agriculture news in Marathi,rate of wet cotton become half, Maharashtra | Page 2 ||| Agrowon

भिजलेल्या कापसाचे दर निम्म्यावर

टीम अॅग्रोवन
शनिवार, 9 नोव्हेंबर 2019

यंदा कापसाची पुरती वाढ झाली नाही. त्यामुळे आधीच दोड्या कमी लागल्या. त्यात वेचणीला सुरवात झाली आणि पाऊस आल्याने कापसाचे मोठे नुकसान झाले. कापूस काळा पडला, दोन दिवसांपूर्वी तो कापूस अडीच हजार रुपयांनी विकला. आता सरकारने शेतकऱ्यांना मदत केली पाहिजे.
- दादासाहेब भिसे, माळेगाव ता. शेवगाव, जि. नगर

नगर ः मोठ्या संकटातून वाचलेला कापूस यंदा पावसाने हिरावला. सतत पंधरा ते वीस दिवस सुरू असलेल्या पावसामुळे पहिल्या वेचणीचा कापूस पूर्णतः भिजला, रुईला बोंडातच कोंब फुटले, रंगातही बदल झाला. त्यामुळे भिजलेल्या कापसाची किंमत निम्म्याने खाली आली आहे. बाजारात कापसाची खरेदी सुरू झाली असली तरी भिजलेल्या कापसाची सुमारे दोन ते अडीच हजार रुपये प्रती क्विंटल दराने खरेदी होत असल्याचे दिसत आहे. रुईला कोंब फुटल्याने वजनातही घट होत असून निम्म्या दराने खरेदी होत असल्याने कापूस उत्पादकांना मोठा आर्थिक फटका बसणार हे स्पष्ट झाले आहे. 

नगर, मराठवाडा, विदर्भात कापसाचे क्षेत्र आधिक आहे. यंदा नगर जिल्ह्यामध्ये सव्वा लाख हेक्टर क्षेत्रावर कापसाची लागवड झालेली आहे. मात्र, कापूस पिकांवरील संकटे वरचेवर वाढतच आहेत. यंदा पावसाळ्याच्या सुरवातीला पुरेसा पाऊस झाला नाही. त्यामुळे कापूस लागवड साधारण पंधरा दिवस लांबली. मात्र, त्यानंतरही बरेच दिवस पाऊस नसल्याने अनेक भागांत कापसाची वाढ खुंटली. उशिरा लागवड झाल्याचा परिणाम पुढे वेचणीवर झाला. दसरा, दिवाळीच्या काळात कापूस वेचणीला येतो.

यंदा मात्र पहिली वेचनी सुरू झाली आणि पावसाला सुरवात झाली. त्यामुळे बहुतांश शेतकऱ्यांना पहिल्या वेचणीचा कापूस वेचता आला नाही. सतत पंधरा ते वीस दिवस पाऊस पडत असल्याने कापसाच्या रुईला बोंडातच कोंब फुटले. कापसाचा रंग बदलला आणि काळवंडलेल्या कापसाची बाजारात किंमत निम्म्याने कमी झाली. आजमितीला ग्रामीण भागात खासगी व्यापाऱ्यांनी कापसाची खरेदी सुरू केली असून चांगल्या कापसाची ४५०० ते ५००० रुपयांपर्यंत खरेदी केली जात आहे.

मात्र, पावसात भिजलेला व काळवंडलेला कापूस २००० ते ३००० रुपये प्रती क्विंटलने खरेदी केला जात आहे. शिवाय रुईला कोंब फुटल्याने वजनातही घट झाली आहे. उत्पादनात घट आणि वजनातही घट झाल्याने यंदा कापूस उत्पादक शेतकऱ्यांना मोठा आर्थिक फटका बसणार हे स्पष्ट झाले आहे. 

