agriculture news in Marathi,management of grape in rainy days | Agrowon

ढगाळी वातावरणात द्राक्ष बागेचे व्यवस्थापन

डॉ. आर. जी. सोमकुंवर
शनिवार, 15 जून 2019

बागेत कमी झालेले तापमान, निघालेल्या बगलफुटीमुळे कॅनॉपीची गर्दी व जुन्या कॅनॉपीमध्ये ढगाळी वातावरणाच्या परिस्थितीत भुरीचा प्रादुर्भाव वाढण्याची शक्यता आहे. काडीवरील वाढलेल्या बगलफुटी आणि थांबलेला शेंडा यामुळे वेलीवर दाब येतो. अशा परिस्थितीत नुकताच फुगत असलेला डोळा जास्त प्रमाणात फुगतो. हे लक्षात घेऊन बागेच्या व्यवस्थापनात बदल करण्याची गरज आहे.

बागेत कमी झालेले तापमान, निघालेल्या बगलफुटीमुळे कॅनॉपीची गर्दी व जुन्या कॅनॉपीमध्ये ढगाळी वातावरणाच्या परिस्थितीत भुरीचा प्रादुर्भाव वाढण्याची शक्यता आहे. काडीवरील वाढलेल्या बगलफुटी आणि थांबलेला शेंडा यामुळे वेलीवर दाब येतो. अशा परिस्थितीत नुकताच फुगत असलेला डोळा जास्त प्रमाणात फुगतो. हे लक्षात घेऊन बागेच्या व्यवस्थापनात बदल करण्याची गरज आहे.

द्राक्षबागेत सध्या तापमानात घट होत असून, आर्द्रता वाढत आहे. येत्या आठवड्यात तापमान सध्याच्या काळापेक्षा कमी होईल. जमिनीतील पाणी मुरल्यामुळे द्राक्षवेलीवर काही ठिकाणी चांगले परिणाम होतील, तर काही ठिकाणी विपरीत परिणाम होण्याची जास्त संभावना आहे. या वेळी बागेत महत्त्वाच्या अडचणी दिसून येतील. त्यावर उपाययोजना करणे महत्त्वाचे आहे.

भुरी रोगाचा प्रादुर्भाव ः

  •    बऱ्याच जुन्या बागेमध्ये खरड छाटणीनंतर आता सूक्ष्म घडनिर्मिती होऊन काडीची परिपक्वता सुरू होताना दिसून येईल. या परिस्थितीत काडी तळातून दुधाळ ते तपकिरी रंगाची होताना दिसेल. नवीन बागेमध्ये ओलांड्याचा पहिला टप्पा संपला आणि ओलांड्यावर तयार झालेल्या काड्याचे शेंडा पिचिंग झाले आहे, अशा दोन्ही प्रकारच्या परिस्थितीमध्ये पाने जुनी व्हायला सुरवात झाली किंवा काही ठिकाणी पाने जुनी झाली आहेत.
  •    वातावरणातील झालेल्या बदलामुळे आता नुकतेच पिचिंग केलेल्या बागेमध्ये शेंडावाढ दिसून येईल, तर काही परिस्थितीमध्ये बागेत बगल फुटी वाढत असताना दिसतील. 
  •    बागेत कमी झालेले तापमान, निघालेल्या बगलफुटीमुळे कॅनॉपीची गर्दी व जुन्या कॅनॉपीमध्ये ढगाळी वातावरणाच्या परिस्थितीत वाढत असलेला भुरीचा प्रादुर्भाव पुढील काळात त्रासदायक होऊ शकतो. अशा परिस्थितीमध्ये बागेत नियोजन महत्त्वाचे आहे.

उपाययोजना ः 

  •    सध्याच्या काळात शेंडावाढ नियंत्रणात ठेवून बगलफुटी कमी कराव्यात. त्याचबरोबर आंतरप्रवाही बुरशीनाशकाची फवारणी करून घ्यावी. याकरिता ट्राय अझोल गटातील हेक्झाकोनॅझोल ( ५ एससी) १ मि.लि. प्रतिलिटर पाण्यात मिसळून फवारणी करावी.
  •    काही बागांमध्ये अचानक बुरशीचा प्रादुर्भाव वाढलेला दिसेल. या वेळी बागेत सल्फरची (८० डब्लूपी) धुरळणी (२.५ ते ३ किलो प्रतिएकर) फायद्याची ठरते.

