Agriculture news in marathi;The project is dry in the western part of Jalgaon | Agrowon

जळगावच्या पश्‍चिम भागातील प्रकल्प कोरडेच

टीम अॅग्रोवन
रविवार, 18 ऑगस्ट 2019

जळगाव ः खानदेशात अनेक भागांत पाऊसमान चांगले असले तरी अनेक महसूल मंडळांमध्ये हवा तसा जोरदार पाऊस झाला नाही. परिणामी जळगाव, धुळे जिल्ह्यांतील काही मध्यम व लघू प्रकल्प अजूनही कोरडेच आहेत. 

जळगाव ः खानदेशात अनेक भागांत पाऊसमान चांगले असले तरी अनेक महसूल मंडळांमध्ये हवा तसा जोरदार पाऊस झाला नाही. परिणामी जळगाव, धुळे जिल्ह्यांतील काही मध्यम व लघू प्रकल्प अजूनही कोरडेच आहेत. 

जळगाव जिल्ह्यातील पश्‍चिम भाग आवर्षणप्रवण म्हणून ओळखला जातो. या भागात यावर्षी पाऊसमान बरे आहे. चाळीसगाव, भडगाव, पारोळा, अमळनेर या भागांत पाऊस बऱ्यापैकी झाला. पीकस्थिती या भागात चांगली आहे. परंतु, प्रकल्प कोरडे आहेत. या भागातील अग्नावती, अंजनी, हिवरा, भोकरबारी, मन्याड हे मध्यम प्रकल्प कोरडेच आहेत.
तर बोरी प्रकल्पात सुमारे १६ टक्के आणि पाचोरामधील बहुळा प्रकल्पात १४ टक्के जलसाठा झाला आहे. मागील वर्षी हे दोन्ही प्रकल्प पाच टक्केही भरले नव्हते. या भागातील कमाल प्रकल्प कोरडे असल्याने गिरणा धरणाच्या जामदा व इतर कालव्यांद्वारे बोरी, अंजनी आदी प्रकल्पांमध्ये पाणी सोडण्याची मागणी केली जात आहे.

या भागातील मध्यम प्रकल्प कोरडेच राहिले तर गिरणा धरणाच्या पाण्याचा कमाल वापर पिण्यासाठीच करावा लागेल, अशी स्थिती आहे. धुळे जिल्ह्यातील बुराई, मालनगाव, करवंद, जामखेडी व पांझरा हे प्रकल्प १०० टक्के भरले आहेत. परंतु, अमरावती प्रकल्पात ४० टक्केही जलसाठा झालेला नाही. तर कनोली प्रकल्प कोरडा आहे. नंदुरबार जिल्ह्यातील रंगावली व दरा मध्यम प्रकल्प, सुसरी लघू प्रकल्प १०० टक्के भरले आहेत. परंतु, शिवन प्रकल्प १०० टक्के भरण्याची प्रतीक्षा आहे. 

लाभक्षेत्रातील पाऊस थांबल्याने किंवा कमी झाल्याने जळगाव जिल्ह्यातील मोर, गारबर्डी, गूळ, मंगरूळ प्रकल्पाच्या सांडव्यातून पाण्याचा विसर्ग जवळपास थांबला आहे. हतनूर धरणाचे आठ दरवाजे शनिवारी (ता. १७) सकाळी आठपर्यंत उघडे होते. धुळे जिल्ह्यातील अनेर व पांझरा प्रकल्पांतील विसर्गही कमी झाल्याची माहिती मिळाली. 

गिरणाचा साठा ७४, तर वाघूरचा ४० टक्के
गिरणा धरणाचा साठा ७४ टक्के, तर जामनेर तालुक्‍यातील वाघूर प्रकल्पाचा साठा ४० टक्‍क्‍यांवर स्थिर आहे. या प्रकल्पांमध्ये पाण्याची आवक जवळपास बंद झाल्याचे सांगितले जात आहे. फक्त हतनूर धरणातील पाण्याची आवक सुरू आहे. 


इतर ताज्या घडामोडी
नगर झेडपीची पहिल्यांदाच झाली लेखी...नगर : कोरोनामुळे लॉकडाउन असल्याने जिल्हा...
पिचकारी मारणाऱ्यांवर आता दंडात्मक...नगर : सार्वजनिक ठिकाणी पिचकारी मारणाऱ्यांवर...
'दोन वर्षांपर्यंतचे शेतकऱ्यांचे...नगर, : कोरोनामुळे सर्वच क्षेत्रांत गंभीर...
पुणे बाजार समितीत भाजीपाला, फळ विभाग...पुणे : कोरोनाचा प्रादुर्भाव बाजार समितीलगतच्या...
टोळधाड निर्मूलनासाठी कृषी विभागाचा...नगर : महाराष्ट्रात चार दिवसांपूर्वी टोळधाड...
नाशिक बाजार समितीचे कामकाज आजपासून सुरूनाशिक : स्वच्छता व निर्जंतुकीकरण प्रक्रिया...
जळगाव ‘झेडपी’चे कामकाज रुळावर जळगाव : जिल्हा परिषदेचे कामकाज रुळावर येत आहे....
औरंगाबादमध्ये थेट फळे, भाजीपाला...औरंगाबाद : जिल्ह्यातील शेतकरी, शेतकरी गट, शेतकरी...
जळगावात पीककर्जासाठी बॅंका पोटखराब...जळगाव : पीक किंवा शेती कर्ज देताना पोटखराब...
परभणी जिल्ह्यात कापूस विक्रीची दुबार...परभणी : भारतीय कापूस महामंडळ (सीसीआय) आणि कापूस...
यवतमाळ जिल्ह्यात ५० लाख क्विंटल कापसाची...यवतमाळ : जिल्ह्यात वैध नोंदणी केलेल्या...
रब्बी मका पाहून उताऱ्यावर नोंद करणार :...येवला : शासकीय हमीभावाने मका खरेदीसाठी रब्बी...
खारपाण पट्ट्यातील उत्पादकता वाढ याविषयी...अकोला ः राज्य शासन व जागतिक बँकेच्या...
यवतमाळमध्ये साडेचार लाख हेक्‍टरवर कपाशी...यवतमाळ : जिल्ह्यात खरीप हंगामात यंदा नऊ लाख हेक्‍...
यवतमाळ जिल्ह्यातील भूजल पातळी...यवतमाळ : गेल्यावर्षी झालेला पाऊस, कोरोनामुळे...
आंबेओहळ प्रकल्पासाठी निधीची मागणी कोल्हापूर : उत्तूरसह परिसरातील जवळपास २२हून अधिक...
नीरा उजव्या कालव्यावरील पिके करपली लवंग, जि. सोलापूर ः भाटघर, वीर, नीरा-देवधर ही...
चारा छावण्यांच्या धर्तीवर क्वारंटाइन,...सोलापूर ः चारा छावणीच्या धर्तीवर संस्थांच्या...
पशुचिकित्सा शिबिरे रद्द, जनावरांच्या...कोल्हापूर : कोरोना संसर्ग टाळण्यासाठी गेली दोन...
पॉप्युलर स्टिलचे दिलीप जाधव यांचे निधन कोल्हापूर : पश्‍चिम महाराष्ट्राच्या उद्योग...