agriculture stories in Marathi, Crop advice Rahuri region | Agrowon

कृषी सल्ला (राहुरी विभाग)

कृषी विद्या विभाग, राहुरी
मंगळवार, 1 ऑक्टोबर 2019

रब्बी ज्वारी

रब्बी ज्वारी

  • अवस्था ः पेरणीपूर्व तयारी
  • रब्बी ज्वारीची पेरणी १५ सप्टेंबर ते १५ ऑक्टोबर या कालावधीत करावी. 
  • पेरणीसाठी जाती 
  • हलकी जमीन- सिलेक्शन-३, फुले माऊली 
  • मध्यम जमीन- फुले चित्रा, फुले माऊली, मालदांडी-३५-१ 
  • भारी जमीन- वसुधा, फुले यशोदा, सी.एस.वही.-२२ 
  • बागायतीसाठी- फुले वसुधा, फुले यशोदा, सी.एस.वही.-२२ या वाणांचा वापर करावा. 
  • ज्वारीची पेरणी ४५ x १५ सें मी. अंतरावर करावी. 
  • पेरणीपूर्वी प्रतिकिलो बियाण्यास ४ ग्रॅम गंधक (३०० मेष) चोळावे. तसेच २५ ग्रॅम ॲझोटोबॅक्टर व पी.एस.बी. या जिवाणू संवर्धकांची प्रक्रिया करून हेक्टरी १० किलो बियाणे वापरावे. 

गहू
अवस्था ः पेरणीपूर्व तयारी
एक नांगरट करून ३-४ कुळवाच्या पाळ्या द्याव्यात. शेवटच्या कुळवाच्या पाळीअगोदर ८-१० टन प्रतिहेक्टर कंपोस्टखत टाकावे.

हरभरा
अवस्था ः पेरणीपूर्व तयारी
हरभरा हे रब्बी हंगामातील पीक असल्याने कोरडे व थंड हवामान त्याला मानवते. कोरडवाहू क्षेत्रामध्ये हस्त नक्षत्राच्या पहिल्या चरणानंतर म्हणजे २५ सप्टेंबरनंतर जमिनीची ओल उडून जाण्यापूर्वी पेरणी करावी. यासाठी प्रामुख्याने विजय हा वाण वापरावा. बागायती हरभरा २० ऑक्टोबर ते १० नोव्हेंबर या दरम्यान पेरावा. त्याकरिता दिग्विजय, विराट, विशाल या वाणाचे बीज उपलब्ध करून ठेवावे.

करडई

  • अवस्था ः पेरणीपूर्व तयारी
  • करडई पिकाच्या पेरणीसाठी एस.एस.एफ. ७०८, फुले चंद्रभागा या सुधारित वाणांची निवड करावी. 
  • पेरणीपूर्वी प्रतिकिलो बियाण्यास अॅझोटोबॅक्टर २५ ग्रॅम अधिक पी.एस.बी. २५ ग्रॅम आणि बुरशीजन्य रोगापासून रोप अवस्थेतील संरक्षणासाठी ट्रायकोडर्मा ५ ग्रॅम प्रतिकिलो प्रमाणे बीजप्रक्रिया करावी.

कांदा

  • अवस्था ः पुनर्लागवड
  • पुनर्लागवडीच्या वेळी रोपे कार्बेन्डाझिम १ ग्रॅम प्रतिलिटर पाणी या द्रावणात २ तास बुडवून ठेवावीत, यामुळे रोपे रूजू होण्याच्या दरम्यान बुरशीजन्य रोगाचा प्रादुर्भाव कमी करता येतो. 
  • तुषार सिंचनाचा वापर केल्यास फुलकिडीचे काही प्रमाणात नियंत्रण होते.
  •  मातीत ओलावा असताना हेक्टरी ट्रायकोडर्मा व्हिरीडी १२५० ग्रॅम अधिक ॲझोस्पिरीलम ५ किलो अधिक पीएसबी ५ किलो प्रती १०० किलो गांडूळखत किंवा चांगले कुजलेल्या कंपोस्टखतात मिसळून टाकावे. यामुळे रोप कोलमडत नाहीत. रोपांची वाढ निकोप होते. 
  • रस शोषक किडीच्या नियंत्रणासाठी एकरी २५-३० पिवळे चिकट सापळे लावावेत.

बाजरी
    चिकटा रोगाचा प्रादुर्भाव दिसून येताच, फवारणी प्रतिलिटर पाणी
    कॉपर ऑक्सिक्लोराईड (५० डब्ल्यूपी) ३ ग्रॅम किंवा मॅन्कोझेब (७५ डब्ल्यूपी) ३ ग्रॅम. 

कापूस
अवस्था ः पाते लागणे ते फुले उमलणे
    बोंडअळीच्या नियंत्रणासाठी एच.एन.पी.व्ही. हे विषाणूजन्य कीटकनाशक (हेक्टरी ५०० एल.ई.) 
१ मि.लि. प्रतिलिटर पाणी याप्रमाणे फवारणी करावी.

