agriculture NEWS stories in marathi, New technology developed for Ethanol mixing | Agrowon

इथेनॉलनिर्मिती, मिश्रणासाठी बनवले नवे तंत्र

वृत्तसेवा
बुधवार, 4 डिसेंबर 2019

वाहनातून होणाऱ्या कर्ब उत्सर्जनाचे प्रमाण कमी करण्यासाठी अधिक कार्यक्षम व हरित इंधनांच्या निर्मितीसाठी संशोधकांचे प्रयत्न सुरू आहेत. ॲरगॉन राष्ट्रीय प्रयोगशाळेतील संशोधकांनी इंधनामध्ये इथेनॉल मिसळण्याचे योग्य तंत्र विकसित केले आहे. हे संशोधन प्रोसिडिंग्स ऑफ दी नॅशनल ॲकेडमी ऑफ सायन्सेस या संशोधनपत्रिकेमध्ये प्रकाशित करण्यात आले आहे.

वाहनातून होणाऱ्या कर्ब उत्सर्जनाचे प्रमाण कमी करण्यासाठी अधिक कार्यक्षम व हरित इंधनांच्या निर्मितीसाठी संशोधकांचे प्रयत्न सुरू आहेत. ॲरगॉन राष्ट्रीय प्रयोगशाळेतील संशोधकांनी इंधनामध्ये इथेनॉल मिसळण्याचे योग्य तंत्र विकसित केले आहे. हे संशोधन प्रोसिडिंग्स ऑफ दी नॅशनल ॲकेडमी ऑफ सायन्सेस या संशोधनपत्रिकेमध्ये प्रकाशित करण्यात आले आहे.

२०१७ मध्ये अमेरिकेतील हरितगृह वायूंच्या उत्सर्जनापैकी सुमारे ३० टक्के उत्सर्जन हे वाहतुकीमुळे होते. वाहतुकीतील हरितगृह वायूचे उत्सर्जन कमी करण्यासाठी वाहनातील बदलासोबतच इंधनामध्ये बदल करण्याची आवश्यकता आहे. त्यासाठी सध्या पारंपरिक इंधनामध्ये इथेनॉल मिसळण्याचा एक पर्याय पुढे येतो. इथेनॉल तुलनेने स्वस्त असून, त्यामुळे पिकांच्या अवशेष विल्हेवाट लावण्याची समस्याही सोडवता येईल. मिश्रणाचे प्रमाण ठरवण्यासाठी यासाठी ॲरगॉन राष्ट्रीय प्रयोगशाळेतील आंतरशाखीय संशोधकांनी प्रयोग केले आहे. त्यांच्या अभ्यासातून हे मिश्रण सुधारित पद्धतीने केल्यास हरितगृह वायूच्या उत्सर्जनामध्ये ४० ते ९६ टक्के इतकी घट होऊ शकते. या संशोधनामुळे हवाई इंधन, जहाजाचे इंधन, मोठ्या आकाराचे ट्रक आणि एकूण माल वाहतुकीच्या इंधनासाठी फायदा होणार आहे. पर्यावरणाच्या रक्षणासोबतच माल वाहतुकीचा खर्चही कमी होऊ शकेल.

प्रक्रियातंत्र आणि मोजमाप ः

  • इथेनॉलच्या निर्मितीमध्ये अत्याधुनिक प्रक्रिया विकसित केली आहे. पारंपरिक पद्धतीमध्ये असलेल्या तीन टप्प्यांचे एकत्रीकरण केले आहे. या प्रक्रियेला कन्सॉलिडेटेड अल्कोहोल डिहायड्रेशन ॲण्ड ऑलिगोमरायझेन (CADO) असे म्हणतात. या प्रक्रियेचे तांत्रिक, आर्थिक परिणामांचे विश्लेषण करण्यात आले आहे.
  • या प्रक्रियेच्या अभ्यासासाठी संशोधकांनी हरितगृह वायू, नियंत्रित उत्सर्जन आणि वाहतुकीतील ऊर्जावापर यांचे एक प्रारूप तयार केले. त्याला ग्रीट प्रारूप (GREET model) नाव दिले. ते वेगवेगळ्या वाहनांची किंवा इंधनाचे विश्लेषण करते. इंधनातून कोणते घटक उत्सर्जित होतात, याचे मापन करते. त्याद्वारे ऊर्जेचा वापर आणि उत्सर्जनाची पातळी मोजता येत असल्याचे संशोधक मायकेल वांग यांनी सांगितले.
  • या तंत्राद्वारे इथेनॉलच्या निर्मितीसाठी वापरल्या जाणाऱ्या कच्च्या मालाचे (उदा. मका आणि ऊस, त्यांच्या टाकाऊ भाग) विश्लेषण केले. निर्मितीसाठी वापरल्या जाणाऱ्या कच्च्या शेतीमालानुसार होणारे बदल मोजण्यात आले. या विश्लेषणातून वांग आणि बेनाविड्स यांनी CADO प्रक्रियेने तयार केलेल्या हायड्रोकार्बन मिश्रणामुळे हरितगृह वायूच्या उत्सर्जनामध्ये ४० ते ९६ टक्क्यांपर्यंत घट होऊ शकते. ही घट प्रामुख्याने त्यामध्ये वापरल्या जाणाऱ्या कच्चा माल व रूपांतरण प्रक्रियेवर अवलंबून असते.

