कृषी सल्ला (राहुरी विभाग)

कृषी सल्ला (राहुरी विभाग)
कृषी सल्ला (राहुरी विभाग)

हवामान अंदाज ः पुढील पाच दिवस आकाश ढगाळ राहील. काही ठिकाणी तुरळक स्वरूपाचा पाऊस पडण्याची शक्यता आहे. पावसाची शक्यता असल्याने काढणी केलेल्या शेती मालाची सुरक्षित ठिकाणी साठवणूक करावी. पाऊस झालेल्या ठिकाणी शेतातील अतिरिक्त पाणी शेताच्या बाहेर काढावे. पावसाळ्यात फवारणी करताना स्टीकरचा वापर करावा. पिकांमध्ये कोणतेही कार्य करण्यापूर्वी पावसाचा अंदाज घ्यावा. गहू

  • अवस्था -पेरणी
  • वेळेवर बगायती गव्हाची पेरणी करण्याकरिता विद्यापीठाने विकसित केलेल्या जातींची निवड करावी. १ ते १५ नोव्हेंबरपर्यंत बीजप्रक्रिया करून पेरणी करावी.
  • बीजप्रक्रिया : थायरम ३ ग्रॅम प्रतिकिलो बियाणे. त्याचप्रमाणे प्रतिकिलो बियाण्यास २५ ग्रॅम ॲझेटोबॅक्टर व २५ ग्रॅम पीएसबी या जिवाणूखताची बीजप्रक्रिया करावी.
  • ऊस

  • अवस्था - वाढीची
  • पूर्व हंगामी ऊस लागवड करण्यासाठी विद्यापीठाने विकसित केलेल्या जातींची निवड करावी.
  • बेणे प्रक्रिया : बुरशीजन्य रोग व खवले कीड यांच्यापासून संरक्षण होण्यासाठी ऊस बेणे लागवडीपूर्वी डायमेथोएट (३०% प्रवाही) २.६५ मिली प्रतिलिटर पाणी या द्रावणामध्ये १० मिनिटांसाठी बुडवून ठेवावे.
  • बटाटा अवस्था ः पेरणी रब्बी हंगामासाठी बटाटा या पिकांची लागवड करावी. लागवडीसाठी कुफरी ज्योती, कुफरी लवकर, कुफरी सिंधुरी, कुफरी सूर्या इ. जातींचा वापर करावा. वाटाणा अवस्था ःपेरणी रब्बी हंगामासाठी वाटाणा या पिकाची लागवड करावी. लागवडीसाठी बोनव्हिला, अरकेल, फुले प्रिया इ. वाणांचा वापर करावा. तूर

  • अवस्था- शेंगा भरण्याची अवस्था
  • तूर पीक ५० टक्के फुलोऱ्यात आले असेल तर १९:१९:१९ किंवा ००:५२:३४ या खताची फवारणी ५ ग्रॅम प्रतिलिटर पाणी या प्रमाणात करावी.
  • ढगाळ हवामान आणि पाऊस अशा वातावरणात ठिपक्यांची शेंगा पोखरणाऱ्या (मरुका) अळीचा प्रादुर्भाव वाढतो. फूल व कळीचे मोठे नुकसान होते. तसेच शेंगा पोखरणाऱ्या (घाटे अळी) अळीचा प्रादुर्भाव होण्याची शक्यता आहे. प्रादुर्भाव आढळल्यास या किडींच्या नियंत्रणासाठी फवारणी प्रतिलिटर पाणी ५ टक्के निंबोळी अर्क किंवा ॲझाडिरॅक्टिन (३०० पीपीएम) ५ मिली किंवा एचएएनपीव्ही (५०० एलई) १ मिली किंवा क्विनॉलफॉस (२५% प्रवाही) १.६ मिली किंवा
  • फ्लुबेंडायअमाईड (२०% दाणेदार) ०.५ ग्रॅम किंवा क्लोरॲण्ट्रानिलीप्रोल (१८.५% प्रवाही) ०.३ मिली. आवश्यकता भासल्यास दुसरी फवारणी पंधरा दिवसांच्या अंतराने करावी.
  • मर आणि वांझ रोगाची झाडे आढळल्यास ती उपटून योग्य रीतीने विल्हेवाट लावावी. अशी झाडे खोड खड्ड्यात गाडून नष्ट करावीत.
  • शेंगा पोखरणाऱ्या अळीच्या नियंत्रणासाठी स्पिनोसॅड (४५% प्रवाही) ०.२५ मिली प्रतिलिटर पाणी याप्रमाणे फवारणी करावी.
  • हरभरा

