agriculture news in marathi,online satbara service down in nagar, maharashtra | Page 3 ||| Agrowon

नगर जिल्ह्यात दहा दिवसांपासून सातबारा वितरण बंदच

टीम अॅग्रोवन
बुधवार, 6 जून 2018

ऑनलाइन सातबारा मिळत नसल्याने अडचणी वाढल्या आहेत. खरिपाच्या तोंडावर बॅंका आणि सरकारी कामासाठी सातबारा उताऱ्याची नितांत गरज पडत आहे. एकतर डिजिटल सातबारे देण्याचे काम तातडीने सुरू करावेत किंवा जुन्या पद्धताने सध्या तरी सातबारा उतारे द्यावेत.
- प्रमोद तांबे, शेतकरी, बोधेगाव, ता. शेवगाव,जि.नगर.

नगर   ः सातबारा देण्यासाठी ऑनलाइन सर्व्हर बंद असल्याने नगर जिल्ह्यात दहा दिवसांपासून सातबारा उतारा मिळेनासा झाला आहे. खरिपाच्या तोंडावर सातबारा उतारा मिळेनासा झाल्याने शेतकरी त्रस्त आहेत.

दरम्यान, मंगळवारपासून (ता. ५) जमाबंदी आयुक्ताच्या आदेशाने पारंपरिक पद्धतीने सातबारा उतारा देण्याला सुरवात केली असल्याची माहिती कुळकायदा विभागाचे तहसीलदार एफ. आर. शेख यांनी सांगितले. 

नगर जिल्ह्यामध्ये एकून १२ लाख सातबारा आहेत. सर्व सातबारा उताऱ्यांचे संगणकीकरण झाले असले, तरी ५ लाख सातबारा उतारे डीजिटल सहीने दिले जातात. गेल्या दहा दिवसांपासून त्याबाबतचे सर्व्हर बंद पडल्यामुळे सातबारा उतारा वितरण थांबले आहे. राज्यात बहुतेक सर्व गावांमधील शेतकऱ्यांच्या सातबारा उताऱ्यामधील दुरुस्तीची कामे पूर्ण करून संगणकीय सातबारा उतारे तयार केले गेले आहेत. सातबारा उतारा मिळत नसल्याने शेतकरी त्रस्त आहेत.

कृषी विभागाच्या अनेक योजनांच्या लाभासाठी ऑनलाइन अर्ज भरण्याची प्रक्रिया सुरू आहे, याशिवाय खरीप हंगामाच्या तोंडावर आला असल्याने कर्जासह अन्य बाबींसाठी सातबारा उतारा आवश्‍यक असताना तो मिळत नसल्याने शेतकऱ्यांच्या तलाठी कार्यालयात चकरा सुरू आहेत. मंगळवारी जमाबंदी आयुक्तांनी पारंपरिक पद्धतीने सातबारा उतारा देण्याबाबत आदेश काढले आहेत. त्यानुसार सातबारा उतारा वितरणाला सुरवात होईल असे शेख म्हणाले.

दरम्यान सातबारा उताऱ्यासाठी नियमापेक्षा जास्ती पैसे शेतकऱ्यांकडून वसूल केले जातात, असा आरोप होत आहे. शेख म्हणाले, की सातबारा उताऱ्यासाठी साधारण पंधरा रुपये शुल्क आहे. तेवढेच पैसे शेतकऱ्यांकडून तलाठ्यांनी घेणे अपेक्षित आहे. त्यापेक्षा जास्ती पैसे घेतले तर प्रशासनाकडे तक्रार करावी. तलाठ्यांनीही कोणत्याही शेतकऱ्यांकडून नियमापेक्षा जास्ती पैसे घेऊ नयेत, असे त्यांनी सांगितले.
 


इतर ताज्या घडामोडी
शेतकरी संघटनेचे अंगाला हळद लावून आंदोलन वाशीम: जिल्ह्यातील हळद उत्पादक शेतकऱ्यांना...
साठवणूकीतील कीडी रोखण्यासाठी उपाययोजनाशेतीमालाच्या साठवणुकीच्या किफायतशीर आणि...
कर्जमाफीसाठी बँकर्स समितीची बैठक...मुंबई : ‘‘राज्यातील शेतकऱ्यांना कर्जमाफीचा लाभ...
मुंबईतून आजपासून ५० विमानांची ये-जामुंबई : देशांतर्गत विमान उड्डाणे उद्यापासून सुरू...
टोमॅटो प्रश्नी समाधानकारक निदान,...पुणे : विषाणूग्रस्त टोमॅटो प्रश्नी शेतकऱ्यांना...
सातारा जिल्हा बॅंकेस १३३.९५ कोटींचा...सातारा  : सातारा जिल्हा मध्यवर्ती सहकारी...
सिंदखेड ग्रामस्थांना होमिओपॅथी औषधाचे...अकोला  ः ‘कोरोना’चा वाढता प्रादूर्भाव सध्या...
राज्यसभेवर व्हावी प्रयोगशील शेतकऱ्यांची...अमरावती ः भारताच्या राष्ट्रपतींव्दारा राज्यसभेवर...
थेट निविष्ठा पुरवठ्यातून वेळ-पैशांची...यवतमाळ ः कोरोनामुळे उद्भवलेल्या परिस्थितीत...
कापसाप्रमाणेच नाफेडच्या तूर खरेदीची गती...कलगाव, जि. यवतमाळ ः कापसाप्रमाणेच नाफेडव्दारे होत...
यवतमाळ जिल्ह्यातील २४ गावे माॅन्सून...यवतमाळ ः जिल्ह्यात अतिवृष्टीनंतर निर्माण होणाऱ्या...
सौंदड येथे थेट निविष्ठा वितरण उपक्रमाचा...गोंदिया ः कोरोना लॉकडाऊनमुळे शेतकऱ्यांना निविष्ठा...
नागपूरमधून २५ हजार शेतकऱ्यांकडून होणार...नागपूर ः कापूस उत्पादक शेतकऱ्यांकडील शिल्लक...
अमरावतीत पाणीटंचाईची ६६९ गावांमध्ये...अमरावती ः माॅन्सूनचे आगमन की दिवसांवर असतानाच...
मते मांडण्यास संधी नसल्याने नगर 'जिप'ची...नगर  ः जिल्हा परिषदेची बुधवारी (ता.२७) सभा...
परभणी जिल्ह्यात बीटी कपाशीची सहा लाख...परभणी ः परभणी जिल्ह्यात सोमवार (ता. २५) पासून...
बाहेरून येणाऱ्या प्रत्येक व्यक्तीला...नगर   ः एका क्षणी सर्वाधिक कोरोनाबाधित...
नगर : शेतकरी घरीच तपासत आहेत सोयाबीन...नगर  ः खरीप हंगामात सोयाबीन बियाण्याचा...
पुणे जिल्ह्यातील रस्त्यांची कामे सुरू...पुणे  : राज्यात कोरोना प्रादुर्भावामुळे लागू...
लग्नासाठी पन्नास व्यक्तींच्या...नगर  ः कोरोना आजाराचे संकट व त्यामुळे...