agriculture news in Marathi,Sindhudurg and Ratnagiri affected by cyclone,Maharashtra | Agrowon

सिंधुदुर्ग, रत्नागिरीला चक्रिवादळाचा जबर तडाखा

टीम अॅग्रोवन
रविवार, 27 ऑक्टोबर 2019

पुणे : मॉन्सून देशभरातून परतल्यानंतर मराठवाडा, मध्य महाराष्ट्र, कोकण आणि पश्चिम विदर्भात आठ दिवसांहून अधिक काळ मॉन्सूनोत्तर वादळी पाऊस दमदार कोसळला; तर सिंधुर्दुग, रत्नागिरी जिल्ह्यांना ‘क्यार’ चक्रीवादळ, मुसळधार पावसाने तडाखा दिला. पावसाने काढणीस आलेली पिके पाण्यात गेल्याने शेतकऱ्यांच्या हातातोंडाशी आलेला घास हिरावला. परिपक्व पिकांचे नुकसान झाल्याने शेतकऱ्यांना आर्थिक फटका बसणार आहे. पावसाने भात, सोयबीन, कापूस, मका, बाजरी, भुईमूग ही खरीप पिके, द्राक्षबागा, भाजीपाला आणि फुलपिकांचे अतोनात नुकसान झाले. 

पुणे : मॉन्सून देशभरातून परतल्यानंतर मराठवाडा, मध्य महाराष्ट्र, कोकण आणि पश्चिम विदर्भात आठ दिवसांहून अधिक काळ मॉन्सूनोत्तर वादळी पाऊस दमदार कोसळला; तर सिंधुर्दुग, रत्नागिरी जिल्ह्यांना ‘क्यार’ चक्रीवादळ, मुसळधार पावसाने तडाखा दिला. पावसाने काढणीस आलेली पिके पाण्यात गेल्याने शेतकऱ्यांच्या हातातोंडाशी आलेला घास हिरावला. परिपक्व पिकांचे नुकसान झाल्याने शेतकऱ्यांना आर्थिक फटका बसणार आहे. पावसाने भात, सोयबीन, कापूस, मका, बाजरी, भुईमूग ही खरीप पिके, द्राक्षबागा, भाजीपाला आणि फुलपिकांचे अतोनात नुकसान झाले. 

‘क्यार’ चक्रीवादळामुळे सिंधुदुर्ग जिल्ह्यात वादळी वारे वाहत असून मुसळधार पाऊस सुरू आहे. पावसामुळे भातशेती कोलमडून गेली असून शेकडो हेक्टर भातशेतीचे नुकसान झाले. जिल्ह्याच्या किनारपट्टीसह संपूर्ण जिल्ह्यात या वादळामुळे फटका बसणार आहे. मराठवाड्यातील नांदेड, परभणी, हिंगोली जिल्ह्यात मुसळधार पावसात खरीप पिके, भाजीपाला पिके झोडपली. ओढेनाले, नद्यांना पूर आले. पुराचे पाणी पिकांत शिरल्याने मोठे नुकसान झाले. नाशिक जिल्ह्यातील भाताचे आगर म्हणून ओळखल्या जाणाऱ्या इगतपुरी व पेठ तालुक्यात पावसामुळे भातपिकाचे मोठे नुकसान झाले.

कापणीला आलेले व कापून ठेवलेल्या भातपिकाचेही प्रचंड नुकसान झाल्याने शेतकरी अडचणीत आले आहेत. यंदा चांगला पाऊस असल्याने चांगले उत्पन्न येईल, या आशेवर असलेल्या शेतकऱ्यांचा पावसामुळे हिरमोड झाला. सोंगणीसाठी आलेला भात आडवा झाला; तर सोंगून ठेवलेले पीक पावसामुळे खराब झाले. सततचा पाऊस आणि साचलेल्या पाण्यामुळे द्राक्ष बांगाना तडाखा बसला. द्राक्ष वेलींवर कीडरोगाचा प्रादुर्भाव झाला, मणीगळ, मण्यांना तडे जाऊन नुकसान वाढले.  

नगर जिल्ह्यात आठ दिवसांपासून पडत असलेल्या सततच्या पावसाने फुले अक्षरशः मातीमोल झाली आहेत. पावसाने फुले भिजल्याने फुलांना दसरा सणाला मिळालेल्या दराच्या तुलनेत आता निम्‍माही दर मिळत नाही. बाजारात नेऊनही फुले फेकूनच द्यावी लागणार असल्याचे गृहीत धरून शेतकऱ्यांनी जागीच फुले फेकून दिली. बाजार समितीच्या आवारातही फेकलेल्या फुलांचा अक्षरशः चिखल पाहायला मिळाला. फुलबाजार कोसळल्याचा शेतकऱ्यांना कोट्यवधी रुपयांचा फटका बसला आहे.

सांगली जिल्ह्यात सततच्या पावसाचा फटका हळदीला बसला. हळदीवर तांबेरा रोगाचा प्रादुर्भाव झाला आहे; तर कंदकुज होण्याची शक्यता आहे. परिणामी, हळदीच्या उत्पादनात ३० टक्के उत्पादन घट होण्याची शक्यता आहे. सध्या हळद पिकांचा वाढीचा कालावधी असून, पडणारा पाऊस हळद पिकाला अनुकूल नाही. यामुळे आर्दता वाढल्याने तांबेरा रोगाचा प्रादुर्भाव होण्यास सुरवात होते. पाऊस राहिल्याने मुळांना हवा मिळत नसल्याने कंदकुज होण्याची भीती आहे. पुणे जिल्ह्यातही भोर, मावळ, मुळशी वेल्हा तालुक्यात मॉन्सूनोत्तर पावसामुळे भातपिकाचे कोट्यवधी रुपयांचे नुकसान झाले असून या वर्षी भाताचे उत्पादन ५० टक्क्यांनी घटण्याची शक्यता आहे.

