agriculture stories in marathi grape advice by Dr. Somkuwar | Agrowon

कलम केलेल्या द्राक्ष बागेमध्ये करावयाची कामे

डॉ. आर. जी. सोमकुंवर 
गुरुवार, 5 डिसेंबर 2019

द्राक्ष बागेमध्ये सध्या वाढीच्या विविध स्थितीमध्ये असलेल्या बागांमध्ये कामे सुरू आहेत. या वेळी तापमान पाहिजे तसे कमी झाले नाही. बऱ्याच ठिकाणी पाऊस पडला आहे, तर काही ठिकाणी वातावरण ढगाळ आहे. अशा परिस्थितीमध्ये नवीन लागवडीपासून जुन्या बागांमध्ये बऱ्याच अडचणी दिसून येत आहेत. कलम केलेल्या बागेतील स्थिती आणि तिथे सद्यःस्थितीमध्ये करावयाची कामे यांची माहिती घेऊ.

द्राक्ष बागेमध्ये सध्या वाढीच्या विविध स्थितीमध्ये असलेल्या बागांमध्ये कामे सुरू आहेत. या वेळी तापमान पाहिजे तसे कमी झाले नाही. बऱ्याच ठिकाणी पाऊस पडला आहे, तर काही ठिकाणी वातावरण ढगाळ आहे. अशा परिस्थितीमध्ये नवीन लागवडीपासून जुन्या बागांमध्ये बऱ्याच अडचणी दिसून येत आहेत. कलम केलेल्या बागेतील स्थिती आणि तिथे सद्यःस्थितीमध्ये करावयाची कामे यांची माहिती घेऊ.

कलम केलेल्या बागेमध्ये डाऊनी मिल्ड्यूचा प्रादुर्भाव आणि काडीची परिपक्वता अशा दोन महत्त्वाच्या अवस्था दिसून येतात. काही दिवसांपूर्वी झालेल्या पाऊस आणि नंतरच्या दव, धुके या वातावरणामुळे डाऊनी मिल्ड्यूची समस्या अद्यापही जाणवत आहे. काही बागांमध्ये या रोगांना काडीमध्ये प्रवेश केल्याचे दिसून येते. अशा परिस्थितीमध्ये काडी कलम जोडाजवळ काळी पडलेली दिसेल. दुसऱ्या परिस्थितीमध्ये रोगाचा जास्त प्रसार झालेला असल्यास त्या ठिकाणाहून काडी तुटत असल्याचे दिसून येईल. काडी पुढील काळासाठी फायद्याची राहणार नाही. तेव्हा ही काडी यावेळीच शक्यतो कापून घ्यावी. सध्या उपलब्ध असलेले तापमान पुन्हा नवीन फूट निघण्यास मदत करेल. ज्या ठिकाणी काडी पूर्ण खराब झाली आहे, अशा ठिकाणी कलमजोडाच्या २-३ डोळे खाली काडी कापून घ्यावी. पुन्हा रूटस्टॉकवरून नवीन फुटी घेऊन फेब्रुवारी महिन्यात शक्य झाल्यास रिकट करतेवेळी त्याच बागेतून सायन काडी घेऊन कलम करावे.

याच बागेत दुसरी परिस्थितीही आढळून येते. पाऊस जास्त झालेला असल्यामुळे काडीची वाढ आवश्यकतेपेक्षा जास्त झाली. जास्त झालेल्या शाकीय वाढीमुळे बागेत काडी अजूनही हिरवी असेल. या बागेमध्ये काही वेली रोगग्रस्त असतील, तर काहींची वाढ कलम जोडाच्या पुढे फक्त ३-४ पानांवर दिसेल. अशा स्थितीमध्ये बागेमध्ये खोड, ओलांडा व मालकाडी तयार करण्याच्या दृष्टीने रिकट घेणे आवश्यक असते. हा रिकट तापमानाच्या विचार करता साधारणतः फेब्रुवारी महिन्यात सुरू करावयाचा असतो. रिकट घेतेवेळी कलमजोडापासून किमान ६-७ डोळे पूर्ण परिपक्व असावेत.

