Agriculture stories in Marathi, safflower crop advisory , Agrowon, Maharashtra | Agrowon

करडई पिकात विरळणी महत्त्वाची

डॉ. एस. के. शिंदे,  डॉ. एस. व्ही. खडतरे
रविवार, 26 नोव्हेंबर 2017

यंदा रब्बी हंगामासाठी उपयुक्त पाऊस उशिराच झाला. त्यामुळे बहुतांश ठिकाणी करडई पिकाची पेरणी ऑक्‍टोबरअखेरीस करण्यात आली. येत्या काही दिवसांत पिकाची विरळणी, आंतरमशागत आदी कामे केल्यास उत्पादनवाढीसाठी ते उपयोगी पडणार आहे. 

यंदा रब्बी हंगामासाठी उपयुक्त पाऊस उशिराच झाला. त्यामुळे बहुतांश ठिकाणी करडई पिकाची पेरणी ऑक्‍टोबरअखेरीस करण्यात आली. येत्या काही दिवसांत पिकाची विरळणी, आंतरमशागत आदी कामे केल्यास उत्पादनवाढीसाठी ते उपयोगी पडणार आहे. 

विरळणी :
करडई पीक हे जमिनीत साठवलेल्या ओलाव्यावर घेतले जाते. ओलाव्याचा कार्यक्षम वापर होण्याच्या दृष्टीने पिकाची विरळणी करून हेक्‍टरी १ लाख ११ हजार १११ झाडांची संख्या ठेवावी. जास्त रोपे असतील तर जमिनीत साठवलेला ओलावा व अन्नद्रव्यासाठी रोपांमध्ये स्पर्धा होते. वाढीसाठी ओलावा कमी पडतो. म्हणून पेरणीनंतर १५ ते २० दिवसांनी पिकाची विरळणी करावी. विरळणी करताना दोन झाडांतील अंतर २० सें.मी. ठेवून रोगट, लहान रोपे काढावीत.

खुरपणी :
तणाच्या प्रादुर्भावानुसार एक किंवा दोन वेळा खुरपणी करावी. वाढीच्या पहिल्या ३०-४५ दिवसांपर्यंत पीक तणविरहित ठेवावे.

आंतरमशागत :
करडई पिकास वाढीच्या अवस्थेत ओलाव्याची जास्त आवश्‍यकता असते. जमिनीतील ओलावा टिकवण्यासाठी पेरणीनंतर पहिली कोळपणी २५ ते ३० दिवसांनी करावी. त्यामुळे पिकातील तण निघून जाते, तसेच मातीचे आच्छादन पडून जमिनीतून बाष्पीभवनाद्वारे उडून जाणाऱ्या ओलाव्यास अडथळा निर्माण होतो. दुसरी कोळपणी पेरणीनंतर ४०-४५ दिवसांनी दातेरी कोळप्याने करावी. या कोळपणीमुळे जमिनीस पडलेल्या भेगा बुजल्या जातात. त्यामुळे भेगाद्वारे ओलाव्याचे होणारे बाष्पीभवन कमी होते. तो ओलावा पीकवाढ आणि दाणे भरण्यासाठी उपयोगी पडतो. करडई पिकास एक कोळपणी करणे म्हणजे अर्धे पाणी दिल्यासारखे आहे. 

पाणी व्यवस्थापन : 
करडई पीक हे अवर्षणास प्रतिकारक असल्यामुळे या पिकास कमी पाणी लागते. मध्यम ते भारी जमिनीत पुरेसा ओलावा असल्यास पिकास पेरणीनंतर पाणी देण्याची गरज नाही. पाणी उपलब्ध असेल तर पिकास पाण्याचा ताण पडण्यापूर्वी तसेच जमिनीस भेगा पडण्यापूर्वी पाणी द्यावे. करडई पिकास जास्त पाणी सहन होत नाही, त्यामुळे हलके सिंचन करावे. भेगा पडल्यानंतर पाणी दिल्यास भेगांमध्ये जास्त प्रमाणात पाणी साचून राहते. पिकाच्या मुळाभोवती जास्त काळ पाणी राहिले व तापमान जास्त असेल तर पीक मोठ्या प्रमाणावर मर रोगास बळी पडते. करडई पिकास पहिले पाणी ३० ते ३५ दिवसांनी द्यावे व त्यानंतर दुसरे पाणी ५५-६० दिवसांनी द्यावे. पिकास फुले येण्यास सुरवात झाल्यावर सायकोसिल या वाढरोधकाची १ मि.लि. प्रतिलिटर पाणी या प्रमाणात फवारणी करावी. त्यानंतर ८-१० दिवसांनी दुसरी फवारणी करावी. सायकोसिल फवारणीमुळे झाडांची अनावश्‍यक वाढ थांबून उपलब्ध अन्नद्रव्ये व ओलाव्याचा दाणे भरण्यास फायदा होतो. 

