agriculture news in Marathi,job leave for farming, now heavy loss by rain, Maharashtra | Page 2 ||| Agrowon

शेतीसाठी नोकरी सोडली, आता बागही गेली
दीपक खैरनार
बुधवार, 6 नोव्हेंबर 2019

अंबासन, जि. नाशिक : वरुणराजा आता बस झालंय... शेतीसाठी नोकरी सोडलीय... आता बागेवर कुऱ्हाड चालविणे बाकी राहिले...काय करावं काहीच सुचत नाही...पावसामुळे होत्याचे नव्हते झाले, सोळा एकरांतील द्राक्षबागेतील एकही मणी हातात लागणार नाही. नोकरी सोडली नसती तर परवडले असते. आता तेलही गेले अन् तूपही, अशी म्हणण्याची वेळ पोपट जाधव यांच्यावर आली आहे. 

अंबासन, जि. नाशिक : वरुणराजा आता बस झालंय... शेतीसाठी नोकरी सोडलीय... आता बागेवर कुऱ्हाड चालविणे बाकी राहिले...काय करावं काहीच सुचत नाही...पावसामुळे होत्याचे नव्हते झाले, सोळा एकरांतील द्राक्षबागेतील एकही मणी हातात लागणार नाही. नोकरी सोडली नसती तर परवडले असते. आता तेलही गेले अन् तूपही, अशी म्हणण्याची वेळ पोपट जाधव यांच्यावर आली आहे. 

सटाणा तालुक्यातील बिजोटे येथे पोपट संतोष जाधव यांची वडिलोपार्जीत दहा एकर पडीक कोरडवाहू जमीन होती. शेतीत कुळीदालासुद्धा फूल लागत नाही अशी जमीन. श्री. जाधव यांनी घरची परिस्थिती बेताची असल्याने खडतर प्रवासात १९९६ मध्ये B.A. B.ED केले. त्या वेळी वर्षभर पोटाला पुरेल एवढे पुरेसे धान्यसुद्धा शेतातून मिळत नव्हते. शिक्षण मोलमजुरी करून पूर्ण केले. शिक्षण झाले; परंतु नोकरीसाठी आर्थिक चणचण असल्याने ऐपत नव्हती. औरंगाबाद जिल्ह्यातील खडकेश्वर येथील शाळेत वर्षभर नोकरी केली. मात्र परिस्थिती शांत बसू देत नव्हती. १९९७ मध्ये नोकरी सोडली. 

पुढे भाजीपाला ट्रान्सपोर्टमध्ये नोकरी करत २००० मध्ये स्वतःच ट्रान्स्पोर्ट व्यवसाय सुरू केला. त्यातून मिळणाऱ्या उत्पनातून वडिलोपार्जित शेतीची मशागत केली. सुरवातीला डाळिंबाची लागवड केली. डाळिंब पिकातून भरघोस उत्पन्न मिळाल्याने त्यांनी तब्बल वीस एकर जमीन खरेदी केली. संपूर्ण क्षेत्रात डाळिंब पीक उभे केले. शेतीत उत्पन्न वाढल्याने जाधव कुटुंबीय जोमाने शेतात कष्ट करीत होते. मात्र २०१३ मध्ये गारपीट, तेल्या व मर रोगामुळे डाळिंब शेती पूर्णतः उद्ध्वस्त झाली. पुन्हा उभारीसाठी बॅंकेकडून सत्तर लाख रुपये कर्ज घेतले. संपूर्ण शेतीची मशागत करून सोळा एकर क्षेत्रात द्राक्ष लागवड केली. 

२०१८ मध्ये तब्बल तीस लाख रुपये बागेवर खर्च केला. साठ लाखांचे घसघशीत उत्पन्न मिळाल्याने त्यात बॅंकेकडून घेतलेल्या कर्जाचे हप्ते व व्याजाची रक्कम अदा केली. पुन्हा बॅंकेकडून तीस लाख व नातेवाइकांकडून दहा लाख हातउसनवार केले. सर्व पैसा शेतीत ओतला. मात्र, पावसाने होत्याचे नव्हते केले.