सोयाबीन

  • अवस्था ः शेंगा लागणे
  • स्पोडोप्टेरा अळीच्या जैविक नियंत्रणासाठी, फवारणी प्रति लिटर पाणी
  • एस.एल.एन.पी.व्ही. १ मिली किंवा नोमुराईया रिलेई ५ ग्रॅम. 
  • सोयाबीनवरील स्पोडोप्टेरा, हिरवी उंट अळी, गर्डल बीटलच्या नियंत्रणासाठी, फवारणी प्रति लिटर पाणी
  • क्लोरॲण्ट्रानीलीप्रोल (१८.५ टक्के प्रवाही) ०.३ मिली किंवा फ्ल्युबेन्डायअमाईड (३९.३५ टक्के प्रवाही) ०.२ मिली अथवा लुफेनुरॉन (५.४ टक्के प्रवाही) १.२ मिली. 

तूर
अवस्था ः फुलोऱ्याची अवस्था
लवकर येणाऱ्या वाणावरील फुलकळी व शेंगांच्या संरक्षणासाठी, फवारणी प्रतिलिटर पाणी
क्लोरॲण्ट्रानीलीप्रोल (१८.५% प्रवाही) ०.३ मि.ली. किंवा इमामेक्टीन बेन्झोएट (५% पाण्यात विरघळणारे) ०.४ ग्रॅम.

 ः ०२४२६ २४३२३९
(कृषी विद्या विभाग, महात्मा फुले कृषी विद्यापीठ, राहुरी)


इतर ताज्या घडामोडी
कर्जमाफीसाठी बँकर्स समितीची बैठक...मुंबई : ‘‘राज्यातील शेतकऱ्यांना कर्जमाफीचा लाभ...
मुंबईतून आजपासून ५० विमानांची ये-जामुंबई : देशांतर्गत विमान उड्डाणे उद्यापासून सुरू...
टोमॅटो प्रश्नी समाधानकारक निदान,...पुणे : विषाणूग्रस्त टोमॅटो प्रश्नी शेतकऱ्यांना...
सातारा जिल्हा बॅंकेस १३३.९५ कोटींचा...सातारा  : सातारा जिल्हा मध्यवर्ती सहकारी...
सिंदखेड ग्रामस्थांना होमिओपॅथी औषधाचे...अकोला  ः ‘कोरोना’चा वाढता प्रादूर्भाव सध्या...
राज्यसभेवर व्हावी प्रयोगशील शेतकऱ्यांची...अमरावती ः भारताच्या राष्ट्रपतींव्दारा राज्यसभेवर...
थेट निविष्ठा पुरवठ्यातून वेळ-पैशांची...यवतमाळ ः कोरोनामुळे उद्भवलेल्या परिस्थितीत...
कापसाप्रमाणेच नाफेडच्या तूर खरेदीची गती...कलगाव, जि. यवतमाळ ः कापसाप्रमाणेच नाफेडव्दारे होत...
यवतमाळ जिल्ह्यातील २४ गावे माॅन्सून...यवतमाळ ः जिल्ह्यात अतिवृष्टीनंतर निर्माण होणाऱ्या...
सौंदड येथे थेट निविष्ठा वितरण उपक्रमाचा...गोंदिया ः कोरोना लॉकडाऊनमुळे शेतकऱ्यांना निविष्ठा...
नागपूरमधून २५ हजार शेतकऱ्यांकडून होणार...नागपूर ः कापूस उत्पादक शेतकऱ्यांकडील शिल्लक...
अमरावतीत पाणीटंचाईची ६६९ गावांमध्ये...अमरावती ः माॅन्सूनचे आगमन की दिवसांवर असतानाच...
मते मांडण्यास संधी नसल्याने नगर 'जिप'ची...नगर  ः जिल्हा परिषदेची बुधवारी (ता.२७) सभा...
परभणी जिल्ह्यात बीटी कपाशीची सहा लाख...परभणी ः परभणी जिल्ह्यात सोमवार (ता. २५) पासून...
बाहेरून येणाऱ्या प्रत्येक व्यक्तीला...नगर   ः एका क्षणी सर्वाधिक कोरोनाबाधित...
नगर : शेतकरी घरीच तपासत आहेत सोयाबीन...नगर  ः खरीप हंगामात सोयाबीन बियाण्याचा...
पुणे जिल्ह्यातील रस्त्यांची कामे सुरू...पुणे  : राज्यात कोरोना प्रादुर्भावामुळे लागू...
लग्नासाठी पन्नास व्यक्तींच्या...नगर  ः कोरोना आजाराचे संकट व त्यामुळे...
परभणी, हिंगोलीत २८ हजार क्विंटल हरभरा...परभणी ः किमान आधारभूत किंमत खरेदी योजनेअंतर्गत...
कृषी पदव्युत्तरच्या ऑनलाइन परीक्षेचा...पुणे  ः ‘कोरोना’चा शिक्षण क्षेत्रावर गंभीर...