  • अवस्था - लागवड
  • बागायती हरभऱ्याची लागवड १० नोव्हेंबर या कालावधीत करून घ्यावी.
  • पेरणीसाठी विद्यापीठाने प्रसारित केलेल्या वाणांना प्राधान्य द्यावे.
  • मुळकुज आणि मानकुजव्या रोगापासून होणारे संभाव्य नुकसान टाळण्यासाठी ट्रायकोडर्मा या जैविक बुरशीनाशकाची ५ ग्रॅम प्रतिकिलो बियाणे या प्रमाणात बीजप्रक्रिया करावी किंवा २.५ किलो प्रतिहेक्टरी शेणखत किंवा गांडूळखतासोबत जमिनीत टाकावे.
  • जिरायत हरभरा पिकात गरज असल्यास खुरपणी किंवा कोळपणी करावी.
  • ज्वारी

  • खोडकिडीच्या नियंत्रणासाठी क्विनॉलफॉस (२५ ई.सी.) १.५ मिली प्रतिलिटर पाणी या प्रमाणे फवारणी करावी.
  • या पिकावर मुख्यत: मावा किडीचा प्रादुर्भाव दिसून येतो. या रसशोषक किडीच्या नियंत्रणासाठी डायमेथोएट (३०% प्रवाही) १.५ मिली प्रतिलिटर पाणी याप्रमाणे फवारणी करावी.
  • करडई या पिकावर मुख्यत: मावा किडीचा प्रादुर्भाव दिसून येतो. या रसशोषक किडींच्या नियंत्रणासाठी डायमेथोएट (३०% प्रवाही) १.५ मिली प्रतिलिटर पाणी याप्रमाणे फवारणी करावी. भाजीपाला पिके १) रसशोषक किडी : व्हर्टिसीलियम लेकॅनी ४ ग्रॅम प्रतिलिटर पाणी, निंबोळी अर्क ४ टक्के फवारणी करावी. २) पाने आणि फळे खाणाऱ्या अळ्या : निंबोळी अर्क (४ टक्के), बिव्हेरिया बॅसियाना ४ ग्रॅम प्रतिलिटर पाणी, एच.एन.पी.व्ही. (हेलिओकील) १ मिली प्रतिलिटर पाणी याप्रमाणे फवारणी करावी. टोमॅटो

  • अवस्था - फळे लागणे
  • टोमॅटोवरील रसशोषक किडी (फुलकिडे, पांढरी माशी व मावा) यांच्या नियंत्रणासाठी इमिडाक्लोप्रिड (१८ एस.सी.) ०.५ मिली किंवा फिप्रोनील (५ इसी) १.५ मिली प्रतिलिटर पाणी याप्रमाणे फवारणी करावी.
  • करपा रोगाच्या नियंत्रणासाठी कार्बेन्डाझीम १ ग्रॅम प्रतिलिटर पाणी याप्रमाणे फवारणी करावी.
  • संपर्क ः ०२४२६-२४३२३९ (कृषिविद्या विभाग, महात्मा फुले कृषी विद्यापीठ, राहुरी)

    Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

    ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

    Related Stories

    No stories found.
    Agrowon
    agrowon.esakal.com