agriculture stories in Marathi crop Advice (Konkan region) | Agrowon

कृषी सल्ला कोकण विभाग

कृषी विद्या विभाग, दापोली
गुरुवार, 28 नोव्हेंबर 2019

भुईमूग

भुईमूग

  •    पेरणी अवस्था
  •    भुईमुगाची लागवड पारदर्शक प्लॅस्टिक आच्छादन (५ ते ६ मायक्रॉन) वापरून करणे फायदेशीर ठरते. या पद्धतीने लागवडीसाठी जमिनीची नांगरट करून जमीन समपातळीत आणल्यानंतर ५-७ सेंमी उंचीचे व ६० सेंमी रुंदीचे गादीवाफे तयार करावेत. 
  •    दोन गादीवाफ्यामधील अंतर ३० सेंमी ठेवावे. गादीवाफे तयार करताना ४ ते ६ टन चांगले कुजलेले शेणखत जमिनीमध्ये वाफ्यावर मिसळावे. 
  •    एकरी ४४ किलो युरिया, २५० किलो सिंगल सुपर फॉस्फेट आणि ४० किलो म्युरेट ऑफ पोटॅश खताची संपूर्ण मात्रा पेरणीपूर्वी ओळीमध्ये ८ ते १० सें. मी. खोलीवर पडेल अशी द्यावी. 
  •    भुईमुगातील तणांच्या नियंत्रणासाठी ब्युटाक्लोर ५० मि.ली. प्रती १० लिटर पाणी या प्रमाणे ओलसर गादीवाफ्यावर पेरणीपूर्वी एकसारखी फवारणी करावी. 
  •    ठिबक सिंचनाच्या लॅटरल आच्छादन अंथरण्यापूर्वी टाकून घ्याव्यात. आच्छादनाच्या मध्यभागी २० सेंमी अंतरावर तीन ओळीमध्ये १० सेंमी अंतरावर ३ सेंमी व्यासाची छिद्रे पाडावीत. तणनाशक फवारणीनंतर प्लॅस्टिक आच्छादन गादीवाफ्यावर अंथरावे. कडांवर मातीचा थर द्यावा. 
  •    आच्छादनावर पाडलेल्या छिद्रामध्ये ३-४ सेंमी खोलीवर बियाण्याची पेरणी करावी. पेरणीसाठी १२५ ते १५० किलो प्रती हेक्टरी बियाणे वापरावे. 
  •    मर रोगाचा प्रादुर्भाव टाळण्यासाठी बियाण्यास पेरणीपूर्वी थायरम ३ ग्रॅम प्रती किलो या प्रमाणात चोळावे. पेरणीनंतर हलके पाणी द्यावे.

काजू

  •    मोहोर
  •    मोहोर फुटण्याच्या वेळी काजू मोहोराचे ढेकण्या व फुलकिडीपासून संरक्षण करण्यासाठी, फवारणी प्रति लिटर पाणी  
  •    प्रोफेनोफॉस (५० टक्के प्रवाही) १ मि.ली. 

आंबा

  •    पालवी ते बोंगे फुटणे अवस्था 
  •    जून झालेल्या आंबा पालवीला बोंगे फुटण्यास पोषक वातावरण तयार होत आहे. आंबा मोहोर संरक्षण वेळापत्रकानुसार दुसरी फवारणी तुडतुड्यांच्या व भुरी रोगाच्या नियंत्रणासाठी, फवारणी प्रति लिटर पाणी
  •    डेल्टामेथ्रीन (२.८ टक्के प्रवाही) १ मि.ली. अधिक गंधक (पाण्यात विरघळणारे ८० टक्के) २ ग्रॅम.

वाल

  •  रोप अवस्था 
  •  वाल पिकाची उगवण झाल्यानंतर १५ ते २० दिवसांनी रोपांची विरळणी करावी व  ६ ते ८ दिवसांच्या अंतराने नियमित पाणी द्यावे.

कलिंगड

  •    रोप अवस्था
  •    कलिंगड पिकास ४ ते ५ दिवसांच्या अंतराने नियमित पाणी द्यावे. 

