agriculture news in Marathi,mango loss due to heavy wind in insurance cover, Maharashtra | Page 2 ||| Agrowon

वेगवान वाऱ्यामुळे होणाऱ्या आंब्याच्या नुकसानीलाही विमा

टीम अॅग्रोवन
सोमवार, 4 नोव्हेंबर 2019

रत्नागिरी ः यंदाच्या आर्थिक वर्षासाठी आंबा, काजूला हवामानावर आधारित फळपीक विमा योजना लागू करण्यात आली आहे. आंब्यासाठी विमा लाभांश देताना कमाल, किमान तापमान, अवेळी पाऊस, गारपीट या निकषांबरोबर वेगवान वाऱ्या‍मुळे होणाऱ्या नुकसानीचाही समावेश करण्यात आला आहे. कोकणातील आंबा बागायतदारांना याचा लाभ मिळणार आहे.

रत्नागिरी ः यंदाच्या आर्थिक वर्षासाठी आंबा, काजूला हवामानावर आधारित फळपीक विमा योजना लागू करण्यात आली आहे. आंब्यासाठी विमा लाभांश देताना कमाल, किमान तापमान, अवेळी पाऊस, गारपीट या निकषांबरोबर वेगवान वाऱ्या‍मुळे होणाऱ्या नुकसानीचाही समावेश करण्यात आला आहे. कोकणातील आंबा बागायतदारांना याचा लाभ मिळणार आहे.

शासनाने २०१९-२० या वर्षासाठी हवामानातील धोक्यानुसार फळपीक विमा योजना लागू केली आहे. यासाठी भारतीय कृषी विमा कंपनीची नेमणूक झाली आहे. विमा उतरवण्यासाठी ३० नोव्हेंबर २०१९ पर्यंत मुदत शेतकऱ्यांना दिली आहे. काजूसाठी अवेळी पाऊस, किमान तापमान आणि गारपीट यामुळे नुकसान झाल्यास भरपाई मिळते. आंबा पिकासाठी कमाल, किमान तापमानासह अवेळी पावसामुळे होणऱ्या नुकसानीपोटी बागायतदारांना लाभांश दिला जात होता. यंदा त्यात आणखीन एका निकषाची वाढ केली आहे. 

गेल्या दोन ते तीन वर्षांमध्ये वादळी वाऱ्यामुळे कोकणातील आंबा बागायतदारांना मोठा फटका बसला होता. फळगळ झाल्याने उत्पादनावरही त्याचा परिणाम झाला. त्यानुसार शासनाने वेगवान वाऱ्यामुळे होणाऱ्या फळगळीच्या नुकसानीपोटीही भरपाई देण्याचा निर्णय घेतला आहे. १६ एप्रिल ते १५ मे २०२० या कालावधीत कोणत्याही दिवशी वाऱ्याचा वेग ताशी २५ किलोमीटर राहिल्यास नुकसानभरपाई १४ हजार ३०० रुपये हेक्टरी दिली जाईल. त्यापेक्षा अधिक वाऱ्याचा वेग राहिल्यास हेक्टरी भरपाई २४ हजार २०० रुपये देय राहील.

आंबा नुकसानभरपाई प्रतिहेक्टर रक्कम आणि प्रमाणके (ट्रिगर)
अवेळी पाऊस (१ डिसेंबर २०१९ ते ३१ मार्च) ः
कोणत्याही १ दिवस ५ मीमी किंवा त्यापेक्षा जास्त पाऊस झाल्यास हेक्टरी ६,०५० रुपये, सलग २ दिवस ५ मीमी किंवा त्यापेक्षा जास्त पाऊस झाल्यास १०,९०० रुपये. १ एप्रिल २०२० ते १५ मे या कालावधीत २५ मिमी किंवा त्यापेक्षा जास्त पाऊस एका दिवसात झाल्यास १३,३०० (कमाल देय रक्कम रुपये २४,२००) देय होईल.
कमी तापमान (१ जानेवारी २०२० ते १० मार्च २०२०) ः या कालावधीत कोणत्याही सलग ३ दिवस १३ डिग्री सेल्सिअस किंवा त्यापेक्षा कमी तापमान राहिल्यास रक्कम ४,३००, सलग ४ दिवस १३ डिग्री सेल्सिअस किंवा त्यापेक्षा कमी तापमान राहिल्यास ८,५८०, सलग ५ दिवस १३ डिग्री सेल्सिअस किंवा त्यापेक्षा कमी तापमान राहिल्यास १२,२०० रुपये, सलग ६ दिवस १३ डिग्री सेल्सिअस किंवा त्यापेक्षा कमी तापमान राहिल्यास रक्कम १६,५०० रुपये, सलग ७ दिवस १३ डिग्री सेल्सिअस किंवा त्यापेक्षा कमी तापमान राहिल्यास २४,२०० रुपये (कमाल देय रक्कम २४,२०० रुपये) 
वेगाचा वारा (१६ एप्रिल २०२० ते १५ मे) ः कोणत्याही दिवसी वाऱ्याचा वेग २५ किमी प्रतितास राहिल्यास नुकसानभरपाई १४३०० रुपये, वारा वेग २५ किमीपेक्षा जास्त राहिल्यास २४२०० रुपये देय राहील.
जास्त तापमान  (१ मार्च ते १५ मे २०२०) ः दिलेल्या कालावधीत कोणतेही ३ दिवस ३७ डिग्री सेल्सिअस किंवा त्यापेक्षा जास्त तापमान राहिल्यास १२,२०० रुपये, सलग ४ दिवस ३७ डिग्री सेल्सिअस किंवा त्यापेक्षा जास्त तापमान राहिल्यास २४,४०० रुपये, सलग ५ दिवस ३७ डिग्री सेल्सिअस किंवा त्यापेक्षा जास्त तापमान राहिल्यास रक्कम ३६,३०० रुपये, सलग ५ दिवसांपेक्षा जास्त ३७ डिग्री सेल्सिअस किंवा त्यापेक्षा जास्त तापमान राहिल्यास ४८,४०० रुपये लाभांश मिळेल. गारपिटीसाठी हेक्टरी ४० हजार ३३३ रुपये देय राहतील.