ही घट कच्च्या मालाप्रमाणे अशी होती ः

मका दाणे ४० टक्के
उसाचा रस ७० टक्के
उसाचा किंवा मका कडब्याचा चोथा ७० ते ९६ टक्के
 


इतर बातम्या
शेवतींच्या फुलांनी जिंकले मन !...मांजरी, पुणे : विविधरंगी शेवंतीच्या फुलांनी...
देशी कपाशीतील संशोधनाची शंभरीपरभणी येथील कापूस संशोधन केंद्र, मेहबूब बागची...
‘पांडुरंग', 'विठ्ठल’च्या निवडणुकांकडे...सोलापूर : आगामी वर्षात जिल्ह्यातील आघाडीच्या...
शेतीमधील गरज ओळखा ः डॉ. सिंगजालना : ‘‘कृषी विज्ञान केंद्रातील शास्त्रज्ञांनी...
सिद्धेश्‍वर कारखान्याची चिमणी तीन...सोलापूर : सिद्धेश्‍वर साखर कारखान्याची चिमणी...
लोणंद बाजार समितीत कांद्याला ११...लोणंद, जि. सातारा : कांद्याची आवक घटल्याने लोणंद...
किमान तापमानात घसरण, थंडीत चढ-उतार...महाराष्ट्राच्या समुद्र किनारपट्टीवर उत्तर दिशेने...
सिंधुदुर्ग जिल्ह्यात ढगाळ वातावरणाचा...सिंधुदुर्ग : गेले पाच दिवस जिल्ह्यात असलेल्या...
उसाला प्रतिटन चार हजार रुपये दर द्यावासातारा : ‘‘उसाला प्रतिटन चार हजार रुपये द्या, दोन...
टेंभू, ताकारी, म्हैसाळच्या पूर्णत्वाची...सांगली : टेंभू, ताकारी आणि म्हैसाळ योजनांच्या...
चोरट्यांपासून कांद्याच्या रक्षणासाठी...नगर ः बाजारात टंचाई असल्याने महिनाभरापासून...
नांदेड जिल्ह्यात मूग, उडदाच्या...नांदेड : यंदा खरीप हंगामात जिल्ह्यात मुगाची...
जैवविविधता संवर्धनासाठी सामूहिक...नाशिक: पर्यावरणाची योग्य ती काळजी न घेतल्याने...
नगरमध्ये ज्वारीवरील लष्करी अळीबाबत...नगर ः ज्वारीवर लष्करी अळी पडल्याने ज्वारीला...
नमुने निकषात, मात्र शेतमालाला मिळतोय...अकोला  ः शेतकरी शेतमाल पिकवतो. मात्र, छोट्या...
आघाडी सरकारचे खातेवाटप दोन दिवसांत ः...मुंबई ः मुख्यमंत्री उद्धव ठाकरे यांच्या...
नांदेड जिल्ह्यात हरभरा पेरणीच्या...नांदेड : जिल्ह्यात बुधवार (ता. ४) पर्यंत एकूण १...
देशी कापसाचा ब्रॅंड आवश्‍यकपरभणी ः आंतरराष्ट्रीय बाजारपेठेत लांब धाग्याच्या...
सिंचन घोटाळ्यात अजित पवार निर्दोष;...मुंबई ः राज्यातील बहुचर्चित सिंचन घोटाळ्यात...
साखर कामगारांच्या प्रश्नांकडे लक्ष...पुणे ः साखर कामगारांची अवस्था दयनीय झाली आहे....