agriculture news in Marathi,Heavy rain in several places, Maharashtra | Agrowon

तुरळक ठिकाणी जोरदार पाऊस

टीम अॅग्रोवन
रविवार, 22 सप्टेंबर 2019

पुणे ः उत्तर, दक्षिण महाराष्ट्रात कमी दाबाचे क्षेत्र आहे. यामुळे वऱ्हाडात सर्वदूर पाऊस झाला. तर अकोला जिल्ह्यातील तेल्हारा, पातूर, बार्शीटाकळी या तीन तालुक्यांत अतिवृष्टी झाली. नागपूरसह पूर्व विदर्भातही ठिकठिकाणी पावसाने हजेरी लावली. मराठवाड्यात अनेक ठिकाणी हलक्या ते मध्यम सरी बरसल्या. शनिवारी (ता. २१) सकाळी आठ वाजेपर्यंत परभणी जिल्ह्यातील पाथरी येथे सर्वाधिक ११० मिलिमीटर पाऊस पडल्याची नोंद झाली आहे. मध्य महाराष्ट्र व कोकणातही तुरळक ठिकाणी हलका पाऊस पडला.

पुणे ः उत्तर, दक्षिण महाराष्ट्रात कमी दाबाचे क्षेत्र आहे. यामुळे वऱ्हाडात सर्वदूर पाऊस झाला. तर अकोला जिल्ह्यातील तेल्हारा, पातूर, बार्शीटाकळी या तीन तालुक्यांत अतिवृष्टी झाली. नागपूरसह पूर्व विदर्भातही ठिकठिकाणी पावसाने हजेरी लावली. मराठवाड्यात अनेक ठिकाणी हलक्या ते मध्यम सरी बरसल्या. शनिवारी (ता. २१) सकाळी आठ वाजेपर्यंत परभणी जिल्ह्यातील पाथरी येथे सर्वाधिक ११० मिलिमीटर पाऊस पडल्याची नोंद झाली आहे. मध्य महाराष्ट्र व कोकणातही तुरळक ठिकाणी हलका पाऊस पडला.

अरबी समुद्र ते उत्तर दक्षिण महाराष्ट्र, गुजरात या परिसरात कमी दाबाचे क्षेत्र कार्यरत आहे. तसेच अरबी समुद्र व गुजरात परिसरात चक्राकार वाऱ्यांची स्थिती आहे. या चक्राकार वाऱ्यांची दोन दिवसांनंतर तीव्रता कमी होण्याची शक्यता आहे. त्यामुळे राज्यात काही प्रमाणात उघडीप राहणार असून काही ठिकाणी उन्हाचा चटका वाढण्याची शक्यता आहे.

मात्र, या कमी दाबाच्या क्षेत्राचा व चक्राकार वाऱ्याचा काही प्रमाणात परिणाम होणार असून आज (ता. २२) विदर्भात बऱ्याच ठिकाणी, तर मध्य महाराष्ट्रात व मराठवाड्यात काही ठिकाणी हलका ते मध्यम स्वरूपाचा पाऊस पडेल. उद्या (ता. २३) विदर्भात बऱ्याच ठिकाणी तर मध्य महाराष्ट्र व मराठवाड्यात काही ठिकाणी जोरदार पाऊस पडण्याचा अंदाज हवामान विभागाच्या सूत्रांनी वर्तविला आहे.  

राज्यात कमी दाबाच्या क्षेत्राच्या परिणामामुळे बहुतांशी ठिकाणी जोरदार पाऊस पडला आहे. तुरळक ठिकाणी मुसळधार पाऊस पडला आहे. मुंबईत सर्वाधिक ६० मिलिमीटर पाऊस पडला. तर अलिबाग, हर्णे, मुरूड, सुधागड पाली येथेही जोरदार पाऊस पडला. मध्य महाराष्ट्रातील शिरपूर येथे सर्वाधिक ६० मिलिमीटर पाऊस पडला. तर बोदवड, गिरणा, अक्ककुवा, नेवासा, बारामती, नंदुरबार येथे मध्यम स्वरूपाच्या सरी कोसळल्या.

मराठवाड्यातील मुगट, करखेली, निवघा, सिंधी, मोगाली, सोनखेड, मानवत, दहेली, बिलोली, हदगाव, हिंगोली येथेही मुसळधार पाऊस पडला. विदर्भातील बार्शी टाकळी येथे सर्वाधिक ८२ मिलिमीटर पाऊस पडला. तर 
पातूर, तेल्हारा, चिखलदरा, लखनदूर, बाळापूर, बदलापूर, अकोट, लाखनी, संग्रामपूर, उमरेड येथे मध्यम ते जोरदार स्वरूपाच्या सरी कोसळल्या. काही ठिकाणी ऊन पावसाचा खेळ असून काही ठिकाणी ढगाळ हवामान आहे.  

