावचे...
देशी बियाण्यांची तयार केली सीड बॅंकभाजीपाला, फुलझाडे आणि विविध औषधी, सुगंधी...