agriculture news in marathi,rainfall in district, nashik, maharashtra | Agrowon

पावसाच्या आगमनाने नाशिकमधील शेतकरी सुखावला

टीम अॅग्रोवन
सोमवार, 22 जुलै 2019

नाशिक : जिल्ह्यात पावसाने दडी मारल्याने शेतकऱ्यांमध्ये चिंतेचे वातावरण होते. अनेक तालुक्यांमध्ये अजूनही पेरण्या झालेल्या नाहीत. ज्या ठिकाणी पेरण्या झाल्या आहेत, मात्र उतरलेल्या पिकांवर पावसाअभावी संकट निर्माण झाले होते. त्यामुळे या पावसामुळे मोठा दिलासा दिला आहे. शुक्रवारी (ता. १९) पावसाची सुरवात झाली. सलग दुसऱ्या दिवशी जिल्ह्यात मालेगाव, दिंडोरी, निफाड, येवला तालुक्यांत विजेच्या कडकडाटासह दमदार पावसाचे आगमन झाले. यामुळे शेतकऱ्यांनी केलेल्या पेरण्यांना जीवनदान मिळाले असून, दुबार पेरणीचे संकट टळणार आहे. 

नाशिक : जिल्ह्यात पावसाने दडी मारल्याने शेतकऱ्यांमध्ये चिंतेचे वातावरण होते. अनेक तालुक्यांमध्ये अजूनही पेरण्या झालेल्या नाहीत. ज्या ठिकाणी पेरण्या झाल्या आहेत, मात्र उतरलेल्या पिकांवर पावसाअभावी संकट निर्माण झाले होते. त्यामुळे या पावसामुळे मोठा दिलासा दिला आहे. शुक्रवारी (ता. १९) पावसाची सुरवात झाली. सलग दुसऱ्या दिवशी जिल्ह्यात मालेगाव, दिंडोरी, निफाड, येवला तालुक्यांत विजेच्या कडकडाटासह दमदार पावसाचे आगमन झाले. यामुळे शेतकऱ्यांनी केलेल्या पेरण्यांना जीवनदान मिळाले असून, दुबार पेरणीचे संकट टळणार आहे. 

गेल्या काही दिवसांपासून ओढ दिलेल्या पावसाने शनिवार (ता. २०) मालेगाव शहर व तालुक्यात दमदार हजेरी लावली. दाभाडी, टेहरे, पाटणे, वडनेर, खाकुर्डी परिसरांत मुसळधार पाऊस झाला. मुसळधार पावसामुळे अनेक भागांत पाणी साचले होते. सोयगाव नववसाहत भागातील कॉलनी व रस्ते जलमय झाले होते. दमदार पावसामुळे पंचक्रोशीत दाणादाण उडवली. येथील दोध्याड नदीजवळील मंगला यशवंत निकम व प्रशांत यशवंत निकम यांच्या शेतात पाणी घुसल्याने पेरलेली बाजरी, चाऱ्यासह दीड वर्षाच्या डाळिंब पिकासह अख्खे शेतच वाहून गेले. 

नदीकिनारी शेत असल्याने जोरदार पावसाचा फटका यशवंत देवबा निकम या शेतकरी कुटुंबाला बसला आहे. तसेच परिसरात शेतकऱ्यांनी केलेल्या पेरण्या पावसाच्या पाण्यात वाहून गेल्या त्यामुळे मोठ्या प्रमाणावर शेतकऱ्यांना फटका बसला आहे.येवला तालुक्यात पूर्व भागात कोळगाव, वायबोथी, धामणगाव, पांजरवाडी, सायगाव, ममदापूर, नागडे या भागात जोरदार पाऊस झाला. त्यामुळे दीर्घ प्रतीक्षेनंतर झालेल्या पावसाने मोठा आधार दिल्याची भावना येथील शेतकऱ्यांमध्ये आहे. पूर्व भागात ममदापूर, राजापूर परिसरात वन्यक्षेत्र मोठ्या प्रमाणावर असल्याने हरणे, काळवीट यांचे क्षेत्र आहे. 

