Agriculture news in marathiThe rulers do not want to give reservations - MP Udayan Raje | Agrowon

आरक्षण देण्याची राज्यकर्त्यांची इच्छाच नाही : खासदार उदयनराजे

टीम अॅग्रोवन
मंगळवार, 15 जून 2021

मराठा समाजाला आरक्षण देण्याची राजकीय इच्छाशक्तीच राज्यकर्त्यांकडे नाही, त्यामुळेच आरक्षण मिळत नाही. तरुणांची नाराज आणि संतप्त आहेत. त्यातून उद्रेक झाला तर त्याला राज्यकर्ते जबाबदार असतील.

पुणे : मराठा समाजाला आरक्षण देण्याची राजकीय इच्छाशक्तीच राज्यकर्त्यांकडे नाही, त्यामुळेच आरक्षण मिळत नाही. तरुणांची नाराज आणि संतप्त आहेत. त्यातून उद्रेक झाला तर त्याला राज्यकर्ते जबाबदार असतील. त्यावेळी हा उद्रेक ना उदयनराजे थांबवू शकतील, ना संभाजीराजे. आम्ही दोघे आडवे पडलो तरी आमच्यावर घणाघात होईल, आम्हाला बाजूला केले जाईल, अशी वेळ येऊ देऊ नका, असा इशारा उदयनराजे भोसले यांनी दिला. 

मराठा आरक्षण प्रकरणी खासदार उदयनराजे भोसले आणि खासदार संभाजीराजे छत्रपती यांची सोमवारी (ता.१४) गळाभेट झाली. सुमारे अर्धा तास झालेल्या चर्चेनंतर छत्रपती उदयनराजे यांनी माध्यमांशी संवाद साधला. संभाजीराजे यांच्या मराठा आरक्षण आंदोलनाला पाठिंबा असल्याचे उदयनराजे यांनी स्पष्ट केले. उदयनराजे म्हणाले, ‘‘आजचे राजकारणी व्यक्तीकेंद्रित झाले आहे. त्यांची मराठा समाजाला आरक्षण देण्याची राजकीय इच्छाशक्ती नाही. माझा कोर्ट-कचेऱ्यांवर विश्वास नाही. आरक्षण मिळणार नाही, असा समज मराठा तरुणांचा झाला आहे, त्यातून समाजाचा उद्रेक झाला तर त्याला जबाबदार कोण?’’ 

आरक्षणाबाबत संभाजीराजे यांनी तांत्रिक मुद्दे मांडले. देशाची फाळणी करायची का हे आता प्रत्येकाने ठरवायचे आहे. देशाची फाळणी करण्याच्या दृष्टीने आजचे राज्यकर्ते प्रयत्नशील आहेत आणि हा माझा आरोप नसून, ते ठाम मत आहे. हे जसे राज्याच्या बाबतीत लागू आहे, तसे ते केंद्राच्या बाबतीतही लागू आहे, असे उदयनराजे म्हणाले. 

राज्य सरकारच्या अखत्यारितील मागण्या मान्य करा 
संभाजीराजे म्हणाले, ‘‘मराठा आरक्षण प्रकरणी आज दोन पर्याय आहेत. एक, पुनर्विचार याचिका करणे. ती याचिका टिकली नाही, तर क्युरेटिव्ह याचिका दाखल करावी लागेल. पण, भोसले समितीनुसार क्युरेटिव्ह याचिका दाखल करण्याची गरज नाही. त्यामुळे ‘३३८-ब’ च्या माध्यमातून वेगळा आयोग तयार करावा लागले. त्यानंतर हा विषय राज्यपालांकडे जाईल. त्या ठिकाणी समाजाला मागासवर्ग सिद्ध करावे लागेल. त्यानंतर राज्यपाल राष्ट्रपतींकडे हा विषय पाठवतील. राष्ट्रपतींना योग्य वाटले तर ‘३४२-अ’ च्या माध्यमातून ते केंद्रीय मागासवर्गाकडे हा विषय पाठवतील. त्यानंतर केंद्रीय मागासवर्ग आयोग राज्य मागासवर्ग आयोगाकडून सगळी माहिती मिळवेल. त्यानंतर राष्ट्रपतींना वाटल्यास हा विषय संसदेत घेऊन जाऊ शकतात. त्यामुळे सर्व राजकर्त्यांनी ठरवायचंय की कोणता पर्याय घ्यायचाय आणि कोणत्या पद्धतीने पुढे जायचे.’’ 

