agriculture news in Marathi,Onion market shutdown in Nagar, Maharashtra | Agrowon

नगरला कांदा बाजार कडकडीत बंद 

टीम अॅग्रोवन
मंगळवार, 8 ऑक्टोबर 2019

कांद्यावर घातलेली निर्यातबंदी शेतकऱ्यांचे मोठे नुकसान करत आहे. शासनाने मतासाठी शेतकऱ्यांचा बळी देऊ नये. निर्यातबंदी थांबेपर्यंत शेतकरी संघटना आंदोलन सुरूच ठेवेल. शेतकऱ्यांनी कांदा विक्रीला आणू नये.
- विक्रम शेळके, नेते, शेतकरी संघटना, नगर  

नगर ः कांद्यावर आणलेली निर्यातबंदी, साठवणुकीला घातलेले निर्बंध आणि कांद्याला उठाव नसल्याने कांदा व्यापाऱ्यांनी पुकारलेल्या कांदा सत्याग्रह आंदोलनामुळे सोमवारी (ता. ७) नगरमधील कांदा बाजार पूर्णतः बंद होता. सोमवारी कांद्याचे लिलावच झाले नाहीत. त्यामुळे बाजार समितीच्या नेप्ती उपबाजारात शुकशुकाट होता. शेतकरी संघटनेनेही या आंदोलनात उडी घेतली असून, सहभाग नोंदवला आहे. 

कांद्याचे दर वाढताच शासनाने कांदा निर्यातबंदी केली आहे. शिवाय कांदा साठवणूक करण्यालाही बंदी घातली आहे. त्याचा परिणाम कांदा बाजारावर झाला आहे. नगरसह राज्यातून परराज्यांत जाणारा कांदा राज्याच्या सीमेवर अडवला जात आहे. याशिवाय त्या त्या राज्यात साठवलेला कांदा प्रशासन धाडी घालून जप्त करत आहे. याशिवाय परदेशांतील कांद्याची निर्यात बंद असल्याने कांद्याला उठाव नाही. त्यामुळे नगरसह महाराष्ट्रातून घेतलेला कांदा ठेवायचा कुठे, शिवाय सरकार जर तो ताब्यात घेणार असेल तर पैसे द्यायचे कोठून? असा प्रश्न व्यापारी उपस्थित करू लागले आहेत. त्यामुळे आजपासून व्यापाऱ्यांनी कांदा सत्याग्रह आंदोलन पुकारले असून, त्याला शेतकरी संघटनेने पाठिंबा दिला आहे. 

आंदोलनामुळे नगर कृषी उत्पन्न बाजार समितीच्या नेप्ती बाजारात कांदा बाजार बंद असल्याने लिलाव झाले नाहीत. त्यामुळे दिवसभर शुकशुकाट होता. कांदा बाजार बेमुदत बंद राहणार आहे, असे व्यापाऱ्यांनी सांगितले. शेतकरी संघटना पूर्ण ताकदीने व्यापाऱ्यांसोबत आहे. निर्यातबंदी उठवल्याशिवाय शांत बसणार नाही, असे शेतकरी संघटनेचे प्रदेशाध्यक्ष अनिल घनवट यांनी सांगितले.

प्रतिक्रिया
नगरसह राज्यातून परराज्यांत जाणारा कांदा राज्याच्या सीमेवर अडवला जात आहे. याशिवाय त्या त्या राज्यात साठवलेला कांदा प्रशासन धाडी घालून जप्त करत आहेत. याशिवाय परदेशांतील कांद्याची निर्यात बंद असल्याने कांद्याला उठाव नाही. त्यामुळे व्यापाऱ्यांनी बेमुदत कांदा बाजार बंद आंदोलन पुकारले आहे.
- अनिल महेत्रे, कांदा व्यापारी, नगर
 


इतर अॅग्रो विशेष
‘चक्रीवादळ’ ओसरले; खानदेशासह पश्‍चिम...पुणे : अरबी समुद्रात आलेले ‘निसर्ग’ चक्रीवादळ...
जीवनावश्‍यक वस्तू कायदा, मुक्त शेतीमाल...नवी दिल्ली : आत्मनिर्भर भारत योजनेत जाहीर...
एक लाख लोकांना सुरक्षितस्थळी हलविले मुंबई: निसर्ग चक्रीवादळामुळे नुकसान होऊ नये...
टोळधाड मध्यप्रदेशात, ड्रोन पोचला...नागपूर ः गेल्या दहा दिवसांपासून विदर्भातील...
प्रवाह सुरळीत झाल्यानंतर मॉन्सूनची...पुणे : नैर्ऋत्य मोसमी वारे (मॉन्सून) सोमवारी (ता....
वादळी वाऱ्यासह पावसाची हजेरी पुणे: अरबी समुद्रात आलेल्या निसर्ग चक्रीवादळाचा...
‘निसर्ग’चे किनारपट्टीलगत थैमानपुणे : अरबी समुद्रात महाराष्ट्राच्या किनाऱ्यालगत...
कमी पावसाच्या प्रदेशात रुजल्या...औरंगाबाद जिल्ह्यातील इतिहास प्रसिद्ध दौलताबाद...
शास्त्रीय तंत्राद्वारे वाढवली कांद्याची...अवर्षणग्रस्त येवला तालुक्यातील (जि. नाशिक)...
पडीक जमिनीत फुलवली साडेतीन हजार झाडांची...माहुळंगे (ता. देवगड, जि. सिंधुदुर्ग) येथील अनिल...
‘निसर्ग’चक्रीवादळ अलिबागनजीक...पुणे : अरबी समुद्रात महाराष्ट्राच्या किनाऱ्यालगत...
चक्रीवादळ अलिबागजवळ १ ते ३च्या दरम्यान...पुणे : अरबी समुद्रात महाराष्ट्राच्या किनाऱ्यालगत...
दीडपट 'एमएसपी' म्हणजे निव्वळ धूळफेक :...पुणे: मोदी सरकारने खरिपासाठी जाहीर केलेल्या किमान...
टोळधाडीवर दोन दिवसात नियंत्रण मिळविणार नागपूर ः पूर्व विदर्भातील जिल्ह्यांमध्ये गेल्या...
‘निसर्ग’ चक्रीवादळ आज अलिबागजवळ धडकणार पुणे : अरबी समुद्रात महाराष्ट्र, कर्नाटकच्या...
मॉन्सून कर्नाटकात आज धडकणारपुणे : नैर्ऋत्य मोसमी वारे (मॉन्सून) सोमवारी (ता....
बॅंकांसाठी आठ-अ, फेरफार उतारे थेट...पुणे: सातबारा संगणकीकरण उपक्रमाला लॉकडाउनमुळे...
कोकण, मध्य महाराष्ट्र, मराठवाड्यात पाऊस पुणे: अरबी समुद्रात तयार झालेल्या ‘निसर्ग’...
‘निसर्ग’चक्रीवादळाची तीव्रता वाढली;...पुणे : अरबी समुद्रात महाराष्ट्र, कर्नाटकच्या...