टप्प्याटप्प्याने करतो डाळिंब बहराचे नियोजन

ज्ञानेश्वर वाघमोडे यांच्याकडे एकूण २९ एकर क्षेत्र असून, त्यात क्षेत्रावर डाळिंब लागवड केलेली आहे. डाळिंबाचा एकच बहर सरसकट धरण्याऐवजी मृग, हस्त आणि उशिराचा हस्त अशा तीन टप्प्यांमध्ये बहाराचे नियोजन करतात.
टप्प्याटप्प्याने करतो डाळिंब बहराचे नियोजन
टप्प्याटप्प्याने करतो डाळिंब बहराचे नियोजन

शेतकरी नियोजन पीक ः डाळिंब शेतकरी ः ज्ञानेश्वर वाघमोडे चळे, ता. पंढरपूर, जि. सोलापूर. डाळिंब पिकाखालील क्षेत्र ः २९ एकर. ज्ञानेश्वर वाघमोडे यांच्याकडे एकूण २९ एकर क्षेत्र असून, त्यात क्षेत्रावर डाळिंब लागवड केलेली आहे. डाळिंबाचा एकच बहर सरसकट धरण्याऐवजी मृग, हस्त आणि उशिराचा हस्त अशा तीन टप्प्यांमध्ये बहाराचे नियोजन करतात. यामुळे प्रत्येक कामासाठी मोकळीक मिळते आणि नियोजनही सोपे जाते. आता गेल्या महिन्यात ५ जूनला पहिला टप्पा पूर्ण केला आहे. साधारण ३ हजार झाडांचा बहर धरला आहे. आता जुलै आणि ऑगस्टच्या शेवटच्या आठवड्यात प्रत्येकी तीन हजारांसाठी दोन वेगवेगळे बहर धरणार आहे. ज्या बागेच्या क्षेत्राला ताण जास्त झाला आहे, त्या झाडांना फुले निघाली आहेत किंवा नवीन पालवी फुटली आहे, त्या बागेत मृग बहराचे नियोजन केले, अशी साधारण ३ हजार झाडे आहेत. मृग बहर

  • बागेत छाटणीनंतर फुलोरा जास्त आहे. हा फुलोरा टिकून राहावा, या दृष्टीने कीडनाशकांचा वापर करण्यापूर्वी ते मधमाश्यांसाठी हानिकारक ठरणार नाही, याची काळजी घेतो. फुलोरा आणखी वाढण्यासाठी मधमाशी बागेत येणे गरजेचे असते.
  • जमिनीतून खताची मूलभूत मात्रा (बेसल डोस) दिला. त्यात प्रामुख्याने एसएसपी, जिप्सम, निंबोळी पेंड यांचा जास्तीत जास्त वापर केला.
  • बेसल डोस देताना सल्फेटचा वापर अधिक केल्यास जमीन वाफशाला राहण्यास मदत होत असल्याचा माझा अनुभव आहे. द्रवरूप खताचा वापर अत्यंत गरजेचा आहे.
  • फळांवर व पानांवर काळा डाग येऊ नये, यासाठी बुरशीनाशकांचा योग्य पद्धतीने वापर करावा लागतो. त्यानुसार तज्ज्ञांच्या साह्याने आवश्यक त्या बुरशीनाशकांचा वापर करतो.
  • या वर्षी एका बागेमध्ये फुलोरा कमी आला आहे. त्या क्षेत्रात पाण्याचे योग्य नियोजन करणार आहे. झाडावरील अतिरिक्त फूट काढून, नवीन फुटीच्या पक्वतेसाठी १३ः ००ः ४५ आणि ०ः ५२ः ३४ चा वापर करणार आहे. आवश्यकतेनुसार सूक्ष्म अन्नद्रव्यांच्या फवारण्या करतात.
  • थ्रीप्स, कीड व रोग नियंत्रणासाठी फवारण्याचे वेळोवेळी नियोजन करत असतो.
  • पावसाचे पाणी बागेत साठणार नाही, अशी काळजी घेत आहे.
  • हस्त बहर

  • मृग बहराबरोबर आता हस्त बहरही धरणार आहे. मृग नक्षत्रात सर्वत्र चांगला पाऊस झाल्याने बागेतील ताण संपला आहे. या परिस्थितीमध्ये नवीन पालवी जास्त प्रमाणात आली आहे. त्याची वाढ नियंत्रणात ठेवण्यासाठी व काडीत अन्नद्रव्याचा साठा वाढवण्यासाठी प्रयत्न सुरू केले आहेत.
  • बाग सुप्तावस्थेमध्ये असल्याने खतांचा बेसल डोस देणार आहे.
  • काडी पक्वतेसाठी एसओपी अधिक कॅल्शियम, बोरॅान, डीएपी, १३ः०ः४५, सूक्ष्म अन्नद्रव्यांची फवारणी करणार आहे.
  • बाग निरोगी राहण्यासाठी प्रतिबंधात्मक म्हणून बोर्डोमिश्रण आणि कीटकनाशक, बुरशीनाशकांचा वापर आवश्यकतेनुसार करत असतो.
  • संपर्क ः ज्ञानेश्वर वाघमोडे, ९८८१६५४५२५

    Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

    ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

    Related Stories

    No stories found.
    Agrowon
    agrowon.esakal.com