एक्स्पोर्टची तयारी असताना रात्रीतूनच धूळधाण 
शेतीत जवळपास ४० लाखांची गुंतवणूक केल्यानंतर पिकातून नव्वद लाख रुपये मिळण्याची अपेक्षा होती. मात्र होत्याचे नव्हते झाले, अन् परतीच्या पावसाने स्वप्न धुळीस मिळाले. आदल्याच दिवशी व्यापारी द्राक्षबाग पाहून एक्स्पोर्ट करण्याच्या तयारीत असतानाच द्राक्षबागेवर संकट कोसळले. पावसामुळे संपूर्ण बाग उद्ध्वस्त झाली. एका रात्रीतच सोळा एकरांतील द्राक्षबागेवर एक मणीही हाती लागला नसल्याची कैफियत द्राक्ष उत्पादक शेतकरी पोपट जाधव यांनी मांडली.

इतर अॅग्रो विशेष
अवर्षणग्रस्त माळरानावर फुलवली प्रगतशील...नगर जिल्ह्यात कायम अवर्षणग्रस्त कर्जत तालुक्यातील...
साठ देशी गायींच्या संवर्धनाचा आदर्शपुणे जिल्ह्यातील मंचर येथील सोनेचांदीचे पारंपरिक...
साखर निर्यातीला डिसेंबरपर्यंत मुदतवाढकोल्हापूर : पावसाळी स्थितीमुळे निर्यात न होऊ...
काजू उत्पादन ३० टक्क्यांनी घटणारसिंधुदुर्ग : जुलै, ऑगस्टमध्ये झालेली अतिवृष्टी,...
द्राक्ष बागांचे पंचनामे करताना दिशाभूलनाशिक  : द्राक्ष बागांचे पंचनामा केल्यास...
कृषी कौशल्य प्रशिक्षणांद्वारे उभी...केंद्र शासनाची प्रधानमंत्री कौशल्य विकास योजना २....
गारठा वाढला; नगर येथे नीचांकी तापमानपुणे  : उत्तरेकडून येणारे थंड वारे,...
पावसाने द्राक्ष शेतीचे ९ हजार कोटींवर...पुणे : सततच्या पावसामुळे सर्व अवस्थांमधील द्राक्ष...
दक्षिण महाराष्ट्रातील कारखान्यांना...कोल्हापूर: कर्नाटकने झोनबंदी केल्याने सीमाभागातून...
पीक नुकसानीचा अंतिम अहवाल लांबण्याची...पुणे : राज्यात अतिपावसामुळे झालेल्या पिकांच्या...
शासकीय खरेदीसाठी उडीद, सोयाबीनची...परभणी: किंमत समर्थन मूल्य योजनेअंतर्गत...
राज्यात बहुतांंश भागांत तापमान २०...पुणे : राज्यात दोन दिवसांपासून किमान तापमान कमी...
पावसाचा सोयाबीन उत्पादकांना २२ हजार...पुणे : राज्यातील खरिपात दुसरे महत्त्वाचे पीक...
चौदा गुंठ्यांतील वैविध्याने अर्थकारणाला...पाच एकर शेतीचे नियोजन करताना ऊस, आले, केळी अशा...
जन्मभूमी रामलल्लाचीच; 'अयोध्या' प्रकरणी...नवी दिल्ली : भारतवर्षाचा राजकीय भूगोल बदलून...
मराठवाड्यातील उपयुक्‍त पाणीसाठा ७१ टक्‍...औरंगाबाद  : संपूर्ण मराठवाड्यात ऑक्‍टोबर...
कांदा साठवणुकीच्या संदर्भात प्रशासन...नाशिक : कांदा दर नियंत्रणासाठी निर्यातबंदी नंतर...
हळद पावडर उद्योगात तयार केली ओळखसांगलीची बाजारपेठ हळकुंड आणि हळद पावडरीसाठी देश-...
शेतीपूरक व्यवसायासाठी मिळणार अनुदानपुणे ः शहरी व ग्रामीण क्षेत्रातील सुशिक्षित युवक-...
शेती, शिक्षण अन ग्रामविकासामध्ये...समानता, स्वातंत्र्य आणि सहानुभूतीमुळेच व्यक्तीचा...