agriculture news in Marathi,Tur producers in trouble due to loss by rain, Maharashtra | Page 2 ||| Agrowon

कुजलेल्या तुराट्यांच्या झाडण्याही होणार नाहीत

माणिक रासवे
मंगळवार, 19 नोव्हेंबर 2019

परभणी ः यंदा तुरीचं पीक लई जोरात आलं होतं. चांगली आमदनी होईल, कर्ज फेडता येईल, असं वाटलं होतं. पण, पावसानं तुरीमध्ये पाणी साचून राहिलं. नुकसान कमी करण्यासाठी दहाची मोटार लावून शेताबाहेर पाणी काढलं. पण, काहीच उपयोग झाला नाही. जमिनीतलं पाणी हटलं नाही. जेवढ्याला तेवढं येत राहील. फुलगळ झाली, पानगळ झाली. तुरीच्या नुसत्या तुराट्या शिल्लक राहिल्या. कुजलेल्या तुराट्यांच्या झाडण्यादेखील होणार नाहीत. जळतनं म्हणूनदेखील वापरता येणार नाही, सालभर कसं धकवायचं याची चिंता आहे. कर्ज फेडणंही शक्य नाही, अशा शब्दांत मोरेगाव येथील तरुण शेतकरी श्‍याम मगर यांनी व्यथा मांडली. 

परभणी ः यंदा तुरीचं पीक लई जोरात आलं होतं. चांगली आमदनी होईल, कर्ज फेडता येईल, असं वाटलं होतं. पण, पावसानं तुरीमध्ये पाणी साचून राहिलं. नुकसान कमी करण्यासाठी दहाची मोटार लावून शेताबाहेर पाणी काढलं. पण, काहीच उपयोग झाला नाही. जमिनीतलं पाणी हटलं नाही. जेवढ्याला तेवढं येत राहील. फुलगळ झाली, पानगळ झाली. तुरीच्या नुसत्या तुराट्या शिल्लक राहिल्या. कुजलेल्या तुराट्यांच्या झाडण्यादेखील होणार नाहीत. जळतनं म्हणूनदेखील वापरता येणार नाही, सालभर कसं धकवायचं याची चिंता आहे. कर्ज फेडणंही शक्य नाही, अशा शब्दांत मोरेगाव येथील तरुण शेतकरी श्‍याम मगर यांनी व्यथा मांडली. 

परभणी जिल्ह्यातील श्‍याम श्रीधरराव मगर यांच्या कुटुंबाची मोरगाव (ता. सेलू) शिवारात दोन ठिकाणी मिळून एकूण ३५ एकर जमीन आहे. त्यापैकी २२ एकर जमीन दुधना नदीकाठच्या भागात आहे. दोन वर्षांपूर्वी निम्न दुधना प्रकल्पातून नदीपात्रात विसर्ग केल्यामुळे मगर यांची संपूर्ण पिके पाण्याखाली गेली होती. यंदा नदीला पूर आला नाही. परंतु, पाणी साचून राहिल्यामुळे मोठे नुकसान झाले.

मगर यांनी यंदा १० एकरवर तूर आणि सोयाबीन आंतरपिकाची पेरणी केली. त्याशेजारी १२ एकरवर तूर अधिक कापूस लागवड केली. या भागात सुरुवातीला पिकांच्या वाढीसाठी पोषक पाऊस पडत होता. परंतु, संपूर्ण पावसाळ्यात पडला नाही तेवढा पाऊस यंदा सप्टेंबर आणि आॅक्टोबरमध्ये पडला. शेतात पाणी साचले. मोठे बांध असल्यामुळे ते फोडून पाणी बाहेर काढणे शक्य नव्हते. त्यामुळे मगर यांनी १० एचपीचा विद्युत पंप लावून सलग १३ दिवस तुरीच्या शेतातील पाण्याचा उपसा केला. परंतु, त्याचा उपयोग झाला नाही. दहा एकरावरील तूर आणि सोयाबीनमध्ये पाणी साचून राहिल्याने हाती आलेले पीक वाया गेले.

बियाणे, खते, फवारणी, मशागत, मजुरी मिळून दहा एकरामध्ये दीड लाख रुपयांवर खर्च झाला. तुरीचे एकरी सात ते आठ क्विंटलपर्यंत उत्पादन मिळत असते. सहा ते सात लाख रुपयांचे नुकसान झाले.

सोयाबीन काढणीसाठी मजुरांना दहा हजार रुपये उचल दिली. परंतु, पाऊस सुरू झाल्यामुळे सोयाबीन काढता येईना आणि मजुरांना दिलेली दहा हजार रुपयांची उचल परत मागता येईना. सोयाबीनला मोड फुटले. एकरी ८ ते ९ क्विंटलपर्यंत उत्पादन मिळते. यंदा भिजल्याने वजनही कमी भरणार, डागील मालाची व्यापारी भाव पाडून खरेदी करीत आहेत. कापसाचे पहिल्या बहराचे २५ ते ३० बोंडे फुटली. वेचणी करता आली नाही. सरकीला मोड फुटले. एकरी ४ ते ५ क्विंटलचे नुकसान झाले.