संपर्क : डॉ. एस. के. शिंदे, ९६८९६१७०६६
(अखिल भारतीय समन्वित करडई संशोधन प्रकल्प, सोलापूर)


इतर अॅग्रो विशेष
मॉन्सून मंगळवारपर्यंत कोकणातील काही...पुणे : बंगालच्या उपसागरात तयार होत असलेले कमी...
सिंधुदुर्ग, रत्नागिरीतील पारंपरिक...सिंधुदुर्ग: सकस आणि पौष्टिक मानल्या जाणाऱ्या...
विद्यापीठाच्या कांदा बियाण्यांची विक्री...नाशिक : कोरोना प्रादूर्भावाच्या...
कोकण, मध्य महाराष्ट्रात पावसाची शक्यतापुणे: निसर्ग चक्रीवादळ निवळल्यानंतर राज्याच्या...
फळपिक विम्यात शेतकऱ्यांना ५ टक्के वाटा...मुंबई: राज्यात पुनर्रचित हवामान आधारीत फळपिक...
फळपिक विमा योजना अखेर जाहीरपुणे : राज्यात हवामानावर आधारित पुनर्रचित फळपिक...
थकबाकीदार शेतकऱ्यांच्या कर्जाचा घोळ...पुणे: थकबाकीदार शेतकऱ्यांना नवे पीककर्ज देण्याचे...
मॉन्सून गोव्याच्या उंबरठ्यावर दाखलपुणे: नैर्ऋत्य मोसमी वाऱ्यांनी (मॉन्सून) शनिवारी...
पीककर्ज वाटपाचा पुरता फज्जापुणे ः मोसमी पाऊस महाराष्ट्राच्या उंबरठ्यावर दाखल...
टोळधाड- तूर्त संकट टळले !, तरी सतर्क,...कोरोना संकटाशी सामना सुरू असतानाच राज्याला नव्या...
दक्षिण कर्नाटक, तामिळनाडूत मॉन्सूनची...पुणे : नैर्ऋत्य मोसमी वाऱ्यांनी (मॉन्सून) आज (ता....
कोकणात पावसाचा अंदाज पुणे : अरबी समुद्रात आलेल्या ‘निसर्ग’...
रविवारपर्यंत मॉन्सूनची आणखी चाल शक्य पुणे: नैर्ऋत्य मोसमी वाऱ्यांनी (मॉन्सून) गुरूवारी...
हमीभाव मिळवून देण्यात केंद्र सरकार...पुणे: केंद्र सरकार गाजावाजा करून हमीभाव जाहीर करत...
शेतकरी उत्पादक कंपन्यांचे बियाणे अनुदान...पुणे : राज्यातील शेतकरी उत्पादक कंपन्यांचे बियाणे...
साखर कारखान्यांनी लॉकडाउनमध्ये जमा केली...पुणे: लॉकडाउनमधील विविध अडचणींना तोंड देत...
माझा शेतकरी, माझा अभिमान ! ७ ते १३ जून...पुणे : कोरोनाच्या कठिणकाळात जनता घरबंद असताना...
कृषी उन्नती योजनेत ६६ टक्के कपातपुणे: कृषी उन्नती योजना राबविण्यासाठी केंद्र...
साखर उत्पादनात उत्तर प्रदेशची झेपकोल्हापूर: यंदा उत्तर प्रदेशने साखर उत्पादनात...
दर्जेदार हळद पावडरीचा शिनगारे यांचा...परभणी जिल्ह्यातील वालूर सारख्या ग्रामीण भागात...