मुख्य डोळा फुटणे 
बऱ्याच वेळा बागेत महत्त्वाचा डोळा (टायगर बड) फुटण्याची समस्या जाणवते. द्राक्षबागेत घडनिर्मितीकरिता आपण शेंडापीचिंग वेळीच करतो. त्यानंतर आवश्‍यक त्या संजीवकांची फवारणी करत असतो. या व्यतिरिक्त ०ः५२ः३४ च्या ग्रेडच्या खतांची फवारणीसुद्धा ४ ते ५ वेळा करतो. यामध्ये असलेला पोटॅश वाढ थांबवण्यास मदत करते.
संजीवकांच्या फवारण्यांमुळे वेलीत सायटोकायनीनचा साठा जास्त प्रमाणात होतो. परिणामी वाढ थांबते. जास्त वाढलेल्या तापमानात फार जास्त परिणाम दिसत नसला तरी काडीवरील काढलेल्या बगलफुटी व थांबलेला शेंडा यामुळे वेलीवर दाब येतो. अशा परिस्थितीत नुकताच फुगत असलेला डोळा (सूक्ष्म घडनिर्मितीनंतरच्या अवस्थेत) जास्त प्रमाणात फुगतो, कापूसलेला दिसतो तर काही परिस्थितीत फुटतो. 
उपाययोजना ः 

  •    ज्या बागेत टायगर बड फुटण्याची समस्या आहे, अशा बागेत शेंडा पिचिंग थांबवावे.
  •    संजीवकांचा तसेच वाढविरोधके व पालाशचा वापर काही दिवस थांबवावा.
  •    वेलीवर नत्राची (युरिया २ ते ३ ग्रॅम प्रतिलिटर पाणी) फवारणी सायंकाळच्या वेळेस करून घ्यावी. सोबतच प्रतिएकरी १ ते १.५ किलो युरिया जमिनीतून द्यावा.
  •    फुटींची वाढ पुढे हळूहळू होईल याकरिता नत्राचा योग्य प्रमाणात वापर करावा म्हणजे मागील डोळा फुटणार नाही.

 

 - ०२०-२६९५६०६०  

(राष्ट्रीय द्राक्ष संशोधन केंद्र, मांजरी, जि. पुणे)

टॅग्स

फोटो गॅलरी

इतर ताज्या घडामोडी
गोरेगाव आणि देगावांतील शेतकऱ्यांच्या...अकोला  ः जिल्ह्यातील गोरेगाव व देगाव या दोन...
जळगाव जिल्ह्यात अर्ली केळी लागवड सुरूजळगाव  ः जिल्ह्यात यावल, रावेर, मुक्ताईनगर,...
...अखेर रुईखेड येथे हवामान केंद्र स्थापनअकोला  ः महावेध व हवामान आधारित फळपीक विमा...
चांदवड येथे शेतकरी संघटनेची कांदा परिषद...नाशिक  : केंद्रीय अन्न व नागरी पुरवठा मंत्री...
गोंदिया : नुकसानग्रस्तांचे डोळे लागले...सडक अर्जुनी, गोंदिया  ः खरीप हंगामात अवकाळी...
जळगाव : किसान सन्मानच्या लाभाची...जळगाव ः शासनाकडून राबविण्यात येणाऱ्या...
परभणी जिल्ह्यात नादुरुस्त बंधाऱ्यांमुळे...परभणी : जिल्हा परिषदेच्या लघू पाटबंधारे...
कर्जमुक्ती योजनेंतर्गत ७४६ शेतकऱ्यांचे...नाशिक : महात्मा ज्योतिराव फुले शेतकरी कर्जमुक्ती...
किसान सभेचे बिऱ्हाड आंदोलन मागेनाशिक  : दिंडोरी तालुक्यामध्ये गेल्या अनेक...
लातूर, उस्मानाबाद जिल्ह्यात हेक्‍टरी १०...उस्मानाबाद : दोन्ही जिल्ह्यातील कापूस व तुरीची...
पाणी सोडण्याविरुद्ध रेणा प्रकल्पस्थळी...रेणापूर, जि. लातूर : भंडारवाडी (ता. रेणापूर)...
वणवा नुकसानग्रस्तांना सिंधुदुर्ग ‘झेडपी...सिंधुदुर्ग : ‘‘वणव्यामुळे नुकसान झालेल्या...
सांगलीत ‘रोहयो’तून डाळिंब लागवडीला ‘...आटपाडी, जि. सांगली : पावणे दोन वर्षांत येथील...
पुणे जिल्ह्यात हरभऱ्याला रोग-किडीचा फटकापुणे ः रब्बी हंगामात वाफसा न झाल्याने अनेक...
नगर जिल्ह्यातील अतिवृष्टीग्रस्तांना मदत...नगर ः अतिवृष्टीमुळे झालेल्या पिकांच्या नुकसानीची...
पीकविम्याची रक्कम लवकरच ः कृषिमंत्री...मुंबई ः राज्यातील शेतकऱ्यांना १५ ते २० दिवसांच्या...
सातारा जिल्ह्यात अडीच महिन्यांत केवळ ४४...सातारा ः दुष्काळावर मात करण्यासाठी शासनाने सुरू...
मराठवाड्यातील दूध संकलनात घटऔरंगाबाद : मराठवाड्यातील दूध संकलनात गतवर्षी...
पहाटेच्या शपथविधीची विधानसभेत आठवणमुंबई ः देवेंद्र फडणवीस आणि अजित पवार यांनी...
मराठवाडी धरणग्रस्तांनी बंद पाडले धरणाचे...ढेबेवाडी, जि. सातारा : ‘आधी पुनर्वसन मगच धरण’ या...