कमी फॅटचे दुध पिल्यास म्हतारपण कमी होतं..! संशोधनातील निष्कर्ष !!

कमी फॅट(मेद)युक्त दुधाचा आहारामध्ये वापर केल्यास प्रौढांमध्ये वार्धक्य ४.५ वर्षाने पुढे जात असल्याचे दिसून आले आहे. संपूर्णपणे मेदरहित किंवा १ टक्के मेद असलेल्या दुधाच्या आहारातील समावेशाचा अभ्यास ब्रिघम यंग विद्यापीठामध्ये करण्यात आला होता. ब्रिघम विद्यापीठातील प्रो. लॅरी टकर यांनी अमेरिकेतील ५८३४ प्रौढ व्यक्तींच्या आहार व त्यातील दुधाच्या प्रमाणाचा अभ्यास केला. ज्या लोकांच्या आहारामध्ये एक टक्क्यापेक्षा कमी मेद (फॅट) असलेल्या दुधाचा समावेश आहे, अशा व्यक्तींमध्ये वार्धक्यांची लक्षणे २ टक्के व त्यापेक्षा मेदयुक्त दूध घेणाऱ्या लोकांपेक्षा काही वर्षे उशिरा दिसत असल्याचे दिसून आले. त्याविषयी माहिती देताना टकर म्हणाले, की मेदयुक्त दूध घेणाऱ्या लोकांच्या तुलनेमध्ये मेदरहित किंवा कमी मेदयुक्त दूध घेणाऱ्या लोकांमध्ये वार्धक्याशी संबंधित बाबींचा अत्यंत कमी प्रमाणात आढळल्या. टकर यांनी दैनंदिन दूध पिणाऱ्या लोकांप्रमाणे आठवड्यातून एकदा किंवा कमी वारंवारितेने दूध घेणाऱ्या लोकांतील गुणसूत्रातील शेपटीकडील टेलोमेरे या संरचनेच्या लांबीशी असलेला संबंध तपासला. त्याचप्रमाणे संपूर्ण दूध, दोन टक्के किंवा १ टक्के किंवा मलई काढलेल्या दुधाचा वापर करणाऱ्या लोकांमधील संबंधही तपासण्यात आला. त्याचे निष्कर्ष ऑक्सिडेटिव्ह मेडिसीन अॅण्ड सेल्युलर लॉन्जेव्हिटी या संशोधनपत्रिकेमध्ये प्रकाशित करण्यात आले आहेत. संशोधनातील निष्कर्ष ः

आहारातील दुधाचे प्रमाण ः अभ्यासामध्ये जवळपास अर्धे लोक हे दैनंदिन दूध घेणारे असून, उर्वरित एक चतुर्थांश लोक आठवड्यातून किमान एकदा दूध घेणारे होते. यातील तीनपैकी एक प्रौढ हा संपूर्ण मेदयुक्त दूध घेतो, तर अन्य ३० टक्के लोक २ टक्के मेदयुक्त दूध घेतात. त्यातही १० टक्के लोक हे १ टक्के दूध घेतात, तर अन्य १७ टक्के लोक मेदरहित दुधाचा वापर करतात. १३ टक्के लोक गायीचे दूध अजिबात पीत नाहीत.