मिल्क केक बनविण्याची प्रक्रिया

मिल्क केक हा दिसायला कलाकंदप्रमाणे असला तरी त्यातील भौतिक व रासायनिक गुणधर्मामुळे वेगळा आहे. हा दाणेदार खवा किंवा म्हशीच्या दुधापासून बनवतात. कलाकंदापेक्षा कमी ओलावा, साखरेचे प्रमाण जास्त, भौतिक रचना थोडीशी चिकट अशी त्याचे गुणधर्म आहेत. मिल्क केक हा दोन विशिष्ट थरांपासून बनलेला असून बरोबर मध्यभागी गडद्द तपकिरी व बाजूंच्या दोन्ही बाजूस हलक्या स्वरूपाचा तपकिरी रंगाचा असतो. कलाकंद हा एकसारख्या पांढरा ते हलक्या तपकिरी रंगांचा असतो.  मिल्क केक बनविण्यासाठी पद्धत :  म्हशीचे उच्च प्रतीचे दूध उकळविणे.  ⇒ ०.०२ टक्के सायट्रिक आम्ल द्रावण टाकणे.  ⇒ घेतलेल्या दुधाच्या ५० टक्के बाष्पीभवन करणे.  ⇒ घेतलेल्या दुधाच्या ६ टक्के साखर टाकणे.  ⇒ पुन्हा बाष्पीभवन करणे.  ⇒ इच्छित बाष्पीभवन होऊन अंतिम पदार्थ हा कोरडा दिसेपर्यंत  ⇒ गरम असस्थेत पदार्थ तबकामध्ये काढून घेणे.  ⇒ वातावरणातील तापमानापर्यंत थंड करून घेणे.  ⇒ इच्छित आकारात कापून घेणे. 

मिल्क केकची रासायनिक रचना (टक्के) :-  एकूण घन घटक : ८४.१७ स्निग्धांश : २१.३२ प्रथिने : ११.३८  कर्बोदके : ७.६७ साखर : ४०.४६ खनिजे : २.२९ निळकंठ पवार, ९४२३६७२६१६  (दुग्ध तंत्रज्ञान महाविद्यालय, उदगीर)