Agriculture news in marathi;The dam built two months ago in Nagpur district | Agrowon

नागपूर जिल्ह्यात दोन महिन्यांपूर्वी बांधलेला बंधारा गेला वाहून
टीम अॅग्रोवन
गुरुवार, 1 ऑगस्ट 2019

नागपूर  ः जिल्हा परिषदेच्या लघुसिंचन विभागामार्फत दोन महिन्यांपूर्वीच बांधण्यात आलेला बंधारा पहिल्याच पावसात वाहून गेल्याने या कामाच्या गुणवत्तेविषयी शंका व्यक्‍त केली जात आहे. जलयुक्‍त शिवार अभियानातील या कामाची चौकशी करण्यात यावी, अशी मागणी सरपंच राजेश ठाकूर, सामाजिक कार्यकर्ते संजय सत्येकार यांच्यासह शेतकऱ्यांनी ऊर्जामंत्री चंद्रशेखर बावनकुळे यांच्याकडे केली आहे.
 

नागपूर  ः जिल्हा परिषदेच्या लघुसिंचन विभागामार्फत दोन महिन्यांपूर्वीच बांधण्यात आलेला बंधारा पहिल्याच पावसात वाहून गेल्याने या कामाच्या गुणवत्तेविषयी शंका व्यक्‍त केली जात आहे. जलयुक्‍त शिवार अभियानातील या कामाची चौकशी करण्यात यावी, अशी मागणी सरपंच राजेश ठाकूर, सामाजिक कार्यकर्ते संजय सत्येकार यांच्यासह शेतकऱ्यांनी ऊर्जामंत्री चंद्रशेखर बावनकुळे यांच्याकडे केली आहे.
 
शेतकऱ्यांना सिंचनासाठी पाणी उपलब्ध व्हावे, तसेच भूगर्भातील पाण्याच्या पातळीत वाढ होण्याच्या उद्देशाने जलयुक्‍त शिवार अभियान राबविले जात आहे. मुख्यमंत्र्यांच्या संकल्पनेतील या उपक्रमांतर्गत जलसंधारणाची अनेक कामे हाती घेण्यात आली. पारशिवणी तालुक्‍यातील पालासावळी व कोंढासावळी या गावांदरम्यान वाहणाऱ्या नाल्यावर बंधाऱ्याचे दोन महिन्यांपूर्वीच बांधकाम करण्यात आले.

या कामाचे कंत्राट जिल्हा परिषदेच्या लघुसिंचन विभागामार्फत कंत्राटदाराला देण्यात आले होते. यात संबंधित कंत्राटदाराने नाल्याचे खोलीकरण करून नियोजित ठिकाणी सिमेंटच्या बंधाऱ्याचे बांधकाम पूर्ण केले. त्यानंतर या भागात गेल्या चार दिवसांपासून संततधार पावसाला सुरवात झाली. त्यातच नाल्याला पूर आला आणि याच पुरात या बंधाऱ्याला मोठमोठे भगदाड पडून पाणी पूर्णपणे वाहून गेले. या बंधाऱ्यालगत असलेल्या रस्त्याखालील माती मोठ्या प्रमाणात वाहून गेल्याने या रस्त्यावरील वाहतूक बंद झाली.

परिणामी, या बांधकामाची चौकशी करून दोषी अधिकाऱ्यांवर कारवाई करावी, अशी मागणी करण्यात आली आहे. सरपंच राजेश ठाकूर यांच्यासह शेतकऱ्यांनी पालकमंत्री चंद्रशेखर बावनकुळे यांना यासंदर्भात निवेदन दिले. 

इतर ताज्या घडामोडी
मित्रबुरशींच्या संवर्धनातून लष्करी...सध्या राज्याच्या विविध भागात अनुकूल हवामानामुळे...
राज्यात लिंबांना प्रतिक्विंटल १५०० ते...सोलापुरात प्रतिक्विंटल सर्वाधिक १० हजार रुपये...
आचारसंहितेच्या धास्तीने जिल्हा परिषदेत...पुणे : आगामी विधानसभा निवडणुकीच्या...
नगर जिल्ह्यात टंचाईग्रस्तांना ३८३...नगर  : पावसाची रोहिणी, मृग, आर्द्रा,...
मराठवाड्यात हलक्या पावसाची हजेरीऔरंगाबाद, नांदेड : मराठवाड्यातील ३०९ मंडळांमध्ये...
महाजनादेश यात्रेत सावधगिरी म्हणून...नाशिक : मुख्यमंत्री देवेंद्र फडणवीस यांनी...
साताऱ्यात यंदा ऊस हंगाम तीन महिनेच सातारा : अतिवृष्टीमुळे निर्माण झालेल्या पूर...
संयुक्त राष्ट्र विकास कार्यक्रम पथकाची...कोल्हापूर : महापुरामुळे झालेल्या नुकसानीची पाहणी...
सत्ताधाऱ्यांच्या चुकीच्या धोरणांने तरुण...बीड : सत्ताधाऱ्यांनी शेतकऱ्यांच्या हिताचा...
कृषी संजीवनी प्रकल्पात पाच हेक्टरपर्यंत...मुंबई : जागतिक बँकेच्या अर्थसाह्याने राबविण्यात...
बदल्यांचा धूमधडाका सुरूचपुणे : राज्यात खरीप हंगाम शेवटच्या टप्प्यात...
वानच्या पाण्यावर पहिला हक्क शेतकऱ्यांचाअकोला : शेती सिंचनासाठी निर्माण करण्यात आलेल्या...
विमा कंपनी कार्यालयात शेतकऱ्यांचा ठिय्यासोलापूर ः पीकविम्याच्या पैशाबाबत सातत्याने...
मक्यावरील लष्करी अळीच्या प्राथमिक...नागपूर : राज्यातील मका पिकावर आलेल्या अमेरिकन...
कृषी विद्यापीठांच्या संशोधन, विकासासाठी...मुंबई ः कृषी विद्यापीठाच्या संशोधन व विकासासाठी...
कोल्हापूर जिल्ह्यात पंधरा टक्के...कोल्हापूर : जिल्ह्यात सुमारे पंधरा टक्के...
कोकण, मध्य महाराष्ट्रात पावसाचा जोर...पुणे : बंगालच्या उपसागर आणि अरबी समुद्रात तयार...
जळगावात वांगी १५०० ते २८०० रुपये...जळगाव : कृषी उत्पन्न बाजार समितीत बुधवारी (ता.१८...
तुरुंगात गेलेल्यांनी विचारू नये, की...सोलापूर ः ‘‘मी घरच्यांना सांगून आलो आहे, आता...
मराठवाडा दुष्काळमुक्‍तीसाठी सरकारचे...औरंगाबाद : वॉटर ग्रिड, गोदावरीच्या तुटीच्या...