शनिवारी (ता. २१) सकाळी आठ वाजेपर्यंत पडलेला पाऊस, मिलिमीटरमध्ये (स्रोत हवामान विभाग)  
कोकण ः मुंबई ६०, अलिबाग, हर्णे ५०, मुरूड, सुधागड पाली ४०, म्हसळा, पालघर, वसई २०, कानकोन, डहाणू, दापोली, देवगड, गुहागर, जव्हार, खेड, मंडणगड, माथेरान, पोलादपूर, श्रीवर्धन, तलासरी, उरण, विक्रमगड, वाडा, वाकवली १०, 
मध्य महाराष्ट्र ः शिरपूर ६०, बोदवड, गिरणा ४०, अक्कलकुवा, नेवासा ३०, बारामती, नंदुरबार, सुरगाणा २०, भडगाव, देवळा, हरसूल, कळवण, खेड, राजगुरूनगर, मुंडे, नांदगाव, नवापूर, राहाता, रावेर, साक्री, तळोदा, येवला १० 
मराठवाडा ः पाथरी ११०, मुगट ८०, करखेली ८९, निवघा ८३, सिंधी ८५, मोगाली ८५, सोनखेड ७२,  मानवत ७०, दहेली ६९,  बिलोली, हदगाव, हिंगोली ५०, देगलूर, धर्माबाद, कळमनुरी, कंधार, मुदखेड, उमरी ४०, अर्धापूर, घनसांगवी, मुखेड, सेलू, सेनगाव, वैजापूर, वसमत ३०, नायगाव, खैरगाव, परभणी २०, अंबड, औढा नागनाथ, भोकरदन, गंगाखेड, जाफ्राबाद, जळकोट, जिंतूर, लोहा, माहूर, माजलगाव, परतूर, सोयगाव १०, 
विदर्भ ः बार्शी टाकळी ८२, पातूर ७३, तेल्हारा ७१, चिखलदरा, लखनदूर ६०, बाळापूर ५०, बदलापूर ५५, अकोट, लाखनी, संग्रामपूर, उमरेड ४०, अकोला, अंजनगाव, बुलढाणा, मौदा, मोहाडी, रामटेक, रिसोड, यवतमाळ ३०, भामरागड, भंडारा, भिवापूर, चांदूरबाजार, धारणी, खामगाव, कुही, मालेगाव, मलकापूर, मेहकर, पुसद, तुमसर २०, अहिरी, अर्जुनी मोरगाव, बतकुली, चिखली, चिमूर, दारव्हा, दर्यापूर, दिग्रस, गडचिरोली, घाटंजी, कुरखेडा, मंगरूळपीर, तोताळा, मूर्तिजापूर, नांदगाव, काजी, नांदुरा,
परतवाडा, सडकअर्जुनी, शेगाव, सिंदखेड राजा, तिरोरा, झारीझमनी १०, 
घाटमाथा ः कोयना, अंबोणे २०, ताम्हिणी १०, 


इतर ताज्या घडामोडी
खानदेशात कांदेबाग केळी लागवडीची तयारी...जळगाव : खानदेशात कांदेबाग केळी लागवडीची तयारी...
औरंगाबाद, जालना, परभणीत बहुतांश मंडळांत...औरंगाबाद : औरंगाबाद, जालना, परभणी या तीनही...
नाशिक बाजार समितीतील कर्मचारी...नाशिक : नाशिक कृषी उत्पन्न बाजार समितीच्या...
सोलापूर जिल्हा परिषदेत सेसफंड, करनिधी...सोलापूर  ः कोरोनामुळे कधी नव्हे, ती सहा-सात...
नगर जिल्ह्यात शेततळ्यांच्या कामांची...नगर ः दुष्काळी परिस्थितीत शेततळ्याच्या पाण्यावर...
पूर्णा नदी काठच्या गावांना सतर्कतेचा...हिंगोली  ः ‘‘जिल्ह्यातील पूर्णा नदीवरील...
वाखारी येथे शेतकरी, शेतमजुरांना कौशल्य...पुणे ः कृषी तंत्रज्ञान व्यवस्थापन यंत्रणा व...
नांदेड, परभणी, हिंगोली जिल्ह्यात १४२...नांदेड : नांदेड, परभणी, हिंगोली जिल्ह्यातील १४२...
दहिवडीत शेतीकामांच्या मजुरीदरांसह...नाशिक : कोरोनाच्या पार्श्वभूमीवर शेतीव्यवस्था...
औरंगाबाद, जालना जिल्ह्यात दीड लाख...औरंगाबाद  : दोन जिल्ह्यांतील साडेचार हजारावर...
उजनीची पाणीपातळी २८ टक्केवर सोलापूर  ः पुणे जिल्ह्यातील पावसाच्या...
वरखेडीतील पशुधनाचा बाजार उद्यापासून...पाचोरा, जि.जळगाव  ः वरखेडी (ता.पाचोरा) येथील...
जळगाव जिल्ह्यात शेतकऱ्यांवर लिंबं...भडगाव, जि.जळगाव  ः जिल्ह्यात लिंबू पिकासाठी...
कृषी महाविद्यालयाच्या जागेचा प्रश्न...भंडारा : कृषी महाविद्यालयाच्या प्रस्तावित...
परभणी जिल्ह्यात कपाशी बियाण्याच्या साडे...परभणी : जिल्ह्यात यंदा खरीप हंगामात विविध...
सिंधुदुर्ग जिल्ह्यातील ७०...वैभववाडी, जि. सिंधुदुर्ग ः ऑगस्ट महिन्यात मुदत...
चंद्रपूर जिल्ह्यात कापूस कोंडीत भर...चंद्रपूर : येत्या  हंगामातील कापूस खरेदीसाठी...
पंधरा शेतकऱ्यांच्या सौरकृषी पंपात...चंद्रपूर : मुख्यमंत्री सौर कृषी पंप योजनेअंतर्गत...
जलालखेडा येथील दीडशे शेतकरी...नागपूर : खरीप कर्जाचे वाटप शनिवार (ता. १५) पर्यंत...
सांगली जिल्ह्यात डाळिंब संकटांच्या...सांगली ः वातावरणातील बदलाने डाळिंबावर तेलकट डाग...