इतर अॅग्रो विशेष
हवामानबदलाशी लढण्यासाठी एक हजार कोटी...पुणे ः जागतिक हवामानबदलाची समस्या संपूर्ण जगासमोर...
राज्यात उन्हाच्या झळा वाढल्यापुणे : राज्यात कमाल तापमानात मोठी वाढ झाल्याने...
कापसाचे ६४७ कोटींचे चुकारे थकीतअमरावती ः बाजारात दर कोसळल्याने महाराष्ट्र राज्य...
‘पणन’ची कापूस खरेदी उच्चांकी दिशेनेऔरंगाबाद : महाराष्ट्र राज्य कापूस उत्पादक पणन...
शिवजयंतीनिमित्त मिरवणुकीत ८५ स्वराज्यरथ...पुणे : ‘‘पुण्यात शिवजयंती महोत्सव समितीतर्फे आज...
सेवानिवृत्त पोलिस उपअधीक्षकाची...औरंगाबाद शहरापासून सुमारे बारा किलोमीटरवर...
कापूस उद्योगाचे चीनमध्ये पाच हजार कोटी...जळगाव ः देशातील सूत व कापूस गाठींचा मोठा खरेदीदार...
हमीदराने खरेदीसाठी तुरीचे संपूर्ण...वाशीम ः तुरीचे स्वतंत्रपणे पीक घेण्याची पद्धत...
पंधरा लाख कापूस गाठींची खानदेशातील...जळगाव ः कापसाची खेडा खरेदी मागील आठवड्यात...
शेतीमाल निर्यातवाढीसाठी सुकाणू समितीची...पुणे : राज्य सरकारने स्वतंत्र कृषी निर्यात धोरण...
बियाणे परवान्यासाठी केंद्रीय पद्धती...नवी दिल्ली: केंद्र सरकार सुधारित बियाणे विधेयक...
शिवनेरीवर उद्या शिवजयंती सोहळापुणे: छत्रपती श्री शिवाजी महाराज यांच्या ३९० व्या...
चीनला होणाऱ्या कोळंबी निर्यातीला फटकानवी दिल्ली: चीनमध्ये कोरोना विषाणूने थैमान...
कापूस, मक्यावरील अळी नियंत्रणाचे काम...अकोला ः नवीन तंत्रज्ञानाचा वापर करून कापूस,...
किमान तापमानात वाढ होण्याचा अंदाजपुणे : राज्यात कमाल व किमान तापमानात सातत्याने...
'सोया’ पदार्थांना मिळवली ग्राहकांकडून...अमरावती जिल्ह्यातील दुर्गम अंजनसिंगी (ता. धामणगाव...
दर्जेदार फरसबीचे वर्षभर उत्पादनकमी कालावधीतील पिके वर्षभर टप्प्याटप्प्याने...
‘कीडनाशके कायदा’ हवा स्पष्ट शेतकऱ्यांना बनावट कीडनाशके विक्रेत्यांपासून...
राष्ट्रीय मुद्द्यांचा भाजपपुढे गुंतादिल्ली विधानसभा निवडणुकीच्या निकालांच्या...
‘कोरोना’च्या अफवेमुळे पोल्‍ट्री...पुणे ः चीनमधील कोरोना विषाणूने जगभरात भीतीचे...