औरंगाबाद : मराठवाड्यात गुरुवारी (ता. २३) सकाळपर्यंतच्या चोवीस तासांत पावसाचा जोर कमी झाला होता. मात्र, शुक्रवारी (ता. २४) सकाळपर्यंतच्या चोवीस तासांत पुन्हा एकदा पावसाने जोर धरल्याचे चित्र आहे. तब्बल ३६ तालुक्यात सरासरी २० मिलिमीटर पेक्षा जास्त पाऊस झाला. उस्मानाबाद, बीड, लातूर, परभणी हे जिल्हे पावसाच्या निशाण्यावर राहिले. पाच जिल्ह्यातील मंडळांत अतिवृष्टी झाली. त्यातही बीडमधील आंबाजोगाई आणि केज या तालुक्यांना पावसाने चांगलेच धुतले.
मराठवाड्यात शुक्रवारी सकाळपर्यंतच्या चोवीस तासांत पुन्हा एकदा पावसाचा जोर वाढला आहे. मराठवाड्यात सरासरी २० मिलिमीटरपेक्षा जास्त पाऊस झाला. ३६ तालुक्यात औरंगाबाद जिल्ह्यातील चार, बीडमधील १०, लातूरमधील ५, उस्मानाबादमधील ८, परभणीतील ७, तर हिंगोलीतील एका तालुक्याचा समावेश आहे. तऱ अतिवृष्टीच्या २० मंडलांत बीडमधील आठ, लातूरमधील ५, उस्मानाबादमधील ५, नांदेडमधील एक व परभणीतील एका मंडलाचा समावेश आहे.
उस्मानाबाद जिल्ह्यात सर्वाधिक सरासरी ४५.७ मिलिमीटर, बीड जिल्ह्यात ३४.३ मिलिमीटर, लातूर जिल्ह्यात २५.४ मिलिमीटर, परभणी जिल्ह्यात २५.४ मिलिमीटर, औरंगाबाद जिल्ह्यात १८ मिलिमीटर, हिंगोली जिल्ह्यात ११ मिलिमीटर, जालना जिल्ह्यात ६.१ मिलिमीटर, तर नांदेड जिल्ह्यात सरासरी ६ मिलिमीटर पाऊस झाला.
औरंगाबाद, जालना जिल्ह्यात हलका ते मध्यम पाऊस झाला. जिल्ह्यातील केज व आंबाजोगाई हे दोन तालुके पावसाच्या निशाण्यावर होते. केज तालुक्यांत सर्वाधिक सरासरी ७२.९ मिलिमीटर, आंबाजोगाई तालुक्यात सरासरी ६९.४ मिलिमीटर, धारूर ६१.८ मिलिमीटर, पाटोदा ३८.९ मिलिमीटर, बीड २६, आष्टी २०.७, माजलगाव २७.८, परळी ३४.९, वडवणी २८.७, शिरूरकासार ३४.७, तर गेवराई तालुक्यात सर्वांत कमी सरासरी ३ मिलिमीटर पावसाची नोंद झाली. अंबाजोगाई तालुक्यातील धानोरा खुर्द परिसरातील आपेगाव, अंजनपूर, तटबोरगाव, देवळा सोमनाथ, बोरगाव, हिवरा, माकेगाव आदी गावशिवारात अतिवृष्टीमुळे पीक पाण्याखाली गेली.
लातूर जिल्ह्यातील लातूर तालुक्यात सर्वाधिक सरासरी ५०.६ मिलिमीटर पावसाची नोंद झाली. अहमदपूर तालुक्यातील मन्याड नदीला जोरदार पावसामुळे मोठा पूर आला. उस्मानाबाद जिल्ह्यातील तुळजापूर तालुक्यात सरासरी ५१.३ मिलिमीटर, उस्मानाबाद ५३.५, लोहारा ५१.१ मिलिमीटर पावसाची नोंद झाली. परभणी जिल्ह्यातील पाथरी तालुक्यात सर्वाधिक सरासरी ४६.७ मिलिमीटर पावसाची नोंद झाली.
जिल्हानिहाय अतिवृष्टीची मंडळे (पाऊस मि.मी)
बीड जिल्हा ः पाटोदा १४५.२५, लोखंडी सावरगाव ६८.२५, केज ९३, युसूफ वडगाव ९६.७५, होळ ८७.५०, नांदुरघाट ७०, शिरसाळा ८७.२५, मोहखेड ७७.५० लातूर ः हरंगुळ ७८.२५, मुरुड ७९.७५, तांदुळजा ६६,भादा ६५.२५, निलंगा ६८.७५
उस्मानाबाद ः ढोकी ८५, तेर ७३.२५, शिराढोण ७१.७५, उमरगा ७०.७५, मुळज ६६.२५. नांदेड ः नाळेश्वर ९८. परभणी ः बाभळगाव ८३.७५
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.