एकल माश्या, जिवाणू यातील संबंधांचा अभ्यास आवश्यक

माश्यांच्या एकूण प्रजातीपैकी सुमारे नव्वद टक्के प्रजाती या वसाहती न करणाऱ्या आहेत. या प्रजाती जगण्याचा संघर्ष एकट्यानेच पार पाडत असून मधमाश्यांसारख्या, किंबहुना त्याहीपेक्षा अधिक प्रमाणामध्ये धोक्यात आहेत. अशा कीटकाच्या परिस्थितीकीचा अधिक अभ्यास होण्याची आवश्यकता संशोधक व्यक्त करत आहेत.  वसंतामध्ये सफरचंदाची झाडे पूर्ण फुलोऱ्यामध्ये असतात. या फुलोऱ्याचे रुपांतर शरद ऋतूमध्ये फळांमध्ये होत असते. फुलोऱ्याच्या काळामध्ये माश्यांच्या कामावरून ते फूल फळ होण्यात यशस्वी होणार की नाही, हे ठरत असे. सध्या माश्यांची संख्या प्रचंड कमी झाली आहे. भविष्यामध्ये प्रत्येक फुलाचे ब्रशच्या साह्याने परागीकरण करण्याचे हेच काम माणसांना करावे लागेल. सध्या चीनच्या काही प्रदेशांमध्ये ही बाब सत्यात उतरली आहे.  माश्यांची संख्या कमी होण्यामागील नेमक्या कारणांविषयी अद्याप माणसाला समजू शकलेले नाही. कृषी क्षेत्रातील कीटकनाशकांचा वापर, रहिवासाची हानी, रोगकारक सूक्ष्मजीव अशा अनेक संभाव्य कारणांचा सध्या अभ्यास केला जात आहे. जर्मनी येथील ज्युलियन मॅक्सिमिलन्स युनिव्हर्सिटाट बुर्झबर्ग येथील संशोधकांचा एक गट माश्यांसोबत आणि माश्यांच्या शरीरात राहणाऱ्या जिवाणू यावर संशोधन करत आहे. कारण हे सूक्ष्मजीव एखाद्या जीवांच्या संपूर्ण आयुष्यामध्ये अत्यंत महत्त्वाची भूमिका बजावत असतात. 

माश्या आणि जिवाणू यातील संबंधाचे स्तर 

विविध घटकांचे परिणाम