Agriculture news in marathiIn Amravati district Pokra scheme grants exhausted | Agrowon

अमरावती जिल्ह्यात पोकरा योजनेचे अनुदान थकले

टीम अॅग्रोवन
गुरुवार, 8 एप्रिल 2021

नानाजी देशमुख कृषी संजीवनी प्रकल्पांतर्गत विविध घटकांचे अनुदान अद्यापही शेतकऱ्यांच्या खात्यात जमा झाले नाही.  ही योजना देखील पोखरणारी ठरली, असा आरोप काँग्रेसने केला आहे.

अमरावती : नानाजी देशमुख कृषी संजीवनी प्रकल्पांतर्गत विविध घटकांचे अनुदान अद्यापही शेतकऱ्यांच्या खात्यात जमा झाले नाही. त्यावरूनच इतर योजनांप्रमाणे ही योजना देखील पोखरणारी ठरली, असा आरोप काँग्रेसचे जिल्हा परिषद सदस्य तसेच काँग्रेसचे महासचिव प्रकाश साबळे यांनी केला आहे. राजीव गांधी कृषीरत्न पुरस्कार वितरण सोहळ्याच्या दिवशी महाराष्ट्रातील शेतकरी शिष्टमंडळासोबत या प्रकरणी मुख्यमंत्र्यांची भेट घेणार असल्याची माहिती देखील त्यांनी पत्रकारांशी बोलताना दिली. 

  प्रकाश साबळे यांनी दिलेल्या माहितीनुसार महाराष्ट्रातील निवडक जिल्ह्यातील शेतकऱ्यांना हवामान बदलामुळे उद्भवलेल्या परिस्थितीशी जुळवून घेण्यास सक्षम करणे, शेती व्यवसाय किफायतशीर करण्यास सहाय्य करणे या उद्देशाने पोखरा प्रकल्पाची अंमलबजावणी करण्यात आली. महाराष्ट्राच्या १५ जिल्ह्यांमधील ५१४२ गावांचा या योजनेत समावेश करण्यात आला आहे. फळबाग, तुषार सिंचन, ठिबक, पाइपलाइन, बीजोत्पादन अशा विविध घटकांकरिता योजनेतून १००, ७५ तसेच ५० टक्के अनुदान दिले जाते.  

सन २०१८ ते २०२०-२१ या कालावधीत बीज उत्पादन योजनेत एका शेतकऱ्याकडे एकापेक्षा अधिक मौजात शेती असल्यास त्याची शासन पोर्टलवर नोंदणी होत नाही, असे कृषी विभागाकडून सांगण्यात येत आहे. याच कारणाआड राज्यातील अनेक बीज उत्पादक शेतकऱ्यांना अनुदानापासून वंचित ठेवण्यात आले. युवा शेतकरी शेखर अवघड यांचा देखील या अनुदान न मिळालेल्या शेतकऱ्यांमध्ये समावेश आहे. शेखर अवघड यांना दहा एकर क्षेत्रावरील बीजोत्पादनाचे अनुदान २०१८- १९पासून मिळालेले नाही.

विशेष म्हणजे प्रकल्प गावातील, शेतकऱ्यांना प्रोत्साहन मिळावे याकरिता जमीन धारणेबाबत कोणतीही अट असणार नाही, असे नानाजी देशमुख कृषी संजीवनी प्रकल्पाच्या मार्गदर्शक सूचनेमध्ये नमूद आहे, असे असतानाही शेतकऱ्यांना नाहक त्रास देण्याच्या उद्देशाने त्यांना अनुदानापासून वंचित ठेवण्यात येत आहे. त्यावरूनच पोखरा योजना शेतकऱ्यांना पोखरणारी असल्याचे सिद्ध होते, असा आरोपही प्रकाश साबळे यांनी केला आहे. 

