Agriculture news in marathi;Heavy rain in many areas of Khandesh | Agrowon

खानदेशात अनेक भागांत दमदार पाऊस

टीम अॅग्रोवन
शुक्रवार, 28 जून 2019

जळगाव : खानदेशात अनेक भागांत बुधवारी (ता. २६) सायंकाळी जोरदार पाऊस झाला. काही मंडळांमध्ये ४० मिलिमीटरपर्यंत पाऊस झाल्याची नोंद आहे. यामुळे पेरण्यांना गुरुवारी (ता. २७) सुरुवात झाल्याचे चित्र दिसून आले. 

जळगाव : खानदेशात अनेक भागांत बुधवारी (ता. २६) सायंकाळी जोरदार पाऊस झाला. काही मंडळांमध्ये ४० मिलिमीटरपर्यंत पाऊस झाल्याची नोंद आहे. यामुळे पेरण्यांना गुरुवारी (ता. २७) सुरुवात झाल्याचे चित्र दिसून आले. 

जळगाव जिल्ह्यात गिरणा परिसरातील विशेषतः चाळीसगाव, भडगाव व पाचोरा तालुक्‍यात चांगला पाऊस झाला. दहीवद, वरखेडे (ता. चाळीसगाव) परिसरात एक तास जोरदार पाऊस झाला. या पावसामुळे नाल्यांना पाणी गेल्याने शेतकऱ्यांच्या चेहऱ्यांवर एक वेगळाच आनंद दिसत होता. दोन दिवसात गिरणा परिसरात पावसाचे चांगले वातावरण असल्याने शेतीकामांना वेग आला असून कपाशी लागवडीची कामे सुरू झाली आहेत. कळमडू (ता. चाळीसगाव) गावात पावसाने हजेरी लावली. भडगाव, पाचोरा भागातही पेरण्यांना पावसामुळे गती आल्याची माहिती मिळाली. 

पाचोरा शहरासह तालुक्‍यातील जळगाव रस्त्यावरील अनेक गावांमध्ये वादळी वाऱ्यासह जोरदार पावसाने हजेरी लावली. गोराडखेडा, सामनेर, नांद्रा, हडसन, नंदीचे खेडगाव या भागात चांगला पाऊस झाला. 

सामनेर (ता. पाचोरा) परिसरातील बांबरुड राणीचे, लासगाव, पाथरी भागात जोरदार वादळी वाऱ्यासह पावसाने आगमन झाले. वादळाचा जोर वाढल्याने अनेक झाडे कोलमडून पडली होती. तर नाल्यांना पाणी आले होते. जामनेर, जळगाव, धरणगाव भागातही पावसाचा जोर होता. बोदवड, मुक्ताईनगर व भुसावळात मात्र कमी जोर होता. यावल, रावेर, चोपडा भागातही हलका व मध्यम पाऊस झाला. 

नंदुरबार जिल्ह्यातील शहादा, तळोदा, अक्कलकुवा, धडगाव, नवापूर असा सर्वत्र पाऊस जाला. शहादा, तळोदा भागात कोरडवाहू पिकांची पेरणी सुरू झाली. ज्वारी, कापूस, उडीद, मूग पेरणी गुरुवारी अनेकांनी केली. 

धुळे जिल्ह्यातील शिरपूर, शिंदखेडा, धुळे, साक्री भागात हलका ते जोरदार पाऊस झाला. शिरपूर, शिंदखेडा व धुळ्यातील काही गावांमध्ये चांगला पाऊस झाल्याने पेरण्यांना सुरवात झाली आहे. जलयुक्त शिवार अभियानाच्या कामांमध्येही काही ठिकाणी जलसाठा झाल्याचे सांगण्यात आले. 