भाताचे तयार झालेले पीक हाताशी आले असताना पावसाने या उभ्या पिकाचे नुकसान झाले. भातपीक आडवे पडून पाण्याखाली गेले आहे. काही ठिकाणी भातपीक पिवळे पडले आहेत; तर काही ठिकाणी पीक कुजून चालले आहे. भाताबरोबर सोयाबीन, भुईमूग व इतर पिकांचेही मोठ्या प्रमाणावर नुकसान होणार आहे. जिल्ह्याच्या जुन्नर, आंबेगाव, खेड तालुक्यातही खरिपाची पिके, फळबागा, भाजीपाला, फुलपिकांचे पावसामुळे नुकसान होणार आहे. सातारा जिल्ह्यात शुक्रवारी पावसाचा जोर ओसरला. मात्र काही ठिकाणी अधूनमधून पावसाच्या हलक्या सरी येत आहेत. गेले काही दिवस महाबळेश्वरमध्ये पाऊस झाल्याने स्ट्रॅाबेरीचे नुकसान सुरू आहे.

शनिवारी बहुतांशी ठिकाणी सूर्यदर्शन झाल्याने शेतातील ठप्प झालेली कामे सुरू होण्याची आशा निर्माण झाली आहे. पिकांचे नुकसान झाले असले, तरी मिळेल ते पीक काढता येणार आहे. मात्र पाऊस असाच सुरू राहिल्यास पिकांचे पूर्णपणे नुकसान होईल.

 पिकांचे मोठे नुकसान

  • काढणीस आलेली पिके हातची गेली
  • रत्नागिरी, सिंधुदुर्ग जिल्ह्यात भात पिकाला तडाखा
  • मराठवाडा, उत्तर महाराष्ट्रात सोयाबीन, कापूस, मका, बाजरीला मोड
  • राज्यभरात भात, भुईमूग, भाजीपाला, फुलपिकांना फटका
  • पूर्वहंगामी द्राक्ष बागांचे मोठे नुकसान
  • हळदीचे कंद कुजण्यास प्रारंभ
  • स्ट्राॅबेरी पिकालाही फटका

इतर अॅग्रो विशेष
मराठवाड्यात काही ठिकाणी मुसळधारपुणे : राज्यातील बहुतांशी भागातील पावसाचे...
राज्यात हलक्या पावसाची शक्यतापुणे : काही दिवस राज्यात मुसळधार पाऊस...
एक हजार प्राध्यापकांनी वयाची साठी...पुणे: राज्यातील कृषी विद्यापीठांमधील...
सूक्ष्म अन्न उद्योगांना मिळणार आता दहा...पुणे: राज्यात लवकरच पंतप्रधान सूक्ष्म अन्न उद्योग...
कृषी, कामगार विधेयकांची राज्यात...पुणे : केंद्र सरकारने घाईघाईत मंजूर करुन घेतलेली...
शेतकरी आंदोलनाचे सात राज्यांत पडसादचंडीगड ः केंद्र सरकारच्या कृषी विधेयकांना विरोध...
सोयाबीन बियाणे प्लॉटना फटकाऔरंगाबाद: सध्याचे पावसाचे प्रमाण व त्यामुळे...
केळी विमा निकषांबाबत उत्सुकताजळगाव ः राज्य सरकारच्या चुकांमुळे हवामानावर...
अडीच हजार हेक्टर भातशेती सततच्या...सिंधुदुर्ग ः हळवी आणि भिजवणीची लागवड केलेली...
कृषी विधेयकांविरोधात राज्यात शेतकरी...पुणेः केंद्र सरकारने नुकतेच मंजूर केलेल्या कृषी...
सेंद्रिय व्यवस्थापनाच्या बळावर रोखली...सर्वाधिक संत्रा लागवडीखाली क्षेत्र असल्यामुळे ‘...
ऑनलाइन शिक्षणात बरेच ऑफलाइन! पाऊस आणि शाळा, महाविद्यालयं सुरू होण्याचा काळ...
आता शेतमाल खरेदीचे बोला!ऑगस्ट २०२० च्या पहिल्या आठवड्यात देशभरातील खरीप...
उद्योजकांच्या कर्जमाफीवर सर्वांचीच...भारतात शेती आणि शेतकरी याला खूप महत्त्व आहे....
खरीप धान्योत्पादन १४४ दशलक्ष टनांवर नवी दिल्ली ः कोरोना पुणे मुंबई बातमी ...
ऊसतोड कामगार मंडळाची रचना, धोरण लवकरचः...मुंबई : ऊसतोड कामगारांचे विविध प्रश्न व समस्यांवर...
मध्य महाराष्ट्र, मराठवाड्यात हलक्या...पुणे ः राज्यातील पावसाचा जोर कमी झाला आहे. पुढील...
‘पोकरा’मधून फळबाग, वनशेती, बांबू, तुती...औरंगाबाद: नानाजी देशमुख कृषी संजीवनी...
पावसाळ्यापूर्वीच कापूस खरेदीचे नियोजन अमरावती : गेल्या हंगामात पावसामुळे कापसाचे नुकसान...
सुधारित शेती, पूरक व्यवसायाचा ‘निवजे...निवजे (ता.कुडाळ,जि.सिंधुदुर्ग) गावकऱ्यांनी शेती...