बीज उत्पादन योजनांमध्ये गत दोन वर्षाचे अनुदान तसेच एका शेतकऱ्यांच्या नावे एकापेक्षा अधिक सात बारा,  ८-अ असणाऱ्या जिल्ह्यातील पात्र लाभार्थी अनुदानापासून वंचित आहेत. याची दखल घेत हा प्रश्‍न तत्काळ निकाली काढावा, अशी मागणी प्रकाश साबळे यांनी कृषिमंत्री दादा भुसे तसेच कृषी राज्यमंत्री विश्वजित कदम यांना प्रत्यक्ष भेटून केली आहे.  शिष्टमंडळासह मुख्यमंत्र्यांची भेट घेणार असल्याचे देखील त्यांनी सांगितले.


इतर बातम्या
नगर : पीकविमा योजनेत शेतकऱ्यांचा सहभाग...नगर : नैसर्गिक संकटाने तसेच अन्य कारणाने...
`दहिगाव उपसा सिंचन योजना सौरऊर्जेवर...सोलापूर ः करमाळा तालुक्यातील दहिगाव उपसा सिंचन...
पुणे बाजार समिती चक्राकार पद्धतीने सुरू...पुणे : कोरोना विषाणू बाधित रुग्णाच्या झपाट्याने...
देशी सीताफळाच्या बियाण्याची चोरीसोलापूर ः देशी सीताफळाच्या बियाण्याची चोरी...
पाण्याच्या उपलब्धतेमुळे उन्हाळी...पुणे : गेल्या वर्षी झालेल्या चांगल्या पावसामुळे...
हिंगोली ः सोयाबीनची अडीच लाख हेक्टरवर...हिंगोली ः जिल्ह्यात यंदा खरीप हंगामात ३ लाख ५८...
अमरावतीत खरिपाचे ७ लाख हेक्टर क्षेत्र...अमरावती : कृषी विभागाच्या खरीप हंगाम २०२१...
दिग्गज प्रस्थापितांमध्ये रंगणार ‘गोकुळ’...कोल्हापूर : कोल्हापूर जिल्हा दूध उत्पादक संघाच्या...
नाशिक बाजार समितीच्या ‘त्या’ याचिका...नाशिक : नाशिक कृषी उत्पन्न बाजार समितीच्या सभापती...
बियाणे, खते, कीटकनाशक नियंत्रणासाठी...नाशिक : खरीप हंगामात बियाणे पेरणीचा कालावधी...
औरंगाबाद जिल्हाभरात फळे, भाजीपाला थेट...औरंगाबाद : शहरासह जिल्हाभरात राबविल्या जात...
‘शेती’वरही निर्बंध; दुकाने फक्त 'या'...पुणे : कोरोना विषाणूच्या जीवघेण्या साथीला पायबंद...
लातूर जिल्ह्यात त्रेचाळीस हजार क्विंटल...लातूर: जिल्ह्यात कार्यान्वित १६ केंद्रांवरून २७५९...
मोसंबीच्या वाण निवडीसाठी संशोधन...औरंगाबाद : राज्यातील शेतकऱ्यांना सध्या अस्तित्वात...
जगाची ‘फळांची करंडी’ होण्याची...पुणे ः ‘घरी ज्याच्या फळांची करंडी तोची असे खरा...
कोकणात बांधावरच्या पिकांची होणार...पुणे : कोकणातील दुर्लक्षित परंतु येत्या काळात...
विदर्भात आजपासून पावसाची शक्यतापुणे : विदर्भाच्या अनेक भागांत अंशतः ढगाळ...
राज्यात अद्याप ३६ कारखान्यांचा हंगाम...कोल्हापूर : यंदाच्या हंगामात हुपरी (ता. हातकणंगले...
अवैध दारू विक्रेत्यांना शासकीय योजनांचा...चंद्रपूर : अवैध दारू विक्रीमुळे सामाजिक स्वास्थ्य...
ऑक्सिजन प्रकल्प उभारणीचा अधिकार...मुंबई : कोरोना रुग्णांची वाढती संख्या व ऑक्सिजनची...