शेतीपूरक व्यवसायासाठी मिळणार अनुदान

पुणे ः शहरी व ग्रामीण क्षेत्रातील सुशिक्षित युवक-युवतींची वाढती संख्या व उद्योग, व्यवसाय क्षेत्रात राज्यात विविध क्षेत्रांत उपलब्ध होत असलेल्या स्वयंरोजगार व रोजगाराच्या नवीन संधी विचारात घेऊन महाराष्ट्र शासनाने मुख्यमंत्री रोजगार निर्मिती कार्यक्रम ही योजना कार्यान्वयीत केलेली आहे.   या योजनेअंतर्गत पात्र उद्योग, व्यवसायांतर्गत प्रकल्प किंमत कमाल मर्यादा सेवा उद्योग तसेच कृषिपूरक उद्योग, व्यवसायांसाठी दहा लाख रुपये व उत्पादन प्रकाराच्या प्रवर्गातील प्रकल्पासाठी प्रकल्प किंमत मर्यादा ५० लाख रूपये इतके अनुदान देण्यात येणार आहे. तसेच अनुदान मर्यादा ही क्षेत्र व प्रवर्गनिहाय बँकेने मंजूर केलेल्या प्रकल्प किमतीच्या पंधरा टक्‍के  ते ३५ टक्‍क्यांपर्यंत देण्यात येणार आहे, अशी माहिती पुणे जिल्हा उद्येाग केंद्राच्या सूत्रांनी दिली.   एका कुटुंबातील एकाच व्यक्तीस लाभ घेता येईल. अर्जदार व्यक्तीने यापूर्वी शासनाच्या अनुदानावर आधारित स्वयंरोजगार योजनेचा लाभ घेतलेला नसावा. याप्रमाणे पात्र सुशिक्षित बेरोजगारांनी या योजनेअंतर्गत त्‍यांचे अर्ज maha-cmegp.gov.in या महाराष्ट्र शासनाच्या संकेतस्थळावर सादर करावेत.

या योजनेचे पात्रतेचे निकष पुढीलप्रमाणे  वयोमर्यादा- कुठलेही स्थायी उत्पन्न नसलेले स्थानिक रहिवासी असलेले वय १८ वर्षे पूर्ण व अधिकतम मर्यादा ४५ वर्षे तसेच विशेष प्रवर्ग -अनुसूचित जाती, जमाती, महिला, अपंग, माजी सैनिक यांच्यासाठी पाच वर्षे शिथिल.  शैक्षणिक पात्रता - दहा लाख रुपयांवरील प्रकल्पासाठी इयत्ता सातवी उत्तीर्ण व रु. २५ लाखांवरील प्रकल्पासाठीनइयत्ता दहावी उत्तीर्ण अशी आहे.  अर्जासोबत आवश्‍यक कागदपत्रे