agriculture stories in Marathi, live fish transport vehicle | Agrowon

जिवंत माशांच्या वाहतुकीसाठी वाहनाची निर्मिती

वृत्तसेवा
मंगळवार, 17 सप्टेंबर 2019

लुधियाना येथील केंद्रीय काढणी पश्चात अभियांत्रिकी आणि तंत्रज्ञान संस्थेने लहान मच्छिमार तसेच मासे विक्रेत्यांची गरज लक्षात घेऊन जिवंत माशांच्या वाहतुकीसाठी वाहन (एलएफसीएस) विकसित केले आहे. यामुळे ताज्या माशांना बाजारपेठेत चांगला दर मिळून उत्पन्न वाढण्यास मदत होणार आहे.

असे आहे वाहतुकीचे वाहन ः

लुधियाना येथील केंद्रीय काढणी पश्चात अभियांत्रिकी आणि तंत्रज्ञान संस्थेने लहान मच्छिमार तसेच मासे विक्रेत्यांची गरज लक्षात घेऊन जिवंत माशांच्या वाहतुकीसाठी वाहन (एलएफसीएस) विकसित केले आहे. यामुळे ताज्या माशांना बाजारपेठेत चांगला दर मिळून उत्पन्न वाढण्यास मदत होणार आहे.

असे आहे वाहतुकीचे वाहन ः

१) मासे वाहतूक करणारे हे वाहन पूर्णपणे डीसी ऊर्जेद्वारे चालते. वाहन चालविण्यासाठी लागणारी ऊर्जा लीड ॲसिडच्या चार बॅटरीच्या माध्यमातून तयार केली जाते. या ऊर्जानिर्मितीतून प्रदूषण होत नाही.
२) एकदा बॅटरी चार्जिंग केल्यावर हे वाहन ५०० किलो वजनासह ८० कि.मी. पर्यंत चालते.
३) वाहतुकीदरम्यान मासे जिवंत राहाण्यासाठी वाहनामध्ये वायूविजय यंत्रणा, गाळण प्रक्रिया, शीतकरण यंत्रणा आणि अमोनिया वायू बाहेर टाकणारी यंत्रणा आहे. या सुविधमुळे मासे जिवंत राहाण्याचे प्रमाण चांगले आहे. यामध्ये दर ४० किमीला १ टक्क्यांपेक्षाही कमी मासे मरण्याचे प्रमाण आहे.
४) वाहनाच्या माध्यमातून गोड्या आणि खाऱ्या पाण्यातील माशांची वाहतूक शक्य आहे.
५) वाहनाची एका वेळेस १०० किलो जिवंत मासे वाहून नेण्याची क्षमता आहे. ही क्षमता वाढवणे शक्य आहे.
६) वाहनाचा वापर करून लहान मच्छीमार थेट तलावापासून किरकोळ बाजारात ताजे जिवंत मासे विक्रीसाठी नेऊ शकतात. याचबरोबरीने या वाहनाद्वारे मस्यबीज वाहतूक, प्रजननासाठी वापरण्यात येणारे मासे, शोभेचे मासे तसेच संशोधनासाठी जिवंत माशांची वाहतूक करणे शक्य आहे. मासे विक्रेत्यांना हे वाहन उपयुक्त ठरणारे आहे.
७) वाहनाच्या तंत्रज्ञानास सिफेट संस्थेने मान्यता दिलेली आहे. तसेच याचे पेटंट देखील नोंदविण्यात आले आहे. आंतरराष्ट्रीय कृषी विकास फंड या संस्थेने देखील या वाहनाच्या प्रसारासाठी मदत केली आहे.
८) मत्स्य वाहतूक वाहनाची संपूर्ण यंत्रणेसह किंमत सुमारे दोन लाख आहे. त्यामुळे हे वाहतुकीचे वाहन मच्छिमारांना आर्थिकदृष्यादेखील किफायतशीर आहे.