सरकारी खरेदी होणार का?
नगरसह शेजारच्या सोलापूर, मराठवाडा, विदर्भात कापसाचे मोठे उत्पादन घेतले जाते. पावसाने भिजलेल्यांसह अन्य कापसाला किमान हमीदर मिळावा, यासाठी सरकारने कापसाची खरेदी करावी अशी मागणी आहे. मात्र, अजून तरी कापसाची सरकारी खरेदी केंद्रे सुरू होतील याच्या कसल्याही हालचाली दिसत नाही. केंद्रे सुरू होणार की नाही याचीही माहीतही मिळत नाही. त्यामुळे खरेदी केंद्रे सुरू होणार की नाही याबाबत संभ्रम आहे. शिवाय सरकारने जाहीर केलेला हमी दर मिळणार का? असे अनेक प्रश्न कापूस उत्पादकांना पडले आहेत.


इतर अॅग्रो विशेष
अल्पभुधारक शेतकऱ्यांच्या सबलीकरणावर भर नवी दिल्ली: शेती क्षेत्राला चालना देण्यासाठी...
रानभाज्या विक्रीतून रोजगार निर्मितीचा...नाशिक: राज्यातील आदिवासी भागात नैसर्गिक पद्धतीने...
कोकण, मध्य महाराष्ट्रात पावसाचा शिडकावा पुणे ः पावसाचा जोर कमी झाल्याने कोकण, मध्य...
चीनकडून बियाणे दहशतवादाचा धोका पुणेः देशातील बियाणे वारसा आणि बीजोत्पादन उद्योग...
बेकायदा ‘एचटीबीटी’मुळे तीनशे कोटींचा...पुणे : बेकायदेशीर तणनाशक सहणशील (एचटीबीटी) कापूस...
कोल्हापुरात पावसाचा जोर ओसरला कोल्हापूर: जिल्ह्यात पावसाचा जोर ओसरला आहे....
मोसंबी कलमांची दुप्पट विक्री औरंगाबाद : पाण्याच्या उपलब्धतेबाबत सुखद...
केळीसाठी पीक विम्याचे निकष पूर्ववत...जळगाव : हवामानावर आधारित फळपीक विमा योजनेत केळी...
शेतकरी नियोजन- कपाशीच्या पिकाला खत...सध्या माझे कापसाचे पीक ६० दिवसांचे झाले असून...
टोमॅटोवर जिवाणूजन्य ठिपक्या रोगाचा...नाशिक: चालू वर्षी टोमॅटोवरील विषाणूजन्य रोगांचा...
मराठवाड्यातील प्रकल्पांतील पाणीसाठा ५०...औरंगाबाद : मराठवाड्यातील ८७३ प्रकल्पातील उपयुक्त...
परस्पर पुनर्गठन केल्याने शेतकरी...दानापूर, जि. अकोला ः येथील सेवा सहकारी सोसायटीने...
राज्यातील साखर कारखान्यांकडून एफआरपीचे...पुणे: राज्यातील साखर कारखान्यांनी लॉकडाउन आणि...
शेतमाल नियमनमुक्ती : आहे मनोहर, तरी... पुणे ः संपूर्ण शेतमाल नियमनमुक्तीचे स्वागतच आहे....
कृषी सुविधा निधीला आजपासून प्रारंभनवी दिल्ली ः कृषी क्षेत्रातील पायाभूत सुविधांच्या...
बाजार समित्यांपुढे स्पर्धेचे आव्हान पुणे ः केंद्र सरकारच्या ‘एक देश, एक बाजार'...
धक्कादायक, सरकारी समित्यांमध्ये ...पुणे: पीकविमा योजनेसहित कृषी योजने संबंधित सर्व...
कोकण, मध्य महाराष्ट्र, विदर्भात हलक्या...पुणे ः गेल्या दोन दिवसांपासून राज्यातील पावसाचा...
उमाताईंनी मिळवली आयुष्याची भाकरी गाडीवर फिरून ज्वारीच्या कडक भाकरीची विक्री करत...
गुणवत्ता अन् विश्वासाचा ब्रॅण्ड ः...प्रथम गुणवत्तापूर्ण आणि दर्जेदार सीताफळ उत्पादक...