agriculture stories in marathi, crop plantation schedule for delayed rainfall | Page 3 ||| Agrowon

पावसानुसार करा पीक लागवडीचे नियोजन 

डॉ. भगवान आसेवार 
सोमवार, 29 जुलै 2019

पावसाच्‍या ताणाच्‍या काळात पिकांतील तणांचे नियंत्रण करावे. कोळप्याने वरचेवर उथळ मशागत करावी. यामुळे पिकाबरोबर तणांची स्‍पर्धा कमी होऊन जमिनीतील ओलावा जास्‍त काळ टिकेल. पिकांची उगवण झाल्‍यावर १५ ते २० दिवसांनंतर पिकामध्‍ये ४ ते ६ ओळीनंतर बळीराम नांगर किंवा कोळप्‍याच्‍या मदतीने सऱ्या काढाव्‍यात. यामुळे सुरवातीस पडलेला पाऊस सऱ्यामध्‍ये साठविला जाऊन पाण्‍याची उपलब्‍धता वाढते. 

पावसाच्‍या ताणाच्‍या काळात पिकांतील तणांचे नियंत्रण करावे. कोळप्याने वरचेवर उथळ मशागत करावी. यामुळे पिकाबरोबर तणांची स्‍पर्धा कमी होऊन जमिनीतील ओलावा जास्‍त काळ टिकेल. पिकांची उगवण झाल्‍यावर १५ ते २० दिवसांनंतर पिकामध्‍ये ४ ते ६ ओळीनंतर बळीराम नांगर किंवा कोळप्‍याच्‍या मदतीने सऱ्या काढाव्‍यात. यामुळे सुरवातीस पडलेला पाऊस सऱ्यामध्‍ये साठविला जाऊन पाण्‍याची उपलब्‍धता वाढते. 

या वर्षी पावसाचे आगमन वेळेपूर्वी होऊन जून महिन्याच्या पहिल्या पंधरवाड्यात चांगला पाऊस झाला परंतु, मागील काही दिवसांपासून पावसाने उघडीप दिली आहे. सध्याच्या परिस्थतीचा विचार केला तर ५० टक्के पेरण्या पूर्ण झालेल्या आहेत. पावसाच्या वितरणामध्ये तफावत दिसून येत आहे. 

पीक नियोजनाची पद्धती  
पेरणीयोग्‍य पावसाचा आगमन कालावधी कोणती पिके 
घ्‍यावीत
कोणती पिके
घेऊ नयेत
१६ जुलै ते ३१ जुलै सं. बाजरी, सूर्यफूल,  बाजरी + तूर, 
एरंडी + धने, एरंडी + तूर
कापूस, सं. ज्‍वारी, भुईमूग
१ ऑगस्‍ट ते १५ ऑगस्‍ट एरंडी आणि तीळ सं. बाजरी, रागी, सूर्यफूल, तूर, एरंडी + धने, एरंडी + तूर, एरंडी आणि धने (अपरिहार्य परिस्थितीत) कापूस, सं. ज्‍वारी, भुईमूग
१६ ऑगस्‍ट ते ३१ ऑगस्‍ट सं. बाजरी, सूर्यफुल, तूर, एरंडी + धने, एरंडी + तूर आणि धने कापूस, सं. ज्‍वारी, भुईमूग, रागी आणि तीळ

टीप ः सर्वसाधारणपणे उशिरा पेरणीसाठी तूर, बाजरी, सूर्यफुल, एरंडी आणि हलक्‍या जमिनीसाठी एरंडी, तीळ आणि कारळ ही पिके चांगली आढळून आली आहेत. उशिरा पडलेला जास्‍त प्रमाणातील पाऊस आणि अतिवृष्‍टीच्‍या वर्षात सार्वाधिक नफा तूर या पिकापासून मिळालेला आहे. 

पावसाच्‍या ताणांमुळे निर्माण झालेल्‍या परिस्थितीतील व्‍यवस्‍थापन : 
आपत्‍कालीन परिस्थितीत शिफारस करण्‍यात आलेली पिके आणि पीक पध्‍दती घेतल्‍यानंतर पावसाच्‍या ताण पिकाच्‍या कोणत्‍याही कालावधीत पडू शकतो. 
खरीप हंगामाच्‍या सुरवातीस पावसाचा ताण : 
१) हंगामाच्‍या सुरवातीस पावसाचा ताण हा खरी हंगामातील पिके पेरल्‍याबरोबर अथवा मुळातच पावसाला उशिरा सुरवात झाल्‍यानंतर पडतो. खरीप पिकांची पेरणी झाल्‍याबरोबर पावसाचा ताण पडल्‍यास पिकांची कोवळी रोपे सुकतात. काही रोपे मरून जातात आणि पर्यायाने झाडांची प्रमाणित संख्‍या राखली जात नाही. अशा परिस्थितीत झाडांची संख्‍या २५ टक्‍के प्रमाणित संख्‍येपेक्षा कमी असल्‍यास पिकामधील नांगे भरून काढावीत. नांगे भरताना बी योग्‍य ओलीत पडल्‍याची दक्षता घ्‍यावी. कोवळ्या रोपांना मातीचा आधार द्यावा. 
२) जर झाडांची संख्‍या ५० टक्‍क्यांपेक्षा कमी असेल आणि रोपे वाळण्‍याचे प्रमाण मोठ्या प्रमाणात असेल तर पेरलेले पीक मोडून नव्‍याने पेरणी करावी त्‍यासाठी लेखातील चौकटीमध्‍ये दर्शविलेल्‍या प्रमाणे त्‍या त्‍या वेळी योग्‍य पिके आणि पीक पध्‍दती पेराव्‍यात, ज्‍यामुळे होणारे नुकसान कमी प्रमाणात होऊन चांगला फायदा मिळतो. 

हंगामाच्‍या मध्‍यम कालावधीत पावसाचा ताण : 
१) पावसाच्‍या ताणाच्‍या काळात पिकांतील तणांचे नियंत्रण करावे. कोळप्याने वरचेवर उथळ मशागत करावी. यामुळे पिकाबरोबर तणांची स्‍पर्धा कमी होऊन जमिनीतील ओलावा जास्‍त काळ टिकेल. 
२) शेतातील कडीकचरा तसेच काढलेले अर्धवट सुकलेले तण शेतामध्‍ये पसरून टाकावे, ज्‍यामुळे जमिनीतील पाण्‍याचे बाष्‍पीभवन कमी होऊन पाण्‍याची उपलब्‍धता वाढते. 
३) पिकांची उगवण झाल्‍यावर सर्वसाधारण १५ ते २० दिवसांनंतर पिकामध्‍ये ४ ते ६ ओळीनंतर बळीराम नांगराने अथवा कोळप्‍याच्‍या मदतीने सऱ्या काढाव्‍यात. यामुळे सुरवातीस पडलेला पाऊस सऱ्यामध्‍ये साठविला जाऊन पाण्‍याची उपलब्‍धता वाढते. उत्‍पादनात १५-२० टक्‍के वाढ होते. 
४) पिकाच्या अवस्थेनुसार जमिनीतील ओलावा कमी झाल्यास अन्नद्रव्यांची मात्रा फवारणीतून द्यावी. यामध्ये पीक ३० दिवसांपर्यंत असल्यास पोटॅशिअम नायट्रेट १०० ग्रॅम प्रती १० लिटर पाण्यात मिसळून फवारणी करावी. त्यामुळे पिकांची पाण्याचा ताण सहन करण्याची क्षमता वाढते. 
५) या काळात विहिरीमध्‍ये अथवा शेततळ्यात पाणी असल्‍यास पिकाला संरक्षित पाणी द्यावे. 

आंतरपिकावर द्या भर ः 
१) संशोधनातून असे निदर्शनास आले की आपत्‍कालीन परिस्थितीत कोणतेही सलग एक पीक घेण्‍यापेक्षा मुख्‍य पीक आधारित आंतरपीक पध्‍दती, शिफारस केलेल्‍या प्रमाणानुसार घेणे जास्‍त फायद्याचे ठरते जसे : ज्‍वारी + तूर (३:३ किंवा ४:२ ओळी), बाजरी + तूर (३:३), एरंडी + धने (१:२ ओळी). 
२) या पध्‍दतीने आंतरपीक पध्‍दतीचे अवलंबन करावे. आपत्‍कालीन पीक परिस्थितीत रोग आणि किडीचे प्रमाण जास्‍त असल्‍याची शक्‍ता असते त्‍यामुळे रोग प्रतिबंधक आणि किडींना कमी बळी पडणाऱ्या पिकांच्‍या जातींची निवड करावी. 

संपर्क ः डॉ. भगवान आसेवार-९४२००३७३५९ 
(मुख्य शास्त्रज्ञ, अखिल भारतीय समन्वयीत कोरडवाहू शेती संशोधन प्रकल्प, वसंतराव नाईक मराठवाडा कृषी विद्यापीठ, परभणी) 


फोटो गॅलरी

इतर कृषी सल्ला
पिकावर परिणाम करणारे हवामानातील विविध...स्थानिक हवामानानुसार लागवडीसाठी योग्य पिकांची...
बीबीएफ टोकण यंत्राने करा पेरणीरुंद वरंबा सरी पध्दतीचा प्रमुख उद्देश म्हणजे...
बहुभक्षीय उपद्रवी कीड ः वाळवंटी टोळवाळवंटी टोळ किंवा नाकतोडा ही कीड मोठ्या प्रमाणात...
असे करा द्राक्षबागेतील स्ट्रोमॅशिअम...खोडकिडीचे प्रौढ भुंगेरे साधारणतः मान्सूनपूर्व,...
वातावरणातील बदलाचे रोगकिडीवर होणारे...वातावरणातील घटकांचे ज्या प्रमाणे मानवावर परिणाम...
उष्ण, कोरडे हवामान , काही जिल्ह्यात...महाराष्ट्रावर १००६ हेप्टापास्कल इतका हवेचा कमी...
सामुहिक पद्धतीने करा रानडुक्करांचे...रानडुक्कर प्रामुख्याने रात्री आणि पहाटे...
जास्तीच्या ओलाव्यामुळे येणाऱ्या ...गेल्या आठवड्यात बऱ्याच भागात पाऊस झाला व काही...
कोरडवाहू शेतीकरीता मुलस्थानी जलसंधारणकोरडवाहु शेती संपूर्णपणे पावसाच्या पाण्यावर...
खरीपासाठी निवडा दर्जेदार बियाणे...लॉकडाऊनचा चौथा टप्पा सुरू झाला असला तरी शासनाने...
कृषी सल्ला (कोकण विभाग)शुक्रवार ते रविवार (ता. १५ ते १७) दरम्यान तुरळक...
...अशी तपासा बियाणांची उगवणक्षमताबीजोत्पादित केलेल्या बियाणांची उगवण क्षमता...
घडनिर्मिती, डोळा फुटणे अन् स्कॉर्चिंग...गेल्या दोन दिवसापूर्वी द्राक्ष विभागामध्ये पाऊस,...
गुलाबी बोंडअळी रोखण्यासाठी पूर्वहंगामी...कपाशी पिकामध्ये गुलाबी बोंडअळीच्या...
उन्हाळी पिकांसाठी सल्लाविदर्भासह विविध ठिकाणी उन्हाळी पिकांमध्ये खालील...
गारपीटीनंतर बागेतील उपाययोजनाद्राक्षबागेत वेलीच्या कालपर्यंत व्यवस्थितरीत्या...
हवामानाच्या अंदाजानुसार करा हंगामाचे...प्रत्येक कामांच्या नियोजनापूर्वी दैनंदिन हवामान...
उष्ण कोरडे हवामान अन् पावसाची शक्‍यतामहाराष्ट्रावरील हवेचा दाब १००८ हेप्टापास्कल इतका...
जमिनीतील सेंद्रिय कर्ब वाढवा...सेंद्रिय कर्बांचे प्रमाण जमिनीच्या आरोग्यासाठी...
द्राक्षबागेत जाणवणाऱ्या समस्यावरील...द्राक्षबागेतील वातावरणाचा आढावा घेतल्यास बऱ्याच...