agriculture news in Marathi,traders should accept new changes in agri produce market,Maharashtra | Agrowon

व्यापाऱ्यांनी शेतमाल बाजारातील बदल स्वीकारणे आवश्यक

टीम अॅग्रोवन
रविवार, 17 नोव्हेंबर 2019

ई-नामचा निर्णय चांगला आहे. बदलत्या काळानुसार बाजार समित्यांनी हा बदल स्वीकारला पाहिजे. ई-नाम प्रणालीचे इन्फास्ट्रक्चर सक्षम असेल पाहिजे. हा बदल स्वीकारण्यासाठी वेळ लागणार आहे. पारंपरिक पद्धत आणि नवीन पद्धतीचा अवलंब करावा लागणार आहे. तरच बाजार समित्या टिकतील.
- गोपाळ मर्दा, हळद व्यापारी, सांगली

पुणे ः बाजार समित्या बरखास्त केल्यास सक्षम पर्यायी व्यवस्था निर्माण करावी. व्यापाऱ्यांनीही काळानुसार शेतकमाल बाजारातील बदल स्वीकारावे. त्यासाठी सरकारने ‘ई-नाम’साठीच्या पायाभूत सुविधा निर्माण कराव्यात. मात्र ‘ई-नाम’मध्ये व्यवहार करताना व्यापाऱ्यांचे अस्तित्व काय असणार आहे? बांधावर होणारी शेतकऱ्यांची फसवणूक कशी थांबेल? याचा काय विचार झाला पाहिजे, अशा प्रतिक्रिया बाजार समित्यांमधील व्यापाऱ्यांनी व्यक्त केल्या. 

व्यापारी म्हणतात...

  • बाजार समित्या बरखास्त केल्यास व्यवहारांवर नियंत्रण कुणाचे असेल?
  • शेतकऱ्यांना वाजवी दर कसे मिळतील?
  • बाजार समित्यांनीच नवीन बदल स्वीकारायला पाहिजेत.
  • छोटे व्यापारी ‘ई-नाम’वर व्यवहार करू शकणार नाहीत.
  • शेतकरी शेतमाल बाजाराच्या मुख्य प्रवाहपासून दुरावेल.
  • ई-नाम’चे व्यवहार शेतकऱ्यांच्या फायद्याचे. 
  • बाजार समित्यांच्या व्यवहारात सुधारणा करावी.
  • बाजार समित्या पूर्णपणे बंद करणे चुकीचे.

प्रतिक्रिया
बांधावर व्यापाऱ्यांनी मालाची खरेदी केलेल्या शेतकऱ्यांचे पैसे बुडत असल्याचे अनेक प्रकार समोर येत आहेत. बाजार समितीचे नियंत्रण असल्याने आम्हाला सहा टक्के कमिशन घेता येते. तसचे २४ तासांच्या आत शेतकऱ्यांना पैसे देण्याचे बंधन असते. तसे केले नाही तर बाजार समिती कारवाई करू शकते. मात्र थेट माल खरेदी केल्यावर ही बंधने राहणार नाहीत, दरावरही बंधन राहणार नसल्याने शेतकऱ्यांना कोणी वाली राहणार नाही. आंबा उत्पादक शेतकऱ्यांना आम्ही लाखो रुपये उचल दिली आहे, त्याबदल्यात आम्हाला माल मिळण्याची हमी आहे. मात्र बाजार समिती नसेल तर वाटेल त्या दराने खरेदी विक्री होईल, त्यावर सरकार कसे नियंत्रण आणेल हे स्पष्ट करावे. 
- करण जाधव, आंब्याचे व्यापारी, गुलटेकडी मार्केटयार्ड, पुणे

सध्या प्रचलित असलेली ही व्यवस्था मोडीत काढण्याचा हा डाव दिसतो. सहकार क्षेत्रावर असलेले काँग्रेस-राष्ट्रवादीचे वर्चस्व मोडून काढण्याचा तर उद्देश नाही ना, अशी शंका येते. परंतु ही व्यवस्था मोडताना आपण जी पर्यायी यंत्रणा देणार आहोत, त्यात शेतकऱ्यांची फसवणूक अधिक दिसते. मोठा शेतकरी कदाचित हे ऑनलाइन व्यवहार करूही शकेल, मात्र छोटा शेतकरी कसा तग धरेल. या निर्णयामुळे पुन्हा एकदा खेडा खरेदीला प्रोत्साहन मिळेल. शेतकऱ्यांचा आज मुख्य प्रवाहासोबत असलेला संपर्क तुटणार आहे. यात सामान्य शेतकऱ्यांचे हित दिसत नाही.
- चंद्रशेखर खेडकर, अडते-व्यापारी, अकोला 

