Agriculture news in Marathi,water scarcity continue, pune, maharashtra | Page 2 ||| Agrowon

पुणे विभागातील कोरडवाहू पट्ट्यात टंचाई कायम

टीम अॅग्रोवन
गुरुवार, 18 जुलै 2019

पुणे : विभागातील पुणे, सातारा, कोल्हापूर जिल्ह्यांच्या पश्‍चिम भागात असलेले तालुके आणि घाटमाथ्यांवर पावसाने दमदार हजेरी लावली. पाणलोटातील पावसामुळे धरणांच्या पाणीपातळीत वाढ होत आहे. मात्र या जिल्ह्यांचा पूर्व भाग, सांगली, सोलापूरसह जिल्ह्यांत मात्र पावसाने ओढ दिल्याने टंचाई कायम आहे. विभागातील ८२० गावे, ५ हजार ३२७ वाड्यांना पाणीपुरवठा करण्यासाठी १ हजार ३१ टॅंकर सुरू असल्याची माहिती विभागीय आयुक्त कार्यालयातर्फे सांगण्यात आले.  

पुणे : विभागातील पुणे, सातारा, कोल्हापूर जिल्ह्यांच्या पश्‍चिम भागात असलेले तालुके आणि घाटमाथ्यांवर पावसाने दमदार हजेरी लावली. पाणलोटातील पावसामुळे धरणांच्या पाणीपातळीत वाढ होत आहे. मात्र या जिल्ह्यांचा पूर्व भाग, सांगली, सोलापूरसह जिल्ह्यांत मात्र पावसाने ओढ दिल्याने टंचाई कायम आहे. विभागातील ८२० गावे, ५ हजार ३२७ वाड्यांना पाणीपुरवठा करण्यासाठी १ हजार ३१ टॅंकर सुरू असल्याची माहिती विभागीय आयुक्त कार्यालयातर्फे सांगण्यात आले.  

मॉन्सून दाखल झाल्यानंतर झालेल्या पावसाने टंचाई हळहळू कमी होऊ लागली आहे. गेल्या आठवडाभरात विभागातील १३ तालुक्यांमधील टॅंकर पूर्णपणे बंद झाले आहेत. तर २८ तालुक्यांमध्ये मात्र अद्यापही झळा कायम आहेत. जून महिन्याच्या अखेरीस विभागातील ४१ तालुक्यांतील ९८९ गावे ५ हजार ८७५ वाड्यांना १ हजार २०४ टॅंकरने पाणीपुरवठा करावा लागला होता. जूनच्या शेवटच्या आणि जुलै महिन्याच्या सुरवातीला झालेल्या पावसाने पिण्याच्या पाण्याच्या स्रोतांनाही पाझर फुटू लागले आहेत. त्यामुळे टंचाई कमी होऊ लागली आहे. मात्र विभागातील टंचाई पूर्णपणे निवारण्यासाठी सातत्यपूर्ण जोरदार पावसाची आवश्यकता आहे. 

बुधवारपर्यंत (ता. १७) विभागातील टंचाईग्रस्त भागातील १८ लाख ८१ हजार लोकसंख्या आणि ७ लाख ५३ हजार पशुधनाची तहान टॅंकरच्या पाण्यावर भागत आहे. यासाठी ४५८ विहिरी आणि विंधन विहिरी अधिग्रहित करण्यात आल्या आहेत. पावसाने ओढ दिलेल्या सोलापूर जिल्ह्यातील सर्वच तालुक्यांना पाणीटंचाई भेडसावत आहे. जिल्ह्यात टंचाई वाढल्याचे दिसून येत आहे. तेथील ३३७ गावे १ हजार ९६७ वाड्यांमध्ये ३८३ टॅंकरने पाणीपुरवठा करावा लागत आहे. तर सांगली जिल्ह्यातील १७७ गावे १२२५ वाड्यांना २१६ टॅंकरने पाणी पुरविले जात आहे. साताऱ्यातील १७६ गावे ९३९ वाड्यांना २०८ टॅंकरने, तर पुणे जिल्ह्यातील १३० गावे १ हजार १९६ वाड्यांमध्ये पिण्याच्या पाण्याचा पुरवठा करण्यासाठी २२१ टॅंकर सुरू होते.