धुळे तालुक्‍यात बुधवारी २१ मिलिमीटर, साक्रीमध्ये १५, शिरपुरात २१, शिंदखेडामध्ये २०, नंदुरबारात २४, तळोदामध्ये २५, शहादामध्ये २६, जळगाव तालुक्‍यात ३१, चोपडामध्ये १८, भुसावळात १३, यावलमध्ये १८, रावेरात २५, जामनेरात २१, चाळीसगावात २४, पारोळामध्ये २३ मिलिमीटर पाऊस झाल्याचे सांगण्यात आले.  खानदेशात सुमारे ३५ हजार हेक्‍टरवर पूर्वहंगामी कापसाची लागवड झाली आहे. त्यापाठोपाठ कोरडवाहू पिकांची लागवडही सुरू झाली असून, त्याची नेमकी आकडेवारी गुरुवारी सकाळपर्यंत उपलब्ध झालेली नव्हती. 
 


इतर ताज्या घडामोडी
या आठवड्यात ढगाळ, थंड, कोरडे हवामान...महाराष्ट्राच्या मध्य भागावर पूर्व व पश्‍चिम...
सकस चाऱ्या‍साठी बीएचएन - १० संकरित...महाग खुराकातील काही भाग स्वस्त चाऱ्या‍मधून देणे...
माथाडी कामगारांच्या प्रश्‍नांसाठी लवकरच...पुणे  ः माथाडी आणि कामगार कायदा गुंतागुंतीचा...
नगर, नाशिकला पुढील वर्षी ऊसदरात फटका ?नगर ः नगर, नाशिकसह राज्याच्या अनेक भागांत उशिरा...
धरण कालवा सल्लागार समितीची आज नगरला बैठकनगर  : मुळा, भंडारदरा व निळवंडे धरणांच्या...
परभणीत मूग, उडदाचा पीकविमा परतावा मंजूरपरभणी  ः पंतप्रधान पीकविमा योजनेअंतर्गत खरीप...
सिंचन सुविधा बळकटीकरणावर भर देणार :...चंद्रपूर   ः ‘‘शेतकऱ्यांच्या जीवनात...
नांदेड, परभणी, हिंगोलीत चार हजारांवर...नांदेड : किमान आधारभूत किंमत योजनेअंतर्गत...
इराण–भारतादरम्यान कृषी उत्पादनांचा...मुंबई : महाराष्ट्र हे देशातील औद्योगिक...
छत्रपती राजर्षी शाहू महाराज यांचे...कोल्हापूर  : या देशात राजे अनेक झाले, पण...
नाशिकच्या वैभवशाली इतिहासाला मिळणार...नाशिक : नाशिक जिल्ह्याच्या स्थापनेस दीडशे वर्ष...
स्मार्टसिटी वादात शेतकऱ्यांवर अन्याय...नाशिक : नाशिक शिवारातील हनुमानवाडी व मखमलाबाद...
धुळे जिल्हा परिषदेत आता सभापती निवडीकडे...धुळे ः अध्यक्ष, उपाध्यक्ष निवडीनंतर जिल्हा...
सांगली जिल्ह्यात ९३८ कोटींची ऊसबिले थकीतसांगली ः जिल्ह्यातील बहुसंख्य साखर...
शेतमालाला मार्केटिंगची जोड दिल्याने...अकोला : जो शेतमाल पिकवला त्याची स्वतः विक्री...
पुण्यात कांदा, लसूण, बटाट्याच्या दरात...पुणे ः गुलटेकडी येथील पुणे कृषी उत्पन्न बाजार...
पुणे जिल्ह्यात `कृषी, उद्योग, ऊर्जा’...पुणे : जिल्ह्याच्या २०२०-२१ च्या प्रारूप वार्षिक...
‘टेंभू’चे आवर्तन पुढील आठवड्यात...सांगली : टेंभू उपसा सिंचन योजनेचे आवर्तन सुरू करा...
भंडारा : केवळ खरेदी केंद्रांवरच मिळतोय...भंडारा : महाविकास आघाडीकडून ५०० रुपयांचे बोनस आणि...
जळगाव जिल्ह्यात शासकीय धान्य खरेदीला...जळगाव : जिल्ह्यातील तीन केंद्रांमध्ये सोयाबीनची व...