याकरिता बागेमध्ये सध्या नत्राचा वापर बंद करून सल्फेट ऑफ पोटॅशची (०-०-५०) पूर्तता जमिनीतून किंवा फवारणीद्वारे करावी. सध्या सुरू असलेला पाऊस संपल्यानंतर तापमान कमी होऊ लागेल. अशावेळी अन्नद्रव्याचा फारसा फायदा होणार नाही. ०-०-५० च्या ३ ते ४ ग्रॅम प्रति लिटर पाणी प्रमाणे तीन ते चार फवारण्या कराव्यात. १० ते १२ किलो सल्फेट ऑफ पोटॅश प्रति एकर जमिनीतून उपलब्ध करावे. या बागेमध्ये बोर्डो मिश्रण एक टक्का प्रमाणे एक ते दोन फवारण्या कराव्यात.

डॉ. आर. जी. सोमकुंवर, ०२०-२६९५६००१
(संचालक, द्राक्ष संशोधन केंद्र, मांजरी, जि. पुणे)


इतर ताज्या घडामोडी
फूल उत्पादकांना आस दसरा, दिवाळीचीपुणे : टाळेबंदीत सर्वाधिक फटका बसलेल्या फूल...
लातूर विभागात २३ लाखावर शेतकऱ्यांना...उस्मानाबाद / लातूर : लातूर येथील विभागीय कृषी...
औरंगाबादमध्ये कांदा २०० ते ३२०० रूपये...औरंगाबाद : येथील कृषी उत्पन्न बाजार समितीमध्ये...
पुणे जिल्ह्यात पीककर्जाची होणार सहा...पुणे :  नियमित कर्ज फेडणाऱ्या...
मूग, उडीद खरेदीसाठी सोलापूर, बार्शी,...सोलापूर  : मूग, उडदाच्या आधारभूत किंमती...
खानदेशातील दुष्काळी भागातील प्रकल्पांत...जळगाव  ः खानदेशातील दुष्काळी भागातील निम्मे...
वाशीम जिल्ह्यात पिकांच्या नुकसानीचे...वाशीम  : ‘‘जिल्ह्यात गेल्या काही दिवसांत...
खानदेशात सोयाबीनची कापणी, मळणी लांबणीवर...जळगाव  ः खानदेशात काळ्या कसदार जमिनीत वाफसा...
हिंगोली, परभणीत एक लाख हेक्टर पिकांवर...हिंगोली, परभणी : अतिवृष्टी, ओढे - नाले, नद्यांचे...
साखर कारखान्यांचे वजनकाटे सुधारा, ‘...कोल्हापूर : साखर कारखान्यांच्या वजन काट्याबाबत...
सांगलीत मूग, उडीद खरेदीसाठी नोंदणी सुरूसांगली : बाजार समितीच्या आवारातील विष्णूअण्णा...
कृषी विधेयकाच्या समर्थणार्थ ‘रयत’ने...नाशिक  : केंद्र सरकारने कृषी विधेयकाच्या...
राज्यात ढगाळ हवामानाची शक्यताईशान्य मॉन्सून म्हणजेच परतीच्या मॉन्सूनला सुरुवात...
खानदेशात पाऊस थांबला, वाफशाची प्रतीक्षाजळगाव : खानदेशात गुरुवारी (ता.२५) पाऊस थांबला....
सांगलीत नियोजनाअभावी थेट शेतमाल विक्री...सांगली : लॉकडाउनच्या काळात संपूर्ण बाजारपेठा बंद...
सोलापुरातील उपबाजार समित्यांचा प्रस्ताव...सोलापूर ः सोलापूर कृषि उत्पन्न बाजार समितीच्या...
कोल्हापुरात शेतकरी संघटनांकडून कृषी...कोल्हापूर : राज्यसभेत मंजूर झालेल्या कृषी...
नुकसानग्रस्त पिकांचे तातडीने पंचनामे...सोलापूर ः अतिवृष्टीमुळे नुकसान झालेल्या...
शेतकऱ्यांचे प्रश्‍न शासनाकडे पोचवणार :...नाशिक : ‘‘मी देखील शेतकऱ्याचाच मुलगा आहे. कांदा...
मराठवाड्यात कृषी विधेयकांची होळीऔरंगाबाद / परभणी /  नांदेड :...