टंचाईग्रस्त भागात टॅंकरची तालुकानिहाय संख्या 

  • पुणे ः इंदापूर ६९, बारामती ४८, पुरंदर ३२, दौंड ३२, शिरूर २७, आंबेगाव ५, जुन्नर ४, हवेली ४.
  • सातारा ः माण १२०, खटाव ४०, फलटण ३९, कारेगाव १०.
  • सांगली ः जत ११८, आटपाडी ३८, कवठेमहांकाळ २४, तासगाव १९, खानापूर १६, मिरज ३.
  • सोलापूर ः मंगळवेढा ६०, सांगोला ५९, करमाळा ५१, माढा ४२, मोहोळ ३१, दक्षिण सोलापूर ३१, माळशिरस २८, उत्तर सोलापूर २४,  बार्शी २३, पंढरपूर १९, अक्कलकोट १५.
विभागातील पाणीटंचाईची जिल्हानिहाय स्थिती
जिल्हा गावे वाड्या एकूण टँकर्स
पुणे १३० ११९६ २२१
सातारा १७६ ९३९ २०९
सांगली १७७ १२२५ २१८
सोलापूर ३३७ १९६७ ३८३
एकूण ८२० ५३२७ १०३१

 


इतर बातम्या
जिल्हा परिषदेचे दीड लाख कर्मचारी देणार...नगर ः कोरोना संसर्गाबाबत उपाययोजना करण्यासाठी...
राज्यात पुर्वमोसमी पावसाचा आजही अंदाज पुणे : गेल्या काही दिवसांपासून राज्यात पुर्वमोसमी...
नगर जिल्ह्यात तिसऱ्या दिवशी पावसाचा...नगर  ः नगर जिल्ह्यामध्ये सलग तिसऱ्या दिवशी...
शेतमाल निर्यातीसाठी वाणिज्य मंत्रालयाने...नागपूर  ः राज्यात जारी करण्यात आलेल्या...
औरंगाबाद, जालना जिल्ह्यात पाऊस औरंगाबाद/जालना: दोन्ही जिल्ह्यातील जवळपास ६७...
कलिंगड, खरबूज उत्पादक शेतकऱ्यांना फटकासोलापूर ः खास उन्हाळी हंगाम डोळ्यासमोर ठेवून...
राज्य तलाठी संघांकडून एक दिवसाचे वेतन...परभणी ः कोरोना बाधितांच्या मदतीसाठी तलाठी, मंडल...
कडवंची परिसरात व्यापारी द्राक्ष खरेदीला...जालना : आधी नैसर्गिक आपत्तीत नुकसान झालेल्या...
नांदेड येथे वाहतूक प्रमाणपत्र कक्ष...नांदेड ः अत्यावश्यक सेवा, वस्तू यांचा पुरवठा...
सांगली, मिरज, कुपवाड शहरात घरपोच...सांगली ः महापालिकेतर्फे सांगली, मिरज आणि कुपवाड...
परगावावरून आलेल्यांचे सरसकट होम...पुणे : ‘कोरोना’चा प्रादुर्भाव रोखण्यासाठी उपयोजना...
नगर जिल्ह्यात लाख मोलाची फुले होताहेत...नगर ः ‘कोरोना’च्या पार्श्वभूमीवर परराज्यातील...
पतसंस्थांचे कामकाज सुरु ठेवण्याचे आदेशअकोला  ः कोरोना विषाणू संसर्ग...
आपत्तीत मदत करू इच्छिणाऱ्यांची होणार...नाशिक : कोरोनाच्या पार्श्वभूमीवर जिल्ह्यातील...
दिग्रसमध्ये शेतकऱ्यांकडून थेट भाजीपाला...यवतमाळ  ः कोरोना विषाणूंचा प्रादुर्भाव...
वसंतदादा कारखान्याकडून सॅनिटायझरची...सांगली  ः ‘कोरोना’च्या पार्श्वभूमीवर...
सांगलीतील द्राक्ष उत्पादकांचा ओढा...सांगली  : द्राक्षांची वाहतूक सुरु झाली असली...
कोल्हापुरातील तपोवन मैदानावर घाऊक सौदे...कोल्हापूर  : येथील बाजार समितीत होणारे सौदे...
आपत्तीतही वीजपुरवठा सुरळीत करण्यासाठी ‘...पुणे  : ‘कोरोना’च्या आपत्तीमध्ये सुरळीत...
कळमना बाजार समितीत व्यवहार ठप्पनागपूर  ः कळमना बाजार समितीत धान्य...