शेतकरी आणि व्यापाऱ्यांचे संबंध चांगलेच असतात. ई-नाम बाजार समित्यांमार्फतच राबविले जात आहे. त्यामुळे बाजार समित्या बरखास्त केल्या तर मग ई-नाम राबवायचे कुणामार्फत हा प्रश्न निर्माण होईल. त्यामुळे निर्णय योग्य वाटत असला तरी चांगली पर्यायी व्यवस्था निर्माण न करता बाजार समित्या बरखास्त करणे चुकीचे ठरेल.
- दिलीप गांधी, सचिव, व्यापारी असोसिएशन, औरंगाबाद 

शासनाच्या नियमानुसार सर्व व्यापारी ऑनलाइन व्यवहार करायला तयारच आहेत. परंतु अनेक शेतकरी रोख रक्कम मागतात. ऑनलाइन व्यवहाराला तयार होत नाहीत. बाजार समिती बरखास्त करून काय होणार? बाजार समिती बरखास्त झाल्या तर बाजार चालणार कसा? बाजार चालू शकत नाही. या सर्व बाबी शेतकऱ्यांशी निगडित आहेत.
- सुनील कटारिया, व्यापारी, बाजार समिती, नगर 

‘ई-नाम’चे व्यवहार शेतकऱ्यांच्या फायद्याचे आहेत. पण यामध्ये व्यापाऱ्यांचे काय होणार, आज बाजार समित्याही बरखास्त करण्याबाबत बोलले गेले. पण या व्यवस्थेवर अवलंबून असलेल्या घटकांचा विचार कसा करणार, बाजार समितीच्या व्यवहारात वा व्यापारात त्रुटी असू शकतात, त्या दुरुस्त कराव्यात, पण त्या ऐवजी ही व्यवस्थाच संपवावी, हा उद्देश चुकीचा आहे. 
- सादिक नदाफ, व्यापारी, सोलापूर कृषी उत्पन्न बाजार समिती, सोलापूर

 


इतर अॅग्रो विशेष
भविष्यात देशी कपाशीला गतवैभव प्राप्त...परभणी: देशी कपाशीचे वाण रसशोषण करणाऱ्या किडीसाठी...
नुकसानग्रस्त शेतकऱ्यांसाठी २२७ कोटी...मुंबई: राज्यात जुलै ते ऑक्टोबर दरम्यान...
बेदाणा दरात वाढीचे संकेतसांगली ः दिवाळीनंतर बेदाण्याचे सौदे सुरु झाले...
पीकविमा कंपन्यांच्या नफेखोरीला चाप लावा...पुणे: कृषी विभागाच्या कामकाजाची माहिती...
द्राक्षाचे ४० वाण आयात करणार : डॉ. ए....पुणेः शेतकऱ्यांचे उत्पन्न दुप्पट करण्याच्या...
सुटीच्या दिवशीही बाजार समित्या सुरू ठेवापुणे: अवकाळी पावसाने लांबलेल्या शेतमालाच्या...
विदर्भापाठोपाठ खानदेशात थंडी वाढतेयपुणे ः राज्यातील अनेक भागांत हवामान कोरडे...
पणन महासंघाकडून ९ कोटी रुपयांचे चुकारेअमरावती ः राज्यात महाराष्ट्र राज्य सहकारी कापूस...
नुकसानग्रस्तांना ५,३०० कोटींचा दुसरा...मुंबई : देवेंद्र फडणवीस यांनी दुसऱ्यांदा...
साहेब, शेतीसाठी दिवसा वीज द्या हो...अकोला  ः रब्बी हंगामात सिंचनाचे काम सुरू...
नोकरीला शेतीची जोड देत उंचावले अर्थकारणआसोदे (ता. जि. जळगाव) येथील नीलेश नारायण माळी एका...
प्रक्रिया उद्योगातून सोयाबीनचे...शहरी बाजारपेठेची गरज लक्षात घेऊन पिंपरी-चिंचवड...
शेवतींच्या फुलांनी जिंकले मन !...मांजरी, पुणे : विविधरंगी शेवंतीच्या फुलांनी...
कमी पाण्यामध्ये सीताफळाचे किफायतशीर...सिंचनासाठी पाण्याच्या कमतरतेसह प्रतिकूल...
दर्जेदार वांगी उत्पादनात मानेंचा हातखंडाकसबे डिग्रज (ता. मिरज, जि. सांगली) येथील युवा...
देशी कपाशीतील संशोधनाची शंभरीपरभणी येथील कापूस संशोधन केंद्र, मेहबूब बागची...
जैवविविधता संवर्धनासाठी सामूहिक...नाशिक: पर्यावरणाची योग्य ती काळजी न घेतल्याने...
देशी कापसाचा ब्रॅंड आवश्‍यकपरभणी ः आंतरराष्ट्रीय बाजारपेठेत लांब धाग्याच्या...
...'या' बॅंकांचे थकले चौदा हजार कोटी...पुणे : कोरड्या दुष्काळानंतर ओला दुष्काळ आणि त्यात...
तागाच्या पिशव्यांकडे साखर कारखान्यांची...कोल्हापूर : ताग उत्पादकांना चालना देण्यासाठी...