ग्रामसभांना मिळणार वनहक्क कायद्याचे धडे

ग्रामविकास
ग्रामविकास

 राज्यातील सहा हजार ५०० ग्रामसभांत वनहक्क कायद्याबाबत धडे देण्यात आले आहेत. याबाबत मुंबई विद्यापीठातर्फे लवकरच अभ्यासक्रम सुरू करण्यात येणार आहे. मुंबई स्कूल ऑफ इकोनॉमिक्‍स ॲण्ड पब्लिक पॉलिसी (अर्थशास्त्र) या विभागाने त्यासाठी पुढाकार घेतला. विद्यापीठाच्या अर्थशास्त्र विभागाचे नुकतेच मुंबई स्कूल ऑफ इकॉनॉमिक्‍स ॲण्ड पब्लिक पॉलिसी असे नामकरण करण्यात आले. आदिवासींना त्यांचे हक्क, जीवनशैली वृद्धिंगत करण्यासाठी आवश्‍यक प्रशिक्षण मुंबई स्कूल ऑफ इकॉनॉमिक्‍स ॲण्ड पब्लिक पॉलिसीतर्फे देण्यात येणार आहे. त्यासाठी पदविका अभ्यासक्रम तयार करण्यात येत आहे, अशी माहिती मुंबई स्कूल ऑफ इकॉनॉमिक्‍सचे संचालक डॉ. नीरज हातेकर यांनी दिली. सामूहिक वनहक्क व्यवस्थापन कसे करायचे, त्याबाबत ग्रामसभांतील दोन सदस्यांना धडे देणार आहेत, असे हातेकर यांनी सांगितले. वनसंपत्तीवर आदिवासींचा हक्क आहे. वनहक्क कायद्यांतर्गत आदिवासींना मिळालेले संरक्षण, त्याची अंमलबजावणी कशी करायची, याबाबत त्यांना पुरेशी माहिती नाही. या हक्कांबाबत जागृती निर्माण करण्यासाठी त्यांनी पुढाकार घेतला आहे. आदिवासी भागांनाही भेटी दिल्यांनतर त्यांना प्रशिक्षण देण्याचे ठरले, असे हातेकर म्हणाले.  असा आहे अभ्यासक्रम जंगलातून मिळालेला माल कसा विकायचा, त्याची पद्धत, त्यासाठी आवश्‍यक नियम आदींबाबत आदिवासींना माहिती देण्यात येणार आहे. जैवविविधता व्यवस्थापन, शाश्वत शेती, सहकारी संघटनांची उभारणी, आवश्‍यक वित्त व लेखापालाचेही प्रशिक्षण दिले जाणार आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com