agriculture news in marathi,land affected due to flood, nagar, maharashtra | Agrowon

नगर जिल्ह्यातील ४३ हेक्टर जमीन गेली वाहून
टीम अॅग्रोवन
मंगळवार, 20 ऑगस्ट 2019

नगर  ः जिल्ह्यात पंधरा दिवसांपूर्वी गोदावरी, भीमा तसेच अन्य नद्यांना आलेल्या पुराचा चार तालुक्यांतील शंभर शेतकऱ्यांना फटका बसला आहे. श्रीगोंदा, संगमनेर, अकोले, कोपरगाव या चार तालुक्यांतील १०० शेतकऱ्यांची सुमारे ४३.२० हेक्टर जमीन वाहून गेली असल्याचा प्रशासनाचा प्राथमिक अहवाल आहे. याशिवाय ८ तालुक्यांतील २६ हजार ४११ हेक्टर क्षेत्रावरील पिकांचे नुकसान झाले असून, त्याचा ४७ हजार ५९२ शेतकऱ्यांना फटका बसला आहे. 

नगर  ः जिल्ह्यात पंधरा दिवसांपूर्वी गोदावरी, भीमा तसेच अन्य नद्यांना आलेल्या पुराचा चार तालुक्यांतील शंभर शेतकऱ्यांना फटका बसला आहे. श्रीगोंदा, संगमनेर, अकोले, कोपरगाव या चार तालुक्यांतील १०० शेतकऱ्यांची सुमारे ४३.२० हेक्टर जमीन वाहून गेली असल्याचा प्रशासनाचा प्राथमिक अहवाल आहे. याशिवाय ८ तालुक्यांतील २६ हजार ४११ हेक्टर क्षेत्रावरील पिकांचे नुकसान झाले असून, त्याचा ४७ हजार ५९२ शेतकऱ्यांना फटका बसला आहे. 

जिल्ह्यातील अकोले तालुका वगळला तर अजूनही अन्य तालुक्यांमध्ये पुरेसा व जोरदार पाऊस झालेला नाही. त्यामुळे चिंता कायम आहे. मात्र, मागील पंधरा दिवसांच्या काळात पुणे, नाशिक व अकोले भागांत झालेल्या जोरदार पावसामुळे जिल्ह्यातून वाहणाऱ्या भीमा, गोदावरी, प्रवरा या नद्यांना पूर आला. त्याचा फटका नगरमधील नदीकाठच्या गावांना बसला होता. पुराच्या जोरदार पाण्यामुळे श्रीगोंदा तालुक्यातील १६ शेतकऱ्यांची १०, संगमनेरमधील ७ शेतकऱ्यांची १.२०, अकोल्यातील ६० शेतकऱ्यांची २०, कोपरगावमधील २४ शेतकऱ्यांची १२ हेक्टर जमीन वाहून गेली आहे. 

याशिवाय पुराच्या पाण्यामुळे ८ तालुक्यांतील २६ हजार ४११ हेक्टर क्षेत्रावरील पिकांचे नुकसान झाले असून त्याचा ४७ हजार ५९२ शेतकऱ्यांना फटका बसला असल्याचा प्राथमिक अहवाल प्रशासनाने तयार केला आहे. पिकाचे पंचनामे केले असल्याचे सांगितले जात असले तरी वाहून गेलेल्या जमिनीचे पंचनामे केले नसल्याचे शेतकऱ्यांचे म्हणणे आहे. प्रशासनाने केलेल्या प्राथमिक अहवालानुसार जिरायती क्षेत्रावरील ३३ हजार ६९९ शेतकऱ्यांच्या १६ हजार ९३९ हेक्टर, बागायती क्षेत्रावरील १३ हजार २१६ शेतकऱ्यांच्या १० हजार २१६ हेक्टर क्षेत्रावरील तर ४२८ शेतकऱ्यांचे २५५ हेक्टरवरील फळबागांचे नुकसान झाले आहे.