हजारो हेक्टरवरील उभे पीक नष्ट
कृषी विभागाकडील आकडेवारीनुसार राज्यात तुरीचे सरासरी क्षेत्र १२ लाख ४७ हजार ४८७ हेक्टर आहे. यंदा १२ लाख ७ हजार ४७७ हेक्टरवर (९७ टक्के) तुरीची पेरणी झाली आहे. मराठवाडा, विदर्भातील अनेक जिल्ह्यांतील शेतकरी सोयाबीन अधिक तूर तसेच तूर अधिक कापूस या आंतरपीकपद्धतीचा अवलंब करतात. लवकर येणाऱ्या वाणांचे तुरीचे पीक सध्या गाठी धरण्याच्या तसेच फुलोरा अवस्थेत आहे. उंच, माथ्यावरच्या जमिनीवरील फुले लागण्याच्या अवस्थेतील तुरीचे पावसामुळे फारसे नुकसान झाले नाही. परंतु ओढे, नाले, नद्यांकाठच्या तसेच सखल भागातील शेतामध्ये पाणी साचून राहिल्याने तूर पिकाला सर्वाधिक फटका बसला आहे. शेतात पाणी साचून राहिल्याने मुळकुज होत आहे. हजारो हेक्टरवरील तुरीचे उभे पीक नष्ट होत आहे. 
 


इतर अॅग्रो विशेष
मातीची धूप थांबविण्यासाठी जागरूक रहा :...परभणी ः शेतीसाठी माती हा सर्वांत महत्त्वाचा घटक...
पणज गावाने आणली केळी पिकातून सुबत्ताअकोला जिल्ह्यातील अकोट तालुक्यात पणज हे छोटे गाव...
संगेवाडीच्या नुकसानग्रस्त शेतकऱ्याला...सोलापूर  : दोन महिन्यांपुर्वी झालेल्या...
माणुसकीलाच काळिमापशुवैद्यकीय महिला डॉक्टरवर बलात्कार करून तिची...
श्रमसधन उद्योग उभारणीवर हवा भरआजच्या घडीला सरकार कृषी संशोधन आणि विकास...
रोपवाटिका व्यवसायाने दिला सक्षम आधारदहावीपर्यंत शिक्षण झाल्यानंतर नोकरी न मिळाल्याने...
मराठवाड्यात नऊ लाख हेक्‍टरवर रब्बी पेरणीलातूर : अतिपावसाने खरीप पिके हातची गेलेल्या...
औरंगाबादच्या मोसंबी कलमांची मध्य...महाराष्ट्रातील अत्यंत गोड, रसाळ मोसंबीने आता मध्य...
बी-हेव्ही मोलॅसिसपासून इथेनॉल निर्मितीस...सोलापूर : साखरेचे अतिरिक्‍त उत्पादन टाळून इंधन...
कृत्रिम रेतन व्यवसाय येणार कायद्याच्या...पुणे : राज्यातील गाय-म्हशींच्या कृत्रिम रेतनाचा...
हलक्या पावसामुळे वाढली धास्तीपुणे  ः अरबी समुद्राच्या दक्षिण भागात सक्रिय...
दोन-तीन दिवसात किमान तापमानात होणार घट...पुणे ः गेल्या दोन ते तीन दिवसांपासून कोकण, पश्चिम...
भंडारा : दूध संघांचे १८ कोटींचे चुकारे...भंडारा ः जिल्हा दुग्ध उत्पादक सहकारी संघाने...
डिसेंबर ते फेब्रुवारीत अशी असेल थंडी;...नवी दिल्ली ः डिसेंबर ते फेब्रुवारी या हंगामात...
मिश्रखतांसाठी विनापरवानगी कच्चा माल...पुणे : राज्यात गेले दीड वर्ष मिश्र खतांसाठी कच्चा...
शरीराचा एक पाय अपघाताने गेला असला,...कोल्हापूर ः नियतीने शरीर अपंग केले... पण मनाची...
कपाशीचा झाला झाडा, शेतात नुसत्या पऱ्हाटीनांदेड :  नांदेड, परभणी, हिंगोली...
शेतकऱ्यांना कर्जमाफी देण्यासाठी...मुंबई  ः संकटातील शेतकऱ्यांना सरसकट व...
रासायनिक अवशेषमुक्त शेतीचा कृषी...नाशिक येथील मराठा विद्या प्रसारक समाज संस्थेच्या...
रोडे यांचे संत्र्याचे अत्याधुनिक...दर्जेदार संत्रा उत्पादनासोबतच संत्र्याचे ग्रेडिंग...