agriculture news in Marathi,heavy rain affected 16 districts, Maharashtra | Agrowon

अतिवृष्टीचा १६ जिल्ह्यांना फटका

तात्या लांडगे
सोमवार, 28 ऑक्टोबर 2019

राज्यातील १६ जिल्ह्यांमध्ये मागील आठ दिवसांतील अतिवृष्टीमुळे कोट्यवधींचे नुकसान झाले आहे. संबंधित जिल्हाधिकाऱ्यांनी पंचनामे करून मदत व पुनर्वसन विभागाला अहवाल सादर केल्यानंतर मदतीची मागणी केंद्र सरकारकडे केली जाईल. केंद्रीय पथकाकडून नुकसानीची पाहणी केल्यानंतर शेतकऱ्यांना नुकसान भरपाई मिळेल.
- हरी बाबटीवाले, उपसंचालक, कृषी

सोलापूर : देशातून माॅन्सून परतल्यानंतरही महाराष्ट्रातील १६ जिल्ह्यांमध्ये दमदार पाऊस पडत आहे. त्यामध्ये नाशिक, परभणी, नांदेड, लातूर, बीड, जालना, अकोला, औरंगाबाद, सांगली, कोल्हापूर, सातारा, नगर, पुणे, सिंधुदुर्ग, रत्नागिरी, सोलापूर या जिल्ह्यांचा समावेश आहे. अतिवृष्टीमुळे तब्बल १३ लाखांहून अधिक हेक्‍टरवरील पिकांचे सुमारे आठ हजार ७९० कोटींचे नुकसान झाल्याचा अंदाज कृषी विभागाने व्यक्‍त केला आहे. 

जिल्हाधिकाऱ्यांच्या आदेशानुसार झालेल्या पंचनाम्याचे अहवाल मदत व पुनर्वसन विभागाच्या सचिवांकडे प्राप्त झाल्यानंतर मदतीचा अहवाल केंद्र सरकारकडे पाठविला जाणार आहे. त्यानंतर नुकसान झालेल्या क्षेत्राची पाहणी केंद्रीय पथकांकडून केली जाणार आहे. त्यासाठी किमान तीन पथकांची नियुक्‍ती केली जाणार आहे. केंद्रीय पथकाच्या पाहणीनंतर ५० टक्‍क्‍यांहून अधिक नुकसान झालेल्या शेतकऱ्यांसाठी एनडीआरएफ मधून भरपाई दिली जाणार आहे.

तत्पूर्वी, कोल्हापूर, सांगली, सोलापूरसह अन्य भागात पुरामुळे झालेल्या भरपाईची रक्‍कमही त्याचवेळी दिली जाईल, असा अंदाज राज्याच्या मदत व पुनर्वसन विभागाने व्यक्‍त केला आहे. मात्र, दिवाळी सुट्‌ट्‌यांमुळे पंचनाम्याला विलंब होत असून शेतकऱ्यांना मदतीसाठी डिसेंबर महिन्यापर्यंत वाट पहावी लागेल, असेही सांगण्यात आले.

ठळक बाबी...

  • मान्सून परतल्यानंतर राज्यात आठ दिवसांपासून पावसाचा धुमाकूळ
  • मराठवाडा, पश्‍चिम व मध्य महाराष्ट्र, कोकण, पश्‍चिम विदर्भात सर्वाधिक फटका
  • प्राथमिक अंदाजानुसार १३ लाख हेक्‍टरवरील पिकांचे सुमारे नऊ हजार कोटींचे नुकसान
  • जिल्हाधिकाऱ्यांनी दिले पंचनाम्याचे आदेश : सुट्ट्यांमुळे पंचनामे लांबणीवर
  • १५ नोव्हेंबरपर्यंत पंचनाम्याचे अहवाल देण्याचे निर्देश : केंद्रीय पथकांकडून होणार पाहणी
  • भात, सोयाबीन, कापूस, मका, बाजरी, भुईमूग, द्राक्ष, स्ट्रॉबेरी, ज्वारी, कांद्याचे मोठे नुकसान

 


इतर अॅग्रो विशेष
भांडवली शेतीचा विळखा बघता बघता हरितक्रांतीला पन्नास वर्षे झाली. तसे,...
पशुखाद्य : नियोजन अन् नियंत्रणमहाराष्ट्रात २०१२ च्या दुष्काळापासून दुग्ध...
मराठवाड्यात साडेदहा हजार एकरांवर तुतीऔरंगाबाद : मराठवाड्यात यंदा ३० नोव्हेंबर...
विधीमंडळाचे हिवाळी अधिवेशन सहा दिवस...मुंबई : राज्य विधिमंडळाचे हिवाळी अधिवेशन येत्या...
विठ्ठल मंदिरात मोबाईल बंदीपंढरपूर, जि. सोलापूर ः श्री विठ्ठल मंदिराच्या...
धानासाठी क्विंटलला पाचशे रुपये अनुदानमुंबई: राज्यातील धान उत्पादक शेतकऱ्यांना दिलासा...
‘पीजीआर’ला मान्यतेचा मार्ग मोकळापुणे ः देशभरात शेतीसाठी वापरल्या जाणाऱ्या बिगर...
इथेनॉलसाठी मान्यता; पण प्रकल्पांसाठी...पुणे  : थेट साखरेपासून इथेनॉल तयार करण्यास...
उत्कृष्ट व्यवस्थापनातून पपईत मिळवली ओळखनंदुरबार जिल्ह्यात धमडाई येथील सुभाष व प्रनील या...
उद्या तुरळक ठिकाणी पावसाची शक्यतापुणे ः बंगाल उपसागराच्या आग्नेय भागात कमी दाबाचे...
परिश्रमपूर्वक व्यवस्थापनातून...पुणे जिल्ह्यातील रिहे येथील सुनील शिंदे...
किरकोळ व्यापाऱ्यांकरिता कांदासाठा...मुंबई ः देशात कांद्याचे उत्पादन घटल्याने...
सर्वाधिक दर मोजक्याच कांद्यालानगर ः वाढलेल्या कांदादराचा गेल्या महिनाभरापासून...
पशुखाद्य दर गगणाला भिडलेसांगली ः दुष्काळ व अतिवृष्टीचा फटका पशुखाद्य...
शेवंतीचे तीन वाण लवकरच पुणेः शेतकऱ्यांना शेवंतीच्या पांरपरिक वाणांना...
उत्तर प्रदेशात ‘एसएपी’त बदल नाहीनवी दिल्ली: उत्तर प्रदेश सरकारने सलग दुसऱ्या...
उसाचे ३८ गुंठ्यांत तब्बल १४७ टन उत्पादनकोल्हापूर जिल्ह्यातील कवठेगुलंद (ता. शिरोळ) येथील...
कमी कालावधीचा दोडका देतोय चांगला नफागेल्या दोन, तीन महिन्यांत झालेल्या पावसामुळे पुणे...
तापमानात चढ-उतारपुणे ः अरबी समुद्राच्या आग्नेय भागात असलेले कमी...
जीवघेणा बाजारदेशात बोगस, भेसळयुक्त, अनधिकृत कीडनाशकांचा वापर...