आम्ही पाच मागण्या केल्यात. त्या पूर्ण करणे राज्याच्या हातात आहेत. या मागण्यांमध्ये सारथी संस्था, अण्णासाहेब पाटील महामंडळ, ओबीसींना ज्या सवलती मिळतात त्या मराठा समाजाला मिळाव्यात, पंजाबराव देशमुख योजनेच्या माध्यमातून प्रत्येक जिल्ह्यात एक वसतीगृह निर्माण करा. स्पर्धा परीक्षेचे दोन हजारांपेक्षा जास्त विद्यार्थी अडकून पडले आहेत, त्यांना नोकरी द्या, या मागण्या मंजूर करा आम्ही तुमचे स्वागत करू. पण आता आम्ही खूप बोललो आहे, आता लोकप्रतिनिधींनी बोलण्याची वेळ आली आहे. अधिवेशनाची आमची मागणी आहे. या माध्यमातून काही प्रश्न सुटू शकतात, असेही संभाजीराजे म्हणाले. 


इतर ताज्या घडामोडी
रत्नागिरीत पूर ओसरला, सावरण्याची धडपड ...रत्नागिरी : जिल्ह्यात पावसाचा जोर ओसरला असून पूर...
विदर्भात ६६ हजार हेक्‍टरवरील पिकांचे...नागपूर : विदर्भातील बहुतांश जिल्ह्यात शनिवारी (ता...
मराठवाड्यातील प्रकल्पांच्या जलसाठ्यात...औरंगाबाद : मराठवाड्यातील ८७९ लघू, मध्यम, मोठ्या...
स्मार्ट तंत्रज्ञानाने मेंदू बथ्थड होत...आधुनिक तंत्रज्ञानामुळे माणूस बथ्थड, मूर्ख होत...
कोल्हापुरात ६३ हजार हेक्टर पिकांना फटकाकोल्हापूर : जिल्ह्यात आलेल्या महापुरामुळे सुमारे...
परभणीत अतिवृष्टीने ३४ हजार हेक्टर पिके...परभणी ः अतिवृष्टी व पूरपरिस्थितीमुळे परभणी...
केंद्र सरकार घरे बांधून देणार : नारायण...रायगड/रत्नागिरी : ‘‘तळिये गावात पंतप्रधान आवास...
समृद्धीला समांतर बुलेट ट्रेनचा मार्ग बुलडाणा : नागपूर-मुंबई समृद्धी महामार्गालगतच आता...
नगरमध्ये एक लाख हेक्टरवर सोयाबीन नगर : नगर जिल्ह्यात सोयाबीनची पेरणी आता उरकली आहे...
साताऱ्यात भूस्खलनात आतापर्यंत ३२ जणांचा...सातारा : गेल्या तीन चार दिवसांपासून जिल्ह्यात...
आवक कमी दाखवून बाजार समितीची फसवणूक पुणे : पुणे कृषी उत्पन्न बाजार समितीमधील फळे,...
नदीकाठावरील ऊस वाहून गेलानेर्ले, जि. सांगली : बहे रामलिंग बेटाच्या...
अकोल्यातील २३३६ कर्जदार सावकारी...अकोला : शासनाने जाहीर केलेल्या परवानाधारक सावकारी...
गोंदिया : पावसाअभावी दीड लाख हेक्‍...गोंदिया :  देशात मॉन्सूनचे आगमन होऊन दोन...
पुण्यात आले, टोमॅटो दरांत सुधारणापुणे ः पुणे कृषी उत्पन्न बाजार समितीमध्ये रविवारी...
वातावरण बदलात पारंपरिक वाण टिकवतील...भारतामधील भूजल साठ्यामध्ये सर्वांत श्रीमंत राज्य...
नुकसानीची सूचना विमा कंपन्यांना द्यावी...सोलापूर : ‘‘यंदा जिल्ह्यामध्ये पावसाचे प्रमाण...
उस्मानाबाद जिल्ह्यात सोयाबीनमध्ये शंखी...बेलकुंड, जि. उस्मानाबाद जिल्ह्यात : बेलकुंड (ता....
नांदेडमध्ये नुकसानीचे पंचनामे करण्याचे...नांदेड : ‘‘जिल्ह्यात अतिवृष्टी तसेच सततच्या...
खानदेशात सोयाबीन पेरणीत घटजळगाव : खानदेशात यंदा नापेर क्षेत्र यंदा वाढणार...