तालुकानिहाय झालेले नुकसानक्षेत्र (हेक्टर)
तालुका नुकसानक्षेत्र शेतकरी
कर्जत  १४८२ २३८०
श्रीगोंदा  १०७६ ११८०
श्रीरामपूर १५९० १७१८
नेवासा १८९४ २६१२
संगमनेर  ४४० १०३३
अकोले  १९,९५९ ३६,२४६
कोपरगाव १२४३ २००७
राहाता  ५५० ४१५

 

इतर ताज्या घडामोडी
डॉ. नानासाहेब परुळेकर स्मृती पुरस्कार...पुणे ः डॉ. परुळेकर जयंतीनिमित्त ‘सकाळ माध्यम...
कर्जमाफी, ऊसबिलासाठी शेतकऱ्यांचा एल्गारनवी दिल्ली : शेतकरी कर्जमाफी, थकीत ऊसबिल,...
पाण्याच्या उपलब्धतेनुसार पीकरचना करावी...नाशिक  : पाण्याच्या उपलब्धतेनुसार पीकरचना...
औरंगाबादमध्ये कांदा १५०० ते ४४०० रुपये...औरंगाबाद : येथील कृषी उत्पन्न बाजार समितीमध्ये...
मराठवाड्यातील ११ मंडळांत जोरदार पाऊसऔरंगाबाद : मराठवाड्यातील ४२१ मंडळांपैकी ३८४...
`प्रक्रिया उत्पादनांवरील १२ टक्के...रत्नागिरी : कोकणातील फळ उद्योगांसाठी...
सांगली जिल्हा बॅंकेच्या ऑनलाइन परिक्षा...सांगली : जिल्हा बॅंकेतील कनिष्ठ लिपिक पदाच्या...
कापूस उत्पादकांचा दसऱ्याचा मुहूर्त...अकोला  ः ऑगस्टच्या शेवटच्या आठवड्यापासून...
पहुर्जीरा गावात पाण्यात बैलगाडी उलटलीबुलडाणा  : जिल्ह्यातील खामगाव तालुक्यात...
चांदा ते बांदा योजनेअंतर्गत विविध करारः...मुंबई: राज्यात चांदा ते बांदा योजनेअंतर्गत...
पुणे जिल्ह्यात हलक्या ते मध्यम...पुणे ः गेल्या चार ते पाच दिवसांपासून पुणे...
मालेगाव तालुक्यात पावसामुळे पिके भुईसपाटनाशिक : मालेगाव तालुक्यातील सौंदणे गावाच्या...
पुणे जिल्ह्यात दोन हजार ३५४ पीककापणी...पुणे ः पिकांची उत्पादकता आणि पीकविमा नुकसानभरपाई...
छावण्या सुरू ठेवण्यासाठी शेवगावात आंदोलननगर ः शेगाव तालुक्यातील बहुतांश गावांमध्ये अजूनही...
आघाडीचे सरकार आल्यास सरसकट कर्जमाफी ः...जालना : केंद्र आणि राज्य सरकारच्या चुकीच्या...
नगरमध्ये कांदा प्रतिक्विंटल कमाल पाच...नगर : नगर तालुका कृषी उत्पन्न बाजार समितीच्या...
नाशिकच्या सभेत पंतप्रधानांकडून ज्वलंत...नाशिक : मुख्यमंत्री देवेंद्र फडणवीस यांच्या...
साताऱ्याच्या दुष्काळी भागात दुसऱ्या...सातारा : जिल्ह्यातील दुष्काळी माण, खटाव तालुक्‍...
विधानसभा निवडणुकीसाठी मनसे १०० जागा...मुंबई : आगामी विधानसभा निवडणुकीत महाराष्ट्र...
विधानसभा निवडणुकीच्या आचारसंहितेची...मुंबई ः चौदाव्या विधानसभा निवडणुकीची आचारसंहिता...