वाहनाचे फायदे

१. मत्स्य वाहतूक वाहनामध्ये स्वयंचलित वायुवीजन, गाळण यंत्रणा आहे. तसेच शीतकरण यंत्रणा असल्याने माशांचा ताजेपणा टिकवून ठेवता येतो. माशांची मरतूक अत्यंत कमी होते.
२. पारंपरिक प्रणालींच्या तुलनेत यामध्ये ५० टक्क्यांपेक्षा कमी प्रमाणात पाणी वापरले जाते.
३. पारंपरिक प्रणालीमध्ये माशांच्या वाहतुकीसाठी किमान ४ ते ५ मजूर लागतात. परंतु, या वाहनासाठी एकच मजूर लागतो. त्यामुळे मोठ्या प्रमाणात मजूर बचत होते.
४. ग्राहकांना ताज्या प्रतीच्या माशांचा खात्रीशीर पुरवठा होतो.
५. वाहनाच्या वापराने प्रदूषण होत नाही. लहान मच्छिमार तसेच मासे व्यावसायिकांसाठी हे वाहन फायदेशीर आहे.
६. हे वाहन महिलादेखील चांगल्याप्रकारे चालवू शकतात. त्यामुळे महिला बचत गटांसाठी उपयुक्त ठरणारे आहे.
 


इतर टेक्नोवन
बहुपयोगी पॉवर टिलरपॉवर टिलरमधील रोटोव्हेटरचा वापर नांगरट, ढेकळे...
ठिबक सिंचनातील पंप निवडीसाठी तांत्रिक...महाराष्ट्रामध्ये शेतकरी कापूस, हळद, ऊस, संत्रा,...
धान्य साठवणीसाठी जीआयसी सायलो अधिक...काढणीपश्चात अन्नधान्यांच्या साठवणीमध्ये अधिक...
भविष्यातील आहारामध्ये असतील फुलेहीसामान्यपणे फुलांचे उत्पादन हे व्यावसायिकरीत्या...
टोमॅटो प्रक्रिया उद्योगासाठीची यंत्रेटोमॅटोमध्ये पाण्याचे प्रमाण अधिक असल्यामुळे...
छतावरील पर्जन्यजल संचय तंत्रातून १४ लाख...जालना कृषी विज्ञान केंद्राने ‘रुफ टॉप वॉटर...
धान्य, हळद साठवणुकीसाठी हर्मेटिक...हर्मेटिक तंत्रज्ञान हे धान्य, मसाले आणि हळद...
काजूच्या टरफलापासून औद्योगिक तेलनिर्मितीजिथे धागा तयार होतो, तिथेच वस्त्र तयार करण्याचा...
भारतीय शेतकऱ्यांपर्यंत नेणार जागतिक...देशात आधुनिक शेती व फळबागांचा विस्तार होत...
उस्मानाबादी शेळीच्या दुधाचा ‘शिवार सोप' आपल्याकडे शेळीपालन हे प्रामुख्याने मांसासाठी केले...
तळण पदार्थासाठी नवे तंत्र ः एअर फ्रायिंगभारतीयांमध्ये तळलेल्या पदार्थांची आवड...
स्वतःच्या गरजेनुसार यंत्रांची केली...बदलत्या काळात शेतीत मजुरांची संख्या कमी झाली....
फळांच्या व्यावसायिक प्रतवारीसाठी यंत्र...भारतीय कृषी संशोधन परिषदेच्या केंद्रीय कृषी...
शेवाळापासून पर्यावरणपूरक दिवे...फ्रेंच जैव रसायनतज्ज्ञ पियरे कॅल्लेजा यांनी...
कृषी अवशेष, रबर यांच्या मिश्रणापासून...शहरामध्ये अंगण नसले तरी गच्ची, गॅलरीमध्ये...
तणनियंत्रणासाठी घरगुती साधनांतून तयार...वर्धा जिल्ह्यातील कासारखेडा (ता. आर्वी) येथील...
क्षारपड जमीन सुधारण्यासाठी निचरा...मुंबई येथील केंद्रीय मत्स्य शिक्षण संस्थेने...
पारंपरिक पदार्थांसाठी वातावरणरहित तळण...भारतीय लोकांना तळलेले पदार्थ मोठ्या प्रमाणात...
बायोगॅसद्वारे विद्युतनिर्मिती फायदेशीरडॉ. पंजाबराव देशमुख कृषी विद्यापीठाच्या...
एकात्मिक कीड नियंत्रणासाठी स्वयंचलित...किडीच्या एकात्मिक नियंत्रणासाठी विविध प्रकारच्या...