कात्रजकडून गायीच्या दूध खरेदीदरात वाढ

संग्रहित छायाचित्र
संग्रहित छायाचित्र

पुणे  : दुष्काळी स्थितीत दूध उत्पादक शेतकऱ्यांना दिलासा देण्यासाठी ‘कात्रज’ने गायीच्या दूध खरेदीदरात प्रतिलिटर दोन रुपयांनी वाढ करण्याचा निर्णय घेतला आहे. 

पुणे जिल्हा सहकारी दूध संघाकडून ‘कात्रज’ ब्रॅंडने दुधाची विक्री केली जाते.  शेतकऱ्यांच्या हितासाठी आम्ही २१ जूनपासून दूध संकलन संस्थांना गाय दुधासाठी ३.५ फॅट व ८.५ एसएनएफसाठी वरकड खर्चासह २७.७० रुपये प्रतिलिटर दर देणार आहोत. हे करताना ग्राहकांसाठी दुधाचा दर न वाढवता तूर्त प्रतिलिटर ४२ रुपये ठेवला आहे, अशी माहिती सूत्रांनी दिली. 

कात्रज संघाचे अध्यक्ष विष्णू हिंगे यांनी संचालक मंडळ; तसेच कार्यकारी संचालक डॉ. विवेक क्षीरसागर यांच्याशी  चर्चा करून हा निर्णय घेतला. याचा फायदा ५० हजार शेतकऱ्यांना होईल. प्रतिवर्षी ३०० कोटींची उलाढाल करणाऱ्या कात्रज संघामुळे शेतकऱ्यांना मोठा दिलासा मिळाला आहे. इतर संघांनीदेखील कात्रजचा आदर्श घ्यावा, असे मत डेअरी उद्योगातून व्यक्त होत आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com