वांगी 

  • रोप अवस्था 
  •  वांगी पिकाची रोपे लागवडीयोग्य झाली असल्यास पुनर्लागवड करावी. पाने लहान राहणे या रोगापासून संरक्षण करण्याकरिता पुनर्लागवड करतेवेळी रोपे डायमिथोएट १ मि. ली. प्रति लिटर पाणी या द्रावणात ५ मिनिटे बुडवून रोपांची लागवड करावी. लागवड सरी वरंब्यावर ६० x ६० सें.मी. अंतरावर करावी. लागवडीच्या वेळेस प्रती एकरी ८ टन शेणखत, ४३ किलो युरिया, १२५ किलो सिंगल सुपर फॉस्फेट आणि ३३ किलो म्युरेट ऑफ पोटॅश खताची मात्रा द्यावी. लागवडीनंतर पाणी द्यावे.  

मिरची 

  •    रोप अवस्था 
  •    मिरची पिकाची रोपे लागवडीयोग्य झाली असल्यास पुनर्लागवड करावी. लागवड सरी वरंब्यावर ६० x ६० सें.मी. अंतरावर करावी. लागवडीच्या वेळेस प्रती एकरी ६ टन शेणखत, ६५ किलो युरिया, १८८ किलो सिंगल सुपर फॉस्फेट आणि ३३ किलो म्युरेट ऑफ पोटॅश खताची मात्रा द्यावी. लागवडीनंतर लगेच पाणी द्यावे.  

 ः ०२३५८- २८२३८७
(कृषी विद्या विभाग, डॉ. बाळासाहेब सावंत कोकण कृषी विद्यापीठ, दापोली.)


इतर कृषी सल्ला
आव्हानाला सामोरे जाण्यासाठी शेतकरी...हवामान बदलाच्या समस्येला सामोरे जाण्यासाठी शेतकरी...
असे करा ज्वारीवरील खोडकिडीचे नियंत्रण..ज्वारी हे मानवी खाद्य आणि पशुखाद्यासाठी कडबा अशा...
..हे आहेत सुपीकता, उत्पादकतेवर परिणाम...पिके मोठ्या प्रमाणावर जमिनीमधून नत्र आणि पालाश...
दर्जेदार केळी उत्पादनाचे तंत्रकेळी घडातील फळांच्या आकारात एकसमान बदल होऊन घड...
असे करा रुगोज चक्राकार पांढरी माशीचे...थंडी वाढू लागल्यानंतर कडाक्याच्या थंडीला सुरुवात...
मत्स्यपालन : तंत्र बायोफ्लॉक उत्पादनाचे...फ्लॉकची इष्टतम पातळी ही संवर्धनयोग्य माश्यांच्या...
या आठवड्यात ढगाळ, थंड, कोरडे हवामान...महाराष्ट्राच्या मध्य भागावर पूर्व व पश्‍चिम...
सुधारित पद्धतीने करा हळद काढणीसर्वसाधारणपणे जातीपरत्वे हळद काढण्यास ७ ते ९...
असे करा संत्रा बागेत आंबिया बहरासाठी खत...संत्रा-मोसंबी बागेपासून आर्थिक उत्पादन...
कृषी सल्लावाल  फुलोरा अवस्था वाल पिकावरील शेंगा...
तुरीवरील शेंगमाशीचे नियंत्रणतूर हे महाराष्ट्रातील प्रमुख डाळवर्गीय पीक आहे....
भविष्यासाठी नद्या जपण्याची गरजप्रत्यक्ष जीवनामध्ये हवामानाचे विविध बदल जाणवून...
फळबागेत आच्छादन कराफळपिकांमध्ये साधारणपणे १० अंश सेल्सिअसपेक्षा...
अशी करा नवीन द्राक्ष लागवडीची तयारीद्राक्ष लागवडीसाठी हा कालावधी महत्त्वाचा आहे....
राज्यात थंडीचे प्रमाण सामान्य राहील सह्याद्री पर्वतरांगांवर हवेचा दाब १०१४...
एल निनो म्हणजे नेमके काय ?हवामानाविषयी माहितीमध्ये सातत्याने ऐकू येणाऱ्या...
गारपीटग्रस्त संत्रा बागेसाठी उपाययोजनामराठवाड्यातील काही भागांसह विदर्भात पुन्हा पाऊस व...
असे करा आंब्यावरील तुडतुड्यांचे नियंत्रणलांबलेल्या पावसामुळे आंबा पिकातील पालवीचा कालावधी...
असे करा वाढीच्या अवस्थेनुसार गहू...गव्हाच्या अधिक उत्पादनासाठी योग्य पाणी...
असे करा गव्हावरील तांबेरा रोगाचे...गहू पिकाचा हंगाम सुरू होऊन दोन महिने उलटून गेले...