गेल्या अनेक वर्षांपासून वन्यजीव पाण्यापासून वंचित होते. मात्र आता त्यांच्या पाण्याचा प्रश्न सुटणार आहे. दिंडोरी तालुक्यात खेडगाव कादवा कारखाना, मातेरेवाडी, लोखंडेवाडी, जोपूळ, जानोरी, मोहाडी तळेगाव, खतवड दिंडोरी आदी भागांत विजेच्या कडकडाटासह जोरदार पाऊस झाला. मात्र, पावसाचे पश्चिम भागातील पाणलोट क्षेत्रात अल्प पाऊस झाल्याने धरणातील पाणीसाठा वाढू शकला नाही. पूर्व भागात झालेल्या पावसामुळे विविध ओहोळ, नाल्यांना पूर आला, तर शनिवारी (ता. २०) निळवंडी, पाडे, हातणोरे, मडकीजांब जंबुटके परिसरात चांगला पाऊस झाल्याने कोळवन व धामण नदीलाही पूर आल्याने पालखेड धरणात पाणीसाठा वाढत आहे. जोपूळ, धामणवाडी परिसरात झालेल्या पावसाने धामणवाडी येथील ओहोळाला पूर आला. त्यामुळे जोपूळ-पिंपळगाव रस्ता पाण्याखाली गेला होता. 

ढगफुटीसदृश पाऊस झाल्याची चर्चा 
येवला तालुक्याच्या पूर्व भागात दुपारनंतर एक ते दीड तासांत सर्वत्र पाणीच पाणी झाले. ओढे, नाले भरून वाहत होते. गेल्या चार वर्षांत कधीही न भरलेले बंधारे या पावसामुळे भरून वाहिले. यात कोळगाव येथील गावानजीक असलेला बंधारा फुटला. तर गावातील कोळ गंगा नदी चार वर्षांनंतर भरून वाहिली. तिला पूर आल्याने परिसरातील अनेक बंधारे भरून वाहिले. 
 


इतर ताज्या घडामोडी
नांदेड, परभणी, हिंगोलीत जून, जुलैमध्ये...नांदेड : नांदेड, परभणी, हिंगोली जिल्ह्यातील ६९...
औरंगाबाद, जालन्यातील दोन मंडळांत...औरंगाबाद : औरंगाबाद व जालना जिल्ह्यातील दोन...
नांदेडमधील आठ केंद्रांत अडीच लाख...नांदेड : जिल्ह्यातील सात केंद्रांवरील शेतकऱ्यांची...
सोयाबीनमध्ये एकात्मिक कीड व्यवस्थापनाचा...अंबड, जि. जालना  ः ‘‘सर्व शेतकऱ्यांनी...
नगर जिल्ह्यात १३२ टक्के पेरणीनगर ः नगर जिल्ह्यात यंदा चांगला पाऊस झाला....
खानदेशात ‘किसान सन्मान’चे अर्ज प्रलंबित...जळगाव  ः खानदेशात सुमारे सव्वालाख शेतकरी...
शेतकऱ्यांची कृषिमंत्र्यांना दोन हजार...जळगाव : केंद्र सरकारच्या हवामानावर आधारित फळ...
खानदेशात हलक्या जमिनीतील पिके संकटातजळगाव  ः खानदेशात मागील आठ ते १० दिवसांपासून...
जळगाव जिल्ह्यातील मका, ज्वारीची खरेदी...जळगाव : शासकीय मका, ज्वारी खरेदी पुन्हा सुरू...
माळेगाव कारखान्याचे अकरा लाख टन ऊस...माळेगाव, जि. पुणे ः माळेगाव सहकारी साखर...
अकोला कृषी विद्यापीठातील क्वारंटाइन...अकोला ः डाॅ. पंजाबराव देशमुख कृषी विद्यापीठातील...
नाशिक जिल्ह्यात चार हजारांवर शेतकरी मका...नाशिक : बाजारात व्यापाऱ्यांकडे खरेदी होणाऱ्या...
वीज बिल माफीसाठी सोमवारी राज्यभर धरणेकोल्हापूर : दरमहा ३०० युनिटसच्या आत वीज वापर...
कोल्हापूर जिल्ह्यात पुरेशा पावसाअभावी...कोल्हापूर : जिल्ह्यात गेल्या दोन महिन्यांपासून...
पीकविमा भरण्यासाठी मुदतवाढीची मागणीअकोला ः पीकविमा पोर्टल व्यवस्थित न चालल्याने अनेक...
पशुवैद्यकीय दवाखान्यांमध्ये कृत्रिम...रत्नागिरी : उच्च प्रतीची वंशावळ तयार करण्यासाठी...
कपाशीवरील फुलकिडे, पांढऱ्या माशीचे...फुलकिडे : ही कीड फिकट पिवळसर रंगाची असून अत्यंत...
सेंद्रिय शेतीबाबत शरद पवार घेणार बैठकपुणे ः राज्यातील सेंद्रिय व रासायनिक अवशेषमुक्त...
यवतमाळ जिल्ह्यात चार लाख शेतकऱ्यांनी...यवतमाळ : कोरोनाच्या पार्श्वभूमीवर पीक विमा...
कपाशीवरील किडींचे कामगंध सापळ्याद्वारे...पिकातील किडीच्या नियंत्रणासाठी एकात्मिक कीड...