agriculture stories in Marathi Automatoes system for irrigation | Agrowon

संपूर्ण स्वयंचलित सिंचनासाठी केला कृत्रिम बुद्धिमत्तेचा वापर

वृत्तसेवा
सोमवार, 28 सप्टेंबर 2020

वॅगेनिंगन विद्यापीठातील संशोधकांच्या गटाने संपूर्ण स्वयंचलित हरितगृहासाठी अत्याधुनिक स्वयंचलित सिंचन यंत्रणा विकसित केली आहे. याला AuTomatoes एयू टोमॅटोज किंवा ॲटोमॅटोज असे नाव दिले आहे.

वॅगेनिंगन विद्यापीठातील संशोधकांच्या गटाने संपूर्ण स्वयंचलित हरितगृहासाठी अत्याधुनिक स्वयंचलित सिंचन यंत्रणा विकसित केली आहे. याला AuTomatoes एयू टोमॅटोज किंवा ॲटोमॅटोज असे नाव दिले आहे. या यंत्रणेमध्ये कृत्रिम बुद्धिमत्तेचा वापर केला असल्याने आवश्यकतेनुसार योग्य बदल आपोआप केले जातात. यामुळे पिकांच्या मुळांद्वारे अन्नद्रव्यांचे शोषण होण्यासाठी आवश्यक ते संतुलन मिळवणे शक्य होणार आहे.

वनस्पती किंवा पिकाची वाढ ही प्राधान्याने बाह्य वातावरणातील अनेक घटकांवर अवलंबून असते. सातत्याने या घटकांची संतुलन राखण्यासाठी वनस्पतींची मोठी ऊर्जा खर्च होत असते. खर्च होणारी ऊर्जा जर केवळ उत्पादनाकडे वळवता आली तरी पिकांच्या उत्पादनामध्ये निश्चितच वाढ होऊ शकते. या उद्देश सांगताना वॅगेनिंगन विद्यापीठातील संशोधक हूगेन्डूरम यांनी सांगितले, की वनस्पतीसाठी पाण्याचे संतुलन मिळवणे हे सोपे वाटत असले तरी त्यात सातत्य ठेवणे अवघड आहे. त्यासाठी अनेक स्वयंचलित सिंचन यंत्रणा उपलब्ध होत आहेत. मात्र, सिंचनाचे नेमके प्रमाण ठरवण्यासाठी माणसांवर अवलंबून राहावे लागते.

सिंचनाचे नेमके प्रमाण ठेवण्यामध्ये बाष्पीभवन वनस्पतींचे बाष्पोत्सर्जनापासून अनेक घटक विचारात घ्यावे लागतात. त्यात बदलत्या वातावरणानुसार सातत्याने बदलही होत असतात. वनस्पतीमध्ये शोषले जाणारे पाणी, अंतर्गत चयापचयाच्या प्रक्रियेसाठी वापरले जाणारे पाणी आणि बाहेर टाकले जाणारे पाणी यामध्ये संतुलन असावे लागते. पानांद्वारे बाहेर टाकले जाणारे पाणी जितके अधिक असेल, तितकेच मुळांद्वारे पाण्याचे शोषण अधिक असेल. म्हणजेच पाण्यासोबत अन्नद्रव्यांचे शोषणही अधिक होते. मात्र, मुळे कार्यरत राहण्यासाठी जमिनीमध्ये किंवा माध्यमांमध्ये योग्य ओलावा, कोरडेपणा आणि खेळती हवा असणे आवश्यक असते. याला आपल्याकडे वापसा स्थिती म्हणतात. हे प्रत्येक घटक मोजण्यासाठी वेगवेगळ्या उपकरणे, सेन्सर आता बाजारात उपलब्ध होत आहेत. त्यांच्याकडून मिळालेल्या माहितीचे विश्लेषण करण्यासाठी विविध शास्त्रीय सूत्रांचा वापर करावा लागतो. त्यांचे एक विशिष्ट पॅटर्न ठरलेले असतात. हे माणसांद्वारे करणे अडचणीचे व अवघड ठरते. अशा वेळी कृत्रिम बुद्धीमत्ता उपयोगी ठरू शकते. हे लक्षात घेऊन एयू टोमॅटोज हे कृत्रिम बुद्धिमत्तेद्वारे चालणारे स्वयंचलित तंत्र विकसित करण्यात आले आहे.

 


इतर टेक्नोवन
महिलांसाठी शेतीपयोगी अवजारेसुधारीत अवजारांचा वापर केल्याने शेतीच्या...
पिकातील सूर्यप्रकाशाची प्रत मोजणारी...आपल्याकडेही हरितगृह, शेडनेटगृहातील लागवड वेगाने...
खारपाणपट्ट्यातील समस्यांवर...दापुरा (ता. जि. अकोला) येथील स्वप्नील व संदीप या...
संरक्षित व नियंत्रित शेतीचे तंत्रज्ञानकृषी क्षेत्रात नियंत्रित शेतीला अनन्यसाधारण...
मुळांतील स्रावके ठरतात पिकासाठी संजीवनीवनस्पतींच्या वाढीमध्ये मुळाच्या परिवेशामध्ये...
कोको उत्पादनवाढीसाठी हाताने परागीभवनाचे...कोको पिकाला जागतिक पातळीवर मोठी मागणी आहे. मात्र...
वेळ, खर्चात बचत अन् गुणवत्तेसाठी...द्राक्ष बागेचे हंगाम व्यवस्थापन काटेकोरपणे होणे...
कृत्रिम बुद्धिमत्तेवर हवा नैतिकतेचा...वारविक विद्यापीठ, इंपिरिअल कॉलेज लंडन, इपीएफएल (...
पिकातील बाष्पोत्सर्जन मोजणारी उपकरणेशेतकऱ्यांनी सर्व जैविक घटक व आपले पीक याचा संबंध...
न रडवणारा गोड कांदा!कांदा हा नेहमीच कोणाला न कोणाला रडवतोच... एकतर...
संपूर्ण स्वयंचलित सिंचनासाठी केला...वॅगेनिंगन विद्यापीठातील संशोधकांच्या गटाने...
निर्यातीसाठी उष्णगृहामध्ये फळे, ...जॉर्जिया येथील ग्लेनबेरीज या थंड फळे आणि भाजीपाला...
तापमान, वारे, सापेक्ष आर्द्रता...पिकांच्या वाढीवर प्रामुख्याने हवामान घटकांचा (...
सीताफळातील गर, बिया वेगळे करण्यासाठी...सीताफळ हे फळ पिकल्यानंतर फार काळ साठवणे शक्य होत...
दर्जेदार रोपनिर्मिती पेपरपॉट, पीट मॉसचा...रोपनिर्मिती चांगल्या प्रकारे होण्यासाठी...
आवळा प्रक्रियेसाठी आवश्यक यंत्रेआपल्या गुणकारी, औषधी गुणधर्मामुळे अनेक आयुर्वेदीय...
वितरणासाठी ड्रोन तंत्रज्ञानाला गोदाम...सध्या केवळ ड्रोनच्या वापरातून उत्पादने...
अत्याधुनिक लायसीमीटर आधारित सिंचन...पिकाच्या सिंचनाची कार्यक्षमता वाढवण्यासाठी...
दूध काढण्यासाठी फिरती घडवंची, तिपाईदुग्ध व्यावसायिकांच्या अडचणी लक्षात घेऊन अखिल...
प्रकाश संश्लेषण प्रक्रियेतील...हिरव्या वनस्पती किंवा पिकांद्वारे सूर्यप्रकाशाचे...