Agriculture news in marathiHundreds of homes submerged; Woman dies due to pain | Agrowon

शेकडो घरे पाण्याखाली; दरड कोसळून महिलेचा मृत्यू 

टीम अॅग्रोवन
शनिवार, 24 जुलै 2021

सिंधुदुर्गनगरी जिल्ह्यात गुरुवारी (ता. २२) दिवसभर झालेल्या ढगफुटीसदृश्य पावसामुळे पूरस्थिती गंभीर बनली आहे. शेकडो घरे अजूनही पाण्याखाली असून, कित्येक घरांना पाण्याचा वेढा कायम आहे.

सिंधुदुर्गनगरी : जिल्ह्यात गुरुवारी (ता. २२) दिवसभर झालेल्या ढगफुटीसदृश्य पावसामुळे पूरस्थिती गंभीर बनली आहे. शेकडो घरे अजूनही पाण्याखाली असून, कित्येक घरांना पाण्याचा वेढा कायम आहे. कित्येक गावांचा संपर्क तुटला आहे. कनेडी येथील मल्हार पूल कोसळल्यामुळे दहाहून अधिक गावांचा संपर्क तुटला आहे. घरावर दरड कोसळून दिगवळेतील एका महिलेचा मृत्यू झाला आहे.

मुंबई-गोवा महामार्गावरील वागदे येथे पुन्हा पुराचे पाणी वाहू लागले आहे. पुराच्या पाण्यामुळे ठप्प झालेली वाहतूक काही प्रमाणात शुक्रवारी (ता. २३) सुरू झाली आहे. शेकडो घरे, गोठे कोसळले आहेत. रस्ते खचण्याचे प्रकार पावसामुळे अनेक घडले आहेत. डोंगर खचल्यामुळे कित्येक घरांना धोका निर्माण झाला आहे. शेकडो एकर भातशेती पुराच्या पाण्याखाली आहे. शुक्रवारीसकाळपासून पावसाचा जोर गुरुवारच्या तुलनेत कमी झाला आहे. 

जिल्ह्यात गेल्या काही दिवसांपासून सुरू असलेल्या पावसाचा जोर बुधवारी मध्यरात्रीपासून अधिकच वाढला. गुरुवारी दिवसभर संपूर्ण जिल्ह्याला मुसळधार पावसाने झोडपून काढले. त्यामुळे मुळतःच पुराच्या उंबरठ्यावर असलेल्या सर्व नद्यांनी पूररेषा सकाळीच ओलांडली. त्यानंतर दिवसभर संततधार पाऊस झाला. त्यामुळे जिल्ह्यातील बहुतांशी मार्गावरील पूल पुराच्या पाण्याखाली गेले होते. त्यामुळे शेकडो वाहन चालक रस्त्यातच अडकून पडले होते. दुपारनंतर पूरस्थिती अधिकच गंभीर बनली. खारेपाटण, कणकवली, कलमठ, नाटळ, खारेपाटण जैनवाडी यासह विविध भागातील शेकडो घरांना पाण्याने वेढले. कित्येक घरांमध्ये शिरलेले पुराचे पाणी अजूनही ओसरलेले नाही. खारेपाटण शहरात अजूनही दहा ते पंधरा फूट पाणी आहे. त्यामुळे अनेक इमारतीचा एक मजला पाण्याखाली आहे. येथील शेकडो लोकांनी अन्यत्र आश्रय घेतला आहे. 

मुंबई-गोवा महामार्गावर खारेपाटण आणि वागदे पुलावर पुराचे पाणी आल्यामुळे वाहतूक ठप्प झाली होती. दरम्यान वागदे येथे शुक्रवारी सकाळी पुन्हा पुराचे पाणी आले, त्यामुळे पुन्हा या महामार्गावरील वाहतूक ठप्प झाली. कणकवली तालुक्यातील कनेडी-नरडवे मार्गावरील मल्हार पूल पुरामुळे कोसळला. त्यामुळे नाटळ, दिगवळे, या भागातील आठ ते दहा गावांचा संपर्क तुटला आहे.

खारेपाटण-गगनबावडा मार्गावर भूस्खलन झाले असून रस्त्याला भेगा पडल्या आहेत. तर कुडाळ तालुक्यातील कातवण कुंदे मार्ग देखील खचला आहे. आंबेरी पुलावरून पाणी वाहत असल्यामुळे माणगाव खोऱ्यातील २७ गावांचा संपर्क तुटला आहे. गेल्या दोन दिवसांपासून या गावांचा संपर्क तुटलेला आहे. चिपी-कोरजाई वेगुर्ला आणि शिरशिंगे (ता. सावंतवाडी) येथील डोंगर खचले आहेत. दिगवळे (ता. कणकवली) येथील एका घरावर दरड कोसळल्यामुळे एका महिलेचा मृत्यू झाला तर एक जण गंभीर जखमी झाला आहे. दरम्यान शुक्रवारी सकाळपासून पावसाचा जोर गुरुवारच्या तुलनेत कमी झाला आहे. मात्र पूरस्थिती कायम आहे. 

सिंधुदुर्गमधील पूरस्थिती

  • दीडशेहून अधिक घरे, इमारतींमध्ये पुराचे पाणी 
  • अनेक घरांना पुराच्या पाण्याने वेढले 
  • कनेडी येथील मल्हार पूल कोसळला 
  • खारेपाटण शहराला पुराच्या पाण्याचा वेढा 
  • शिरशिंगे गोठवेवाडी आणि चिपी कोरजाई डोंगर खचला 
  • कसवण कुंदे आणि खारेपाटण-गगनबावडा मार्ग खचला

इतर ताज्या घडामोडी
‘कृषी’ शिक्षक म्हणून कृषी, संलग्न ...कोल्हापूर : शालेय शिक्षणात कृषी विषयाचा समावेश...
शिसोदे समितीची आज तातडीची बैठकपुणे ः जलयुक्त शिवार कामांमध्ये झालेल्या कोट्यवधी...
शेतीमाल, दुग्धजन्य पदार्थ निर्यात...पुणे : कृषी व प्रक्रियायुक्त अन्न उत्पादन निर्यात...
बुडताना दिसले अन् काही क्षणांत दिसेनासे...वरुड, जि. अमरावती : डोळ्यांसमोर सारे बुडताना दिसत...
‘जनधन’मुळे मदत गरजूंपर्यंत : केंद्रीय...औरंगाबाद : जनधन, आधार आणि बँक खात्याशी मोबाईल...
पूर्वसूचना अर्ज भरण्यासाठी निलंग्यात...निलंगा, जि. लातूर : ऑफलाइन पद्धतीने विमा कंपनीस...
शेतकऱ्यांसाठी महावितरणने हप्ते बांधून...पुणे : कोरोनामुळे महावितरण कंपनीवरही आर्थिक ताण...
केंद्र्याच्या कृषी कायद्यांविरोधातील २७...कोल्हापूर : शेतकरीविरोधी कायदे मागे घ्यावेत,...
देवसंस्थांच्या जमिनीवर वहिवाटदारांचा...जेजुरी, जि. पुणे : देवसंस्थानच्या मालकीच्या...
पुरस्कारांच्या प्रस्तावावरून कृषी...अकोला : विविध पुरस्कारांसाठी शेतकऱ्यांनी दाखल...
कोयना धरणात १०१ टीएमसीवर पाणीसाठाकोयनानगर, जि. सातारा : शंभर दिवस ओलांडलेल्या...
उजनी धरणात उपयुक्त साठा ६४ टक्केच;...सोलापूर : उजनी धऱणाच्या पाणलोट क्षेत्रात अद्यापही...
अकोला जिल्ह्यात ओला दुष्काळ जाहीर करा...अकोला ः जिल्ह्यात अतिपावसाने धुमाकूळ घातला असून...
राज्यात तीन अन्न प्रक्रिया प्रकल्पांचे...नाशिक : राज्यातील तीन अन्न प्रक्रिया प्रकल्पांचे...
वाशीम झेडपी निवडणुकीचा चेंडू पुन्हा...वाशीम : सर्वोच्च न्यायालयाच्या आदेशानुसार रिक्त...
‘एफआरपी’च्या तुकड्यांनी शेतकरी...कऱ्हाड, जि. सातारा : एकरकमी ‘एफआरपी’चे तीन तुकडे...
हिंगोलीत मुहूर्ताच्या सोयाबीनला ११ हजार...हिंगोली : येथील कृषी उत्पन्न बाजार समितीअंतर्गत...
पीक नुकसान नोंदीसाठी विमा कंपन्यांच्या...परभणी : ७२ तासांच्या आत पीक नुकसानीची नोंद...
राज्यसभेच्या एका जागेसाठी ४ ऑक्टोबरला...नवी दिल्ली : महाराष्ट्रातून राज्यसभेवर रिक्त...
गणेशोत्सवासाठी सिंधुदुर्ग सज्ज; तीन...सिंधुदुर्गनगरी : घरोघरी गणेशोत्सव साजरा करण्याची...