agriculture stories in marathi E cycle runs on solar energy | Agrowon

सौर ऊर्जेवर चालणारी ई-सायकल !

- दिनकर गुल्हाने
शुक्रवार, 6 मार्च 2020

सध्या दुचाकीचे प्रमाण वाढले असले तरी त्यासाठी लागणारे पेट्रोल सातत्याने महाग होत चालले आहे. शरीराला व्यायाम म्हणून सायकल चालवण्याचा प्रयत्न अनेक जण करतात. मात्र, अनेक वेळा दमलेले असताना सायकल चालवावी वाटत नाही. अशा वेळी उपयुक्त ठरू शकेल, अशी ‘ई-सायकल’ पुसद येथील बाबासाहेब नाईक अभियांत्रिकी महाविद्यालयाच्या विद्यार्थ्यांनी बनवली आहे. ती सौर ऊर्जेवर चालते.

सध्या दुचाकीचे प्रमाण वाढले असले तरी त्यासाठी लागणारे पेट्रोल सातत्याने महाग होत चालले आहे. शरीराला व्यायाम म्हणून सायकल चालवण्याचा प्रयत्न अनेक जण करतात. मात्र, अनेक वेळा दमलेले असताना सायकल चालवावी वाटत नाही. अशा वेळी उपयुक्त ठरू शकेल, अशी ‘ई-सायकल’ पुसद येथील बाबासाहेब नाईक अभियांत्रिकी महाविद्यालयाच्या विद्यार्थ्यांनी बनवली आहे. ती सौर ऊर्जेवर चालते.

शहरातील अंतर दूरदूर होत चालली आहेत. त्यात दुचाकी वाहनांची संख्या वाढल्याने प्रदूषणाबरोबरच वाहतूक कोंडीचीही समस्या वाढली आहे. यावर बाबासाहेब नाईक अभियांत्रिकी महाविद्यालयातील यांत्रिकी विभागातील विद्यार्थी चैतन्य काण्णव, संदीप जोशी, अंकुश भोपळे, अनुज चव्हाण, शुभम राठोड, अर्जुन कुबडे, इंतेसार खान यांनी ई-सायकल निर्मितीचा प्रकल्प हाती घेतला. यासाठी सायकल, इलेक्ट्रिक मोटर, लीड ॲसिड बॅटरी, चार्जर, सायक्लोमीटर या साधनांचा उपयोग केला. या बॅटरीच्या चार्जिंगसाठी सोलर पॅनेल वापरण्यात आले आहे. यासाठी १२ हजार रुपये खर्च आला आहे.

या सायकलच्या चाचण्या घेण्यात आल्या असून, शहरी रस्त्यांवर चालविण्यास उपयुक्त असल्याचे लक्षात आले. या सायकलला ॲक्सलेटर बसवला असून, त्याद्वारे वेग कमी अधिक करता येतो. बॅटरी पूर्ण चार्ज असताना ताशी २२ ते २५ किलोमीटर वेगात धावते. एका चार्जिंगमध्ये २५ किलोमीटर पर्यंतचा प्रवास पूर्ण करते.

सौर ऊर्जेवरील ही ई-सायकल वाढत्या इंधन दराच्या काळात मोठा दिलासा देणारी ठरली आहे. या सायकलमुळे प्रदूषणाला आळा बसतो. शिवाय चढावर आवश्यक असल्यास पायडलचा उपयोग करता येतो. पेट्रोल दुचाकीला हा योग्य पर्याय असल्याचे मत प्रकल्पातील विद्यार्थ्यांनी व्यक्त केले. यासाठी महाविद्यालयातील प्रा. डॉ. संजय भागवत यांचे मार्गदर्शन मिळाले.

बाबासाहेब नाईक अभियांत्रिकीच्या वार्षिक स्नेहसंमेलन 'गेटी-२०२०' मध्ये उद्घाटक पुसद वनविभागाचे उपवनसंरक्षक अरविंद मुंढे व प्राचार्य डॉ. अविनाश वानखडे यांनी या ई-सायकलवर कॅम्पसमध्ये फेरी मारून विद्यार्थ्यांचा आनंद द्विगुणित केला. संस्थेचे अध्यक्ष जय नाईक, प्राचार्य प्रा. जयदीप इंगळे यांनी विद्यार्थी संशोधकांचे कौतुक केले.

 


इतर टेक्नोवन
दर्जेदार पशू खाद्य निर्मितीचे तंत्रजनावरांना शारीरिक व दूध उत्पादनासाठी लागणारे घटक...
सोपी, सहज सौर वाळवण यंत्रेसध्या कोरोनाच्या स्थितीमध्ये विक्रीअभावी शेतीमाल...
सौर ऊर्जेद्वारे काजू टरफल तेल निर्मितीसौर ऊर्जेच्या सहायाने काजू बी टरफलापासून तेल...
सिंचनाकरिता चुंबकीय पाणी तंत्राचा वापरक्षारयुक्त पाण्याचा पीक उत्पादन, गुणवत्ता यावर...
पीक व्यवस्थापनात कृत्रिम बुद्धिमत्ता,...शेती व्यवस्थापनात कृत्रिम बुद्धिमत्तेचा वापर...
ठिबक सिंचनाचा योग्य वापर महत्त्वाचा...ठिबक सिंचन तंत्रामुळे जमिनीत कायम वाफसा ठेवता...
तयार करा कांडी पशुखाद्य खाद्य घटकांची भुकटी करून गोळ्या किंवा कांड्या...
रोवा काठ्या कमी खर्चात अन श्रमात...भाजीपाला विशेषतः वेलवर्गीय पिकांमध्ये मांडवासाठी...
तिहेरी उपयोगाचे रिंग गार्डन!जागतिक पातळीवर शेती ही अन्नाची उपलब्धता...
पदार्थाची प्रत, रंग टिकविण्यासाठी...सौर वाळवणी संयंत्राच्या इनडायरेक्ट सोलर ड्रायर...
सौर ऊर्जेवर चालणारी ई-सायकल !सध्या दुचाकीचे प्रमाण वाढले असले तरी त्यासाठी...
अन्न शिजवण्यासाठी नावीन्यपूर्ण ‘...सरळ ज्वालेवर अन्नपदार्थ भाजण्यापासून माणसांच्या...
जमीन सुपीकता अन् तंत्रज्ञान; दर्जेदार...वडिलोपार्जित बागायती शेती असल्याने नोकरीच्या मागे...
कृषिक्षेत्रासाठी उपयुक्त ‘ब्लॉक चेन’...कृषिक्षेत्र हे अन्नसुरक्षेच्या दृष्टीने सर्वात...
प्रक्रिया उद्योगासाठी सोलर ड्रायरसौरऊर्जेचा वापर करून पदार्थ वाळवणे हा...
अचूक सिंचनासाठी स्वयंचलित यंत्रणास्वयंचलित सूक्ष्म सिंचन यंत्रणेद्वारे (ऑटोमेशन)...
इंधनबचतीसाठी पर्यावरणपूरक सौर चूलसौरऊर्जेच्या साह्याने रोजच्या जेवणातील सर्व...
तयार खाद्यपदार्थ, पूर्वमिश्रणे...सध्याच्या घाईगडबडीच्या युगामध्ये लोक तयार...
ऊस शेतीसाठी आवश्यक यंत्रेऊस उत्पादनात केवळ मजुरीवर ३५ ते ४० टक्के खर्च...
जलशुद्धीकरणासाठी सौर शुद्धजल संयंत्रदुर्गम भागांत तसेच समुद्रकिनाऱ्